Nga Frrok Cupi
Ndersa te gjithe kane frike nga varferia, disa, shume pak njerez e adhurojne varferine. Madje keta e konsiderojne pasurine e tyre me te madhe. Ku ka pasuri me te madhe se varferia qe deshmojne tregtaret duke thene se “nuk mund te paguajne per kasat”?! Dje, sapo e moren vesh deputetet e Partise Socialiste (ish-komuniste) se te Medreseja plasi pakenaqesia e “tregtareve te varfer”, keta renden si ne tepsine e bakllavase. Deputetet ndodhen aty qe dje me qellim qe te marrin nje pjese te madhe nga pasuria “varferi”. Me ate varferi neser mund te behen te pasur duke marre pushtet. Kudo ku behet fjale per te varfer dhe varferi, opozita socialiste (ish-komuniste) vrapon me zellin se gjeti thesarin. Sa here zbulohet ne nje cep fshati nje familje e varfer, televizionet e opozites rendin per te prure pamjet e mjera ne cdo vater njerezore. Sa here nje i burgosur per trafikim droge shfaqet si “i varfer”, kryetari i opozites therret per “varferi te madhe ne vend”. Kryetari i PS ka deklaruar se per dy dekada, qe nga shembja e regjimit komunist, ne Shqiperi “nuk ka asgje, as jete”, sikur te ishte shkretetira biblike pas komunizmit. Regjimi komunist ishte regjimi qe instaloi varferine ekstreme ne Shqiperi... Loja politike e “pasur” me varferine e njerezve- kjo eshte shfaqja e korrupsionit me te eger per te cilen Kombet e Bashkuara po ben thirrjen boterore qe te luftohet korrupsioni si shkak i varferise. Dje, Kombet e Bashkuara akorduan nje fond prej 40 miliarde dollare ne ndihme te nenave shtatzena dhe foshnjave te tyre, si nje pjese e projektit madhor te Mileniumit kunder varferise. Sipas eksperteve, objektivat e Botes kunder varferise mund te arrihen aty nga viti 2015. Cfare mund te behet kunder Varferise?- shtrohet ceshtja. Politikanet, sidomos ata qe bejne opozitat zyrtare ose edhe organizata te tjera, i japin vetes shume liri qe varferine ta perdorin si nje Zonje qe mund t’iu jape kredenca; madje shpesh here e marrin perdore si nje kone me te cilen mund te luhet. Varferia eshte transoqeaniku i pashoq qe lekund Globin, si kur lundron ashtu edhe kur duket sikur mbetet ne vend. Ata qe e marrin si te thjeshte, ka rrezik qe po te kene gje ne dore e ushqejne me shume perbindeshin Varferi. Askush nuk pyet cfare ka mundur te beje Bota ne njemije vjet kunder varferise... Cfare ka bere kjo bote? Se pari, a ka mundur bota te mposhte elementin e pare te varferise, domethene urine? Te pakten per te ulur ose pergjysmuar numrin e njerezve te varfer qe jetojne cdo dite me 1.25 dollare. Sipas te dhenave te Bankes Boterore, brenda vitit 2015, grada e varferise do te ulet ne nivele qe nuk do te quhen dramatike, duke perjashtuar Kinen. Ne 84 vende te tjera ne zhvillim, 45 prej tyre kane arritur ose ndodhen ne rruge per te arritur te plotesojne objektivat mijevjecare kunder varferise. Pjesa tjeter e 84 vendeve ne zhvillim ndodhen ne rruge, duke perfshire sidomos vende te Afrikes. Ne sensin boteror, ulja e numrit te te uriturve nuk duket shume pozitive; dhe, shkak kryesor eshte rritja e cmimit te ushqimit ne vitin 2008. Kjo eshte arsyeja pse vitin e kaluar (2009) numri i te uriturve u rrit ne 19 per qind, nga 16 qe kishte zbritur ne vitin 2005. Se dyti, varferia eshte vetem ne stomak, apo kryesisht ne shpirt? A do te mund arrije Bota qe te arrije objektivin e Mijevjecarit per arsimin e pergjithshem fillor, domethene qe te gjithe vajzat dhe djemte te kompletohen me arsimin fillor? Sipas shifrave te publikuara nga Banka Boterore, 50 vende nga radhet e vendeve te varfra kane arritur te plotesojne shkollimin fillor; ndersa shtate vende te tjera jane ne rruge. Akoma, 38 vende (sidomos ne Afrike) ndodhen larg plotesimit te objektivit, pa shume gjasa se do te mund te arrijne ne objektivin qe deshirojne. Keshtu qe sot 69 milione femije ndodhen akoma ne rruge, jashte shkolles. Por keta jane me pak se nje dekade me pare; ne vitin 2000 bota kishte 103 milione femije pa shkolle. Se treti, objektivi per te ulur vdekshmerine foshnjore. Objektivi qe ka caktuar Organizata e Kombeve te Bashkuara ne kete fushe eshte qe te ulen dy te tretat e vdekjeve ne femijet nen moshen 5 vjec. Por vetem nje e katerta e vendeve ne zhvillim ndodhen ne rrugen per zbatimin e ketij objektivi. Cdo vit, rreth 8 milione femije vdesin para moshes 5 vjecare, larg arritjes se qellimit. Rreth 38 per qind e vdekjeve foshnjore ndodhin ne muajt e pare te jetes per shkak te infeksioneve, te peshave te uleta ne lindje ose te asfiksise gjate lindjes. Afro 4 milione femije vdesin per shkak te mos preventivit te disa semundjeve te thjeshta. Se katerti, lufta kunder AIDS, kunder Malaries dhe semundjeve te tjera infektive, e ka bere Organizaten qe te marre masa te forta ne disa vende te Globit. Objektivi kryesor kunder HIV dhe AIDS eshte qe te ndalet dhe te vihet nen kontroll virusi vdekjeprures; pa humbur vemendjen nga malaria dhe semundjet e tjera. Sipas te dhenave rreth 33 milione njerez ne vitin 2008 jetonin me virusin HIV/AIDS, rreth 2 milione vdiqen gjate atij viti. Bota ndodhet para sfidave shume te medha me Varferine; Kombet e Bashkuara dje caktuan objektiva te tjere perballe “perbindeshit” te shekullit. Por cudia eshte se shume kush e merr perdore si “zonje te bukur”, ose si kone qe nuhat per pushtet.

koha jone