Kemajl Goca, BOTA SOT
Futbollistët e Interit dëshmuan lojë të bukur dhe efikase në vijën e sulmit. Barcelona e para udhëhoqi, por në vazhdim Interi diktoi ritmin e lojës dhe mposhti me rezultat 3:1 kampionin në fuqi të Evropës.

Skuadra e futbollit Interi nga Milani fitoi me rezultat 3:1 ballafaqimin e parë të gjysmëfinales së Champions League kundër kampionit të Evropës, Barcelonës. Mbi 80 mijë shikues në stadiumin "Xhyzepe Meaca" u ndanë të kënaqur me lojën që dëshmuan gjigantët e futbollit, Interi-Barcelona. Lojë me plotë veprime të shpejta, të rrjedhshme, por edhe me raste të mira shënimi. Një Inter që shkërmoqi të ashtuquajturit jashtëtokësorë. Skuadra italiane e para krijoi rastin për shënimin e golit pikërisht në minutën e 17-të pas një veprimit të mirë të Eto'os, i cili nga 22-23 metra gjuajti bukur, mbrojti me mund Valdes, topi deri te Milito, por ky nga një pozitë ideale nuk qëlloi portën. Pas dy minutave lojë, Barcelona kaloi në epërsi.
Një depërtim sa i bukur aq edhe i shkathët i futbollistit Maxwellt, i cili futet përreth vijës fundore dhe pason për mrekulli deri te Pedro, i cili nga 11-12 metra me dinakëri gjuajti dhe shënoi për epërsinë (0:1) te Barcelonës. Ky gol nuk e theu moralin për lojë te Interi, përkundrazi morën veten. Në minutën e 27-të, futbollisti Pandev me mjaft mençuri e fut topin deri te Milito, i cili ishte vetëm para portierit Valdes, por nga pozita ideale gjuajti jashtë portës. Dy raste të qind për qinda të humbura nga Milito paksa bënë nervoz edhe Mourinhon. Nuk vonoi shumë, as tre minuta lojë pikërisht në minutën e 30-të, një veprim shkollorë në mes Eto's, i cili në 16-sh gjen Militon, ky pa menduar fare e vërejti të vetmuar Sneijderin, që nuk fali kësaj here portierin Valdes dhe me gjuajtje për toke barazoi shifrat 1:1. Pjesa e parë e ndeshjes përfundoi me rezultat 1:1.


Interi shpërtheu në pjesën e dytë
Në pjesën e dytë, Interi bënë një rikthim sensacional në rezultat. Pa kaluar as tre minuta të plotë të kësaj pjese, Interi kaloi në epërsi. Brenda 16-shit te skuadrës së Barcelonës, veprojnë sikur në mënyrë të bukur Milito dhe Maicon, ky i fundit me mjeshtëri shënoi për epërsinë 2:1 te Interit. Gol që solli gëzimin e jashtëzakonshëm në stadiumin "Xhyzepe Meaca". Në minutën e 61-të një veprim i trios: Eto'o-Sneijder deri te Milito, i cili nga afërsia me kokë shënoi për shifrat 3:1.
Messi si në pjesën e parë po ashtu dhe në pjesën e dytë ishte i mbuluar për mrekulli nga mbrojtësit e skuadrës së Interit. Në minutën e 79-të, Messi nga gjuajtja e lirë 24-25 metra gjuajti bukur, mezi mbrojti portieri Cezar. Barcelona vazhdimisht sulmojë, por pa sukses që të zvogëlojë humbjen e thellë. Mourinho është dëshmuar se është strategu më i fortë në botë dhe me filozofinë e tij 'shtriu për toke' kampionin në fuqi. Interi luajti me mjaft mençuri, shfrytëzoi rastet dhe nuk fali për asnjë çast rivalin. Interi shënoi fitore me rezultat 3:1 dhe ka krijuar një epërsi të mirë për ndeshjen e kthimit në Barcelonë.

Mbi 80 mijë shikues në stadiumin "Xhyzepe Meaca" u ndanë të kënaqur me lojën që dëshmuan gjigantët e futbollit, Interi-Barcelona.