Lajm i mire vjen per qytetaret e Shqiperise se Mesme dhe juglindjes e me gjere, pasi se afermit pritet te nisin punimet per autostraden qe lidh Tiranen me Elbasanin.

Kete fakt e pohoi Kryeministri Sali Berisha, gjate emisionit "Ora e debatit" ne Televizionin Ora Nees. Shefi i qeverise dha mbremjen e se premtes, edhe afatet per autostraden e re, e cila do shkurtoje distancen mes Tiranes dhe Elbasanit ne vetem 25 kilometra te pershkueshme per vetem 18 minuta me automjet.

Nisja e autostrades Tirane-Elbasan me tunel ne Kerrabe, eshte pjese e projektit te rendesishem te infrastruktures rrugore boshtit qendror jugor, nje premtim elektoral i kryeministrit Berisha qe mesa duket po konkretizohet me shpejtesi.

Kryeministri lajmeroi se pikenisja e autostrades Tirane-Elbasan do te jete nyja e Unazes se Re te Tiranes, per te vijuar ne Lunder, Mullet, Ibe, duke pershkuar Kerraben me ane te nje tuneli prej mese dy kilometrash e duke dale ne anen tjeter ne Luginen e Bradasheshit, e gjitha kjo per vetem 25 kilometra. Ky ishte nje nder tre projektet ne leter qe ishin hedhur per te lidhur kryeqytetin me Elbasanin per te shmangur rrugen e veshtire ne Qafe Kerrabe. Sipas shefit te qeverise, u perzgjodh ky variant pasi i sherben me se miri trafikut ne Boshtin e Jugut. Ne saje te kesaj autostrade me kater korsi, e cila fillon brenda vitit te ardhshem, Elbasani do te shnderrohet ne nje lagje te kryeqytetit. Por rruga, i sherben edhe vendeve fqinje, si Maqedonise, Greqise dhe Kosoves.

***

Autostrada Tirane-Elbasan, konsiderohet rruga qe lidh Lindjen dhe shihet dhe si nisja e Boshtit te Jugut. Projekti i ngjashem me Durres-Kukes, ka tunel 2,5 km te gjate qe do te lidhe dy qytetet per me pak se 20 minuta.

Keshtu, nuk eshte me nje enderr. Elbasani me Tiranen do te lidhen me ane te nje tuneli qe do te pershkoje Krraben dhe per 20 minuta mund te gjendesh ne kryeqytet. Madje me pare ne Tirane, do te arrije nje makine e nisur nga Elbasani, se sa nje automjet qe pershkon rrugen e Tiranes se Re.

Shoqeria anonime "Kerraba 2007", ka prezantuar ne Elbasan projektin teknik te rruges me tunel Elbasan-Kerrabe-Tirane. Kryetari i bordit te shoqerise, Fatbardh Doko, u shpreh se rruga eshte projektuar te lidhe Elbasanin me Tiranen me ane te tunelit qe shkurton ne menyre te ndjeshme distancen dhe do ta integroje kete qytet ne harten e rajonit me tregues te larte ekonomik. Epersite e rruges jane rritja e efektivitetin industrial te Elbasanit, vleren e pasurive te paluajtshme te qarkut, qe do te forcojne prirjen per thithjen e investimeve. Projekti cilesohet nje zgjedhje e veshtire, strategjike, por e vlefshme dhe qe synon te lidhe Elbasanin me qendrat kryesore te Shqiperise permes nje vizioni te ri te shekullit te 21-te. Rruga Elbasan-Tirane parashikon nje tunel 2,5 km te gjate me 4 korsi, te dimensioneve evropiane dhe qe ofron shansin qe Elbasani te jete larg kryeqytetit vetem per 18 minuta, nga 75 minuta qe duhen aktualisht. Ky do te jete projekti i dyte me nje tunel gjigant qe lidh dy qytete, pas atij Rreshen-Kalimash qe para pak kohesh eshte peruruar nga kryeministri i vendit, Sali Berisha dhe homologu i tij kosovar, Hashim Thaci dhe qe eshte ne fazen finale te tij.

Kjo zgjidhje sipas drejtuesve te shoqerise, i pergjigjet perspektivave te zhvillimit te vendit brenda konceptit te Korridorit te 8-te dhe synimit strategjik te Shqiperise per sektorin e transportit. Nevoja e ndertimit te ketij segmenti eshte theksuar ne te gjitha studimet rajonale te transportit, ndersa Masterplani i transportit te Shqiperise e konsideron ate si perparesi te larte. Por kjo rruge pritet te lidhe ne nje distance me te shkurter kohore edhe rajonet e Pogradecit e Korces. Por edhe ngritja e industrive te renda ne kete zone, si cimentos dhe hekurit, materialeve te ndertimit, lendes drusore etj., ka nxitur realizimin e projektit, me qellim zbutjen e varferise dhe zhvillimin ne qytetet e vogla si Cerriku, Gramshi, Belshi dhe Kucova.

