Redinalda Caushaj
Tirane - Pasojat e demonstrates se 21 janarit jane bere edhe nme te dukshme duke marre permasa serioze pasi nje qytetar ka reaguar ashper pasi iu shkaterrua makina e parkuar prane bulevardit dhe ka kercenuar kryetarin e Partise Socialiste. Lajmi konfirmohet nga burime zyrtare te Policise se Tiranes dhe nga Drejtoria e Policise se Shtetit. Ata thane se pas denoncimit te kreut socialist Edi Rama, kane prangosur Luan Zenel Ramin, 37 vjec, lindur ne Burrel, me banim ne Tirane, Fatos Hamit Ramin, 29 vjec, lindur ne Burrel, me banim ne Tirane dhe Afrim Ali Kicen, 33 vjec, lindur ne Burrel dhe me banim ne Tirane. Si nisi Djegia e nje makine tip fuoristrade ka qene skena qe ka provokuar indinjaten e Luan Ramit ndaj kryetarit te PS, per demonstraten e dhunshme te opozites. Gjate kesaj demonstrate atij Ramit iu demtua makina e tij luksoze dhe me pas iu dogj, ndersa ishte e parkuar perbri godines qeveritare. Pasi ka pare mjetin e tij te shkrumbohej nga flaket, ai ka komunikuar ne telefon me kryetarin socialist, duke e quajtur ate pergjegjes per shkaterrimin e prones se tij private dhe duke i kerkuar atij demshperblim per pasurine e tij. Por sipas burimeve te policise pergjigja e kreut socialist ndaj te riut, ka qene fyese, ofenduese dhe shume e ashper dhe Rami, me pas ne gjaknxehtesi e siper e ka kercenuar Ramen duke i thene: "do te ma paguash me koken tende". Drejtori i Policise se Shtetit Hysni Burgaj tha dje se "strukturat e Gardes moren masa per perforcimin e sigurise fizike te Edi Rames dhe personaliteteve shteterore". Hapat e policise Lidhur me kete ngjarje, Policia e Shtetit tha zyrtarisht se, ne daten 27 janar, rreth ores 18:00, eshte vene ne dijeni mbi nje kercenim ndaj Edi Kristaq Rama, nga Luan Rami, 37 vjec, lindur ne Burrel, me banim ne Tirane. Gjate nje dalje dje per media, Drejtori i Pergjithshem i Policise se Shtetit, Hysni Burgaj, beri me dije se, "sipas informacionit paraprak, ne kete kercenim me mesazhe, i dyshuari Luan Rami kerkonte zhdemtimin e automjetit te tij privat te demtuar gjate protestes se 21 Janarit, i cili ndodhej i parkuar perballe dy kullave, ne Bulevardin "Deshmoret e Kombit'". Mesazhi drejtuar Rames ka qene: "Do te ma paguash me koken tende!". Nisur nga kjo situate, struktura qendrore e Drejtorise Kunder Krimeve te Renda, mori masa te menjehershme per identifikimin e personave, duke bere te mundur me pas edhe shoqerimin e tyre. Pergjimet telefonike kane zbardhur edhe personat qe kishin thurur planin e dyshuar. "Te tre te dyshuarit u shoqeruan ne ambientet e Drejtorise se Policise se Qarkut Tirane, nga ora 21:00, e dates 27 janar, deri ne oren 04:00, te dates 28 janar", sqaroi dje Drejtori i Pergjithshem i Policise, Hysni Burgaj. Prokuroria Prokuroria e Rrethit Gjyqesor Tirane, i akuzon tre te prangosurit se po pergatisnin nje plan per vrasjen e kryetarit te PS. Ky dyshim i prokuroreve i cili nuk u pranua nga te dyshuarit, shtyu gjyqtarin Ardian Kalia te pranoje kerkesen e prokurorit Blerim Tominaj dhe te refuzoje kerkesen e avokatit Qazim Gjonaj per nje mase me te bute sigurie. Gjate vleresimit te mases se arrestit, familjare te te akuzuarve thane se ne momentet e kercenimit ata kane qene te dehur dhe se nuk ka pasur asnje plan prej tyre per eliminimin fizik te Edi Rames. Me dy standarde Masa e arrestimit te ketyre tre personave, si dhe dyshimi i Prokurorise per nje plan hipotetik per ekzekutimin e Edi Rames ne manifestimin homazh te 28 janarit, vjen ne nje kohe kur prokuroria e ka quajtur thjesht "ngjarje te bulevardit" sulmin e dhunshem ndaj policise ne detyre dhe selise se kryeministrise ne demonstraten e 21 janarit. Po ashtu, prokuroria dhe gjykata lane te lire nje person te armatosur qe ishte ne krye te turmes e cila me 21 janar goditi policine dhe punonjesit e gardes gjate kryerjes se detyres se tyre per mbrojtjen