A do te jete pro-evropiane qeveria e re
Nga Sanja Blagojevic*

Serbia zgjodhi. Per cudi zgjedhesit vendosen krejt ndryshe nga sa kishin paralajmeruar sondazhet. Forca me forte ne vend doli Aleanca e Partive e mbledhur rreth Partise Demokrate e te Presidentit Tadic. "Serbia eshte vend i te papriturave", tha Presidenti Tadic. "Edhe atehere kur askush nuk e beson, edhe atehere fitohet ne Serbi": Aleanca e partive "Per Serbine Evropiane" ka marre 38 per qind te votave. Kjo shifer eshte pothuaj sa shuma e votave te marra se bashku nga Partia Demokratike e Serbise e ish kryeministrit Kostunica dhe radikalet ultranacionaliste se bashku.

Partia e Tadicit ka fituar zgjedhjet, megjithate ende e pavendosur eshte nese votat e marra mjaftojne per te krijuar qeverine. Sepse aleanca e partive rreth Tadicit nuk mund te qeverisin te vetme. Me e thjeshta do te ishte nese ai krijon qeverine me liberalet dhe me perfaqesuesit e pakicave. Megjithate edhe votat e tyre nuk mjaftojne. Madje per te qene ne gjendje te qeverise Tadicit mund t´i duhen edhe votat e socialisteve te diktatorit te vdekur Milloshevic.

Nga ana tjeter Partia Radikale qe doli e humbur nga zgjedhjet do te beje gjithcka per te krijuar nje koalicion. Kryetari i Partise Nikolic i ka ofruar paraprakisht ish kryeministrit Koshtunica postin e kryeministrit, nese ky i fundit do te hynte ne koalicion me te. Por edhe radikaleve dhe Partise Demokratike te Koshtunices do i duhej nje partner i trete per te qene ne gjendje te qeverisin. Keshtu qe dhe ketu socialistet mbeten si shpresa per te arritur shumicen e duhur.

Keshtu qe te gjitha shikimet do te drejtohen drejt socialisteve. Ata jane parimisht te gatshem per gjithcka. Ne fund te fundit ata do te krijojne aleance me ata qe ofrojne me shume. Zgjedhesit serbe zgjodhen per Evropen. Megjithate ende pa pergjigje mbetet pyetja a do te jete vertet pro-evropiane qeveria e ardhshme serbe.
Publiciste, Beograd