Por edhe nje numer i madh kompanish kane shprehur deshiren per investim per zbatimin e projektit qe ka marre vleresime kombetare e nderkombetare. Kostoja e kesaj rruge ne total llogaritet 170 milione euro. Nisma per te realizuar rruge te standardeve ne perputhje me vizionin e Komisionit Evropian, Federates se Rrugeve te Bashkimit Evropian ka qene edhe nje sugjerim nderkombetar dhe i vetmi segment sipas drejtuesve te bordit, i pa financuar i korridorit Lindje-Perendim. Fatos Salliu





Qeveria mbeshtet projektin

Zyrtare te MPPTT jane shprehur se projekte te tilla mbeshteten nga qeveria shqiptare pasi jane pjese e strategjise per zhvillimin e infrastruktures rrugore ne te gjithe vendin. Projekti ka mjaft avantazhe per Elbasanin ndaj po shihet me perparesi nga qeveria. Krahas ketij projekti kishte dhe te tjere, si rruga e projektuar nga nje konsorcium italian, por qeveria mbeshteti kete projekt pasi i ka te gjithe treguesit ekonomike, sociale dhe politike, - jane shprehur pak muaj me pare, zyrtare te larte te MPPTT.



Projektet e tjera per rrugen, ideja ne diktature

Ka pasur edhe ne te shkuaren projekte per ta lidhur Elbasanin me Tiranen. Ne vitin 1997, nje grup Italian nxori koston e ndertimit 100 milione USD. Ne fakt historia eshte me e hershme, ne kohen e socializmit, ku eshte folur edhe per nje tunel 7 km te gjate. Ky tunel do te sherbente edhe per strehimin e popullsise se Tiranes dhe Elbasanit ne rast lufte. Por per aresye financiare u la dhe nuk u be. Nje projekt i dyte italian e nxjerr koston e rruges me dy korsi ne 129 milione euro, kurse i sipermarresve vendas eshte me kater korsi dhe me me leveri sipas zevendesministrit Ernest Noka.



Arkitekti: Te dhenat per kostot dhe permasat

Arkitekti Rajmond Hasballa beri nje ekspoze projektit te rruges se re qe do te lidhe Elbasanin me Tiranen, me ane te nje tuneli 2,5 km qe kalon ne Qafe Kerrabe. Sipas ketij projekti, rruga eshte e projektuar te jete me 4 korsi, 25 m e gjere dhe do te kushtoje 170 milione euro. Kosto totale eshte 169.437.680 euro, kosto e tunelit eshte 72.585.366 dhe kosto e rruges eshte 96.852.314 euro.



Ndryshimi

Rruga ekzistuese dhe si do te jete e reja

Rruga aktuale Elbasan-Tirane nga pikepamja altimetrike eshte konceptuar per kushtet e transportit para Luftes se Dyte Boterore. Gjatesia totale e saj eshte 54 km. Eshte asfaltuar ne vitin 1960. Ka gjeresi 7,5 m. Kushtet e udhetimit ne nivel shume te ulet. Shpejtesia e levizjes 50 km ore. Rruga pershkon nje reliev malor me shpate qe arrijne deri ne 45 grade. Kuota me e larte e rruges eshte ne afersi te fshatit Gracen, 930 m mbi nivelin e detit. Problem serioz eshte mosakomodimi i automjeteve me tonazh te rende mbi 8 ton. Segmenti i ri propozohet te kete nje gjatesi 31,5 km dhe nje autostrade 15-25 m te gjere me kater korsi dhe nje korsi emergjence. Nje tunel 2,5 km perben zgjidhjen kryesore dhe padyshim edhe koston reale. Rruga e re pothuaj shkon paralel me ate ekzistuese, por mbi koncepte krejt te ndryshme. Rruga e re do te ndjeke itinerarin nga Teleferiku Elbasan, Kryqezimi Trenit, Perroi i Kushes, dalja e tunelit tek kafja e Liut, ndjek Erzenin me pas drejt Lundres dhe perfundon afer shkolles se policise.



Si pritet te ndryshoje trafiku

Bazuar ne rezultatet e modelimit te trafikut dhe trafikut ekzistues ne segmentin Tirane-Elbasan, trafiku mesatar ditor per 25 vitet e ardhshme parashikohet te arrije ne 8503 mjete ne vitin 2011, qe konsiderohet si data e perfundimit te vepres. Ndersa ne vitin 2035 trafiku parashikohet te arrije ne 80000 automjete.



Taksat qe do aplikohen

Per taksi dhe vetura 2,9 euro

Per fugonet 5 euro

Per autobuse 10 euro

Per trailera 8 euro

Cmimet mund te ndryshojne ne varesi te situatave financiare


Koha Jone