Forcat speciale të rendit janë thirrur pasi protestuesit thyen dritare të bankave në mes një serie demonstratash para samitit të G20 në Londër.


Demonstruesit sulmuan ndërtesën e Royal Bank of Scotland dhe hynë në ndërtesë në zonën financiare të Londrës pas përleshjeve me policinë në Bankën e Anglisë.

Policia vlerëson se janë afro 4,000 demonstrues në qendrën financiare.

Korrespondenti i BBC-së në zonë, Ben Brown thotë se ishte një "gjendje e rëndë" pasi protestuesit thyen xhama të dritareve në RBS dhe disa hynë dhe brenda deri në çati.

Qindra demonstrues të tjerë kundër luftës janë mbledhur gjithashtu jashtë ambasadës amerikane në Londrën qëndrore për të marshuar drejt sheshit Trafalgar.

Të paktën dy mijë e pesëqind oficerë policie ekstra janë thirrur për një operacion që vlerësohet se kushton më shumë se 10 milionë dollarë.

Shumë punonjës të sektorit financiar kanë shkuar në punë sot të veshur me veshje të zakonshme pasi bankat dhe institucionet e tjera i paralajmëruan ata se mund të ishin objekt i protestuesve.

Policia ka bërë të ditur se të paktën 11 vetë janë arerszuar.

Korrespondenti tjetër i BBC, Danny Shaw thotë se plani policor i njohur si Glencoe, është një nga më komplekset në vite.

"Oficerët jo vetëm janë përgjegjës për mbrojtje të më shumë se 50 delegacioneve të nivelit të lartë, por policisë i duhet të përballet me demonstrata e protestues që lëvizin shumë shpejt," tha ai.

BBC

Ka ardhur koha per revolucion, te varferit duhen te ngrihen qe te mbrojne te drejtat e tyre, dhe jo te jene vetem nje hallke i nje zinxhiri qe sherben per te pasuruar nje grup njerzish. Ka patur njerz qe e kishin parashikuar kyte krize me kohe. E vetmja gje pozitive qe ka dale nga G20 eshte vendimi per te zhdukur vendet e ashtuquajtura PARAJSA FISKALE, vende si Zvizera Ishujt Maldive etj etj qe ekziston sekreti bankare. Ne keto vende jane te depozituara te gjitha parate e pista te planetit, politikan, bankiere, financiere, trafikant, manaxhere etj, kane depozituara parate e tyre te fituara ne vendet e tyre respektive, dhe per t'i ikur rregjimit fiskal te vendeve te tyre apo kontrolleve financiare depozitojne shume te medha ne keto vende. Dhe numeri i ketyre vendeve eshte shume i madh, Zvicera, Ishujt Maldive, Hong Kong, Monte Carlo, Litenstein, San Marino, etj etj etj.
Te medhenjet e planetit me kerkese te Frances dhe Gjermanise qe ç'do dite dhe me shume kerkojne te jene protagonist dhe aleat TE VERTETE te Amerikes dhe jo me sherbetore te saje, vendosen qe te gjitha keto vende te futen ne nje LISTE TE ZEZE. Kina nuk ishte shume dakord qe te jete edhe Hong Kongu ne kete liste, bile ne fillim as vete Amerika, por Sarkozy dhe Merkel deklaruan ne diten e djeshme, "o do te arrijme rezultate konkrete o do te ngrihemi dhe te braktisim mbledhjen".
Shpresojme se kemi hyre ne nje ere te re.