Me rastin e ditës së e 28 Nëntorit Ditës së Pavarësisë së Shqipërisë, Prishtina është e mbushur sot me flamuj kuqezi, me rastin e 28 Nëntorit Ditës së Pavarësisë së Shqipërisë. Megjithëse 28 Nëntori nuk radhitet në mesin e festave shtetërore në Kosovën që u shpall e pavarur më 17 Shkurt 2008, shqiptarët e këtij vendi e cilësojnë atë si Ditën e Famurit Kombëtar, duke e kremtuar në forma të ndryshme. Mijëra flamuj me shqiponjën dykrenare valëviten nëpër rrugët dhe sheshet e Prishtinës, që janë veshur me ngjyrat kuq e zi. Flamujt janë vendosur nga Rrjeti i Organizatave Shqiptare, të cilat kanë paralajmëruar dhe koncerte me grupet më të njohura. Komuna e Prishtinës nga ana e saj, ka planifikuar një numër aktivitetesh festive, përfshirë dhe një program të pasur kulturo-artistik, ndërsa kjo ditë do të festohet deri natën vonë në të gjithë Kosovën. Në sheshin ku ndodhet monumenti i Gjergj Kastriotit - Skënderbeu, pritet që krerët më të lartë të vendit të vendosin kurora me lule, për t’u zhvendosur me pas në Prekaz, në Kompleksin Memorial Adem Jashari, ku nderojnë të gjithë shqiptarët. Kryeministri në detyrë i Republikës së Kosovës, Hashim Thaçi dhe Presidenti në detyrë, Jakup Krasniqi, do të marrin pjesë dhe në ceremoninë e zbulimit të pllakës së emërtimit të Aeroportit Ndërkombëtar të Prishtinës me emrin e Heroit, komandantit legjendar Adem Jashari. Në këtë ceremoni është paralajmëruar pjesëmarrja e personaliteteve të larta edhe nga Shqipëria, Maqedonia, etj. Dita e Flamurit dhe e Pavarësisë së Shqipërisë, si ditë e gjithë kombit, festohet tradiconalisht në Kosovë, edhe kur ishte e ndaluar nga regjimi serb.
Gazeta Sot