Ajo qe eshte e çuditshme dhe paradoksale, eshte se ne Konferencen e Kombeve te Bashkuara kunder racizmit, ka te drejten e fjales edhe nje racist si presidenti i Iranit.
Dhjetëra delegatë gjate konferencës të Kombeve të Bashkuara mbi racizmin dolën nga salla gjatë një fjalimi të Presidentit iranian Mahmud Ahmadinexhad.
Delegatët evropianë e braktisën punimet e konferencës në shenjë proteste ndaj kritikave të zotit Ahmadinexhad ndaj ekzistencës së Izraelit dhe zhvendosjes së palestinezëve.
Disa nga delegatët që qëndruan në sallën e konferencës në Gjenevë, e përcollën presidentin iranian me thirrje dhe ngacmime, të cilave ai iu përgjigj me buzëqeshje dhe e vazhdoi deri në fund fjalimin. Në sallë pati duartrokitje nga disa prej pjesëmarrësve për komentet e tij.
Shtetet e Bashkuara dhe disa vende aleate të tyre e bojkotuan konferencën. Ata thanë se shqetësohen se konferenca mund të shndërrohej në forum anti-semitizmi dhe se thirrjet për të mbrojtur lirinë e besimit mund të eklipsonin të drejtën e lirisë së fjalës. Më hertë para filimit të takimit, Izraeli rithirri ambasadorin nga vendi organizues, Zvicra. Vendet qe nuk moren pjese ne konference jane, Kanada, SHBA, Italia, Gjermania, Hollanda, Suedia, Austria.

"Është turp" - Izraeli reagon ndaj fjalimit të Ahmadinexhadit
Nuk zgjati shumë kohë që skandali i pritur të ndodhte. Në Konferecën kundër racizmit, Presidenti iranian Mahmud Ahmadinexhad sulmoi me fjalë të ashpra Izraelin. Reaksionet nga Izraeli ishin të menjëhershme.

Reagimet e qeverisë izraelite ndaj fjalimit të Presidentit të Iranit në konferencën e Kombeve të Bashkuara kundër racizmit në Gjenevë, ishin të njëzëshme: Mahmud Ahmadinexhati është mohues i Holokaustit dhe dëshiron të kryejë edhe një masakër tjetër kundër hebrenjëve, tha kryeministri izraelit Benjamin Netanjahu, të hënën mbrëma (20.04.) në ceremoninë qendrore përkujtimore të zhvilluar në Jeruzalem, për Ditën e Holokaustit. "Ne nuk do të lejojmë mohuesit e Holokaustit të kryejnë edhe një Holokaust tjetër kundër popullit hebre," theksoi Netanjahu, duke iu referuar programit bërthamor iranian dhe deklaratave të fundit të Presidentit iranian, Mahmud Ahmadinexhat.
Ky është obligimi më i lartë i shtetit të Izraelit dhe obligimi im si kryeministër i vendit, vazhdoi Netanjahu. Kryeministri izraelit falendëroi të gjitha vendet, që i qëndruan larg konferencës së Gjenevës, si dhe atyre që u larguan në salla, siç u shpreh Netanjahu, gjatë 'fjalimit të mbushur me urrejtje' të Ahmadinexhatit. Ndërkaq, për shkak të sulmeve verbale ndaj Izraelit, presidenti i Izraelit Shimon Peres, në fjalimin e tij të mbajtur në Përkujtimoren e Holokaustit Jad Vashem, e krahasoi Ahmadinexhatin me Hitlerin dhe Stalinin.
"E kam të vështirë ta kuptoj, pse diktatorët më të mëdhenj urrjetjen dhe dhunën e tyre e përqëndrojnë kundër hebrenjëve," tha Shimon Peres. Nazizmi është mposhtur, por anti-semitizmi ekziston ende. "Konferenca, e cila hapi punimet në Gjenevë është njësoj si njohje e racizmit. Oratori kryesor i kësaj konference, Ahmadinexhad bën thirrje për zhdukjen e Izraelit dhe mohon Shoan.
Ky është turp". Shimon Peres, e pat theksuar një ditë më parë se është e dhimbshme, që ceremonia në Përkujtimoren e Holakustit zhvillohet në të njëjtën kohë me paraqitjen e Ahmadinexhadit në konferencën e Kombeve të Bashkuara kundër racizmit në Gjenevë. Duhet të ketë kufij edhe për një vend neutral siç është Zvicra, tha Peres. Në përgjithësi, udhëheqja politike e Izraelit sheh tani se kishte të drejtë, që refuzoi me kohë konferencën e Gjenevës.
Një presidenti që mohon Holokaustin, siç është presidenti i Iranit nuk duhet t'i jipet legjitimitet dhe çdo lloj takimi me Ahmadinexhatin është në parim i papranueshme, theksoi liderja e opozitës, ish-ministrja e jashtme e Izraelit, Tzipi Livni. Në Ditën e Holokaustit sot (21.04.) në Izrael si çdo vit tjetër përkujtohen gjashtë milionë viktimat e kohës së nacionalsocializmit.