e kryeministrise dhe sigurise publike. Masa e arrestit te ketyre personave, erdhi nje dite pas njoftimit te publikuar nga Drejtoria e Policise se Qarkut Tirane se Tiranes, e cila u beri thirrje gjithe qytetareve, te cileve u jane shkaktuar demtime te prones (djegie makine, demtim dyqani, apo deme te tjera ekonomike) gjate demonstrates se dates 21 janar 2011, qe te bejne dokumentimin ligjor te tyre. Policia iu drejtua qytetareve te cileve iu dogjen makinat, pesuan demtime ne biznese apo qe kane pesuar demtime te tjera ekonomike, gjate demonstrates se opozites. Sipas policise, te gjitha materialet procedurale, te perpiluara per demtime te prones, do t'i kalojne per ndjekje penale Prokurorise se Rrethit Gjyqesor Tirane. Gjate demonstrates se 21 janarit, u dogjen te pakten 15 automjete, prone e qytetareve, por edhe makina te Policise se Shtetit. Nderkohe qe u demtuan edhe nje numer i madh biznesesh qe ndodheshin aty prane pas hedhjes se gureve, apo mjeteve te tjera te forta nga protestuesit. Kush jane te arrestuarit Te ndaluarit e djeshem jane Luan Zenel Rami, 37-vjec, lindur ne Burrel, me banim ne Tirane, Fatos Hamit Rami, 29-vjec, lindur ne Burrel, me banim ne Tirane, si dhe Afrim Ali Kica, 33-vjec, lindur ne Burrel dhe me banim po ne Tirane. Mengjesin e 28 janarit, policia nxori edhe flete-arrestet e tre te dyshuarve, te cilet u arrestuan ne flagrance, duke u akuzuar per kryerjen e vepres penale te parashikuara nga neni 80 i Kodit Penal. Ky nen parashikon vepren penale te "sigurimit te kushteve dhe te mjeteve materiale per te kryer vrasje", si dhe denohet me burgim deri ne pese vjet. Rama u ruajt nga Garda e Republikes Ndersa dilte bashke me eksponente te tjere te opozites, ne mori deklaratash qe kritikonin mosarrestimin e disa gardisteve dhe trupes drejtuese te Gardes, Edi Rama eshte marre nen mbrojtje pikerisht nga gardistet. Me daten 28 janar, gjate zhvillimit te tubim-homazhit, kreu i Partise Socialiste Edi Rama eshte shoqeruar nga nje numer i madh forcash te Gardes, sic i shihni edhe ne fotot e publikuara. Drejtori Burgaj saktesoi se nga ana e Policise se Shtetit dhe strukturat perkatese te Gardes se Republikes, jane vene ne dijeni, si dhe moren masa per perforcimin e sigurise fizike te Edi Rames dhe personaliteteve te larta shteterore. Gjykata jep nje muaj paraburgim Tre te pandehurit, dje kane dale perpara Gjykates se Tiranes per masen e sigurise, ku kane mohuar akuzen e ngritur ndaj tyre, me pretendimin se nuk kane pasur asnje plan ndaj Edi Rames. I pandehuri Afrim Kica, i cili hyri i pari ne sallen numer 1 te Gjykates se Tiranes, ka argumentuar se diten e ngjarjes kishte qene ne gjume. Gjyqtari i gatshem, Ardian Kalia, gjate nje seance me dyer te mbyllura, caktoi ndaj tyre masen e sigurise, "arrest me burg, me afat 1 mujor". Prokuroria dhe policia do te sigurojne prova te metejshme per te provuar perfshirjen dhe planin e dyshuar per atentat ndaj kryesocialistit Edi Rama nga tre te ndaluarit, te aferm me njeri-tjetrin. Automjeti Me daten 21 Janar, gjate demonstrates se dhunshme te kryer nga ana e Partise Socialiste, protestues te shumte i kane vene flaken nje fuoristrade te bardhe, te parkuar prane Kryeministrise, e cila ishte ne pronesi te te pandehurit Luan Rami. Pritja para gjykates Te afermit: Ishin te dehur, nuk kishin asnje plan Ne momentin qe tre te pandehurit ndodheshin ne gjykate per vleresimin e mases se sigurise, te afermit e tyre qendronin prane hekurave te portes se jashtme, duke pritur vendimin qe do te jepej ndaj tyre. Perpara medieve, familjaret jane shprehur se, "ne momentet e kercenimit ata kane qene te dehur dhe se nuk ka pasur asnje plan prej tyre per eliminimin fizik te Edi Rames". Ndersa familjaret e te pandehurve mohonin faktin se te pandehurit kishin thurur nje plan per eliminimin fizik te kreut te PS-se, edhe vete te akuzuarit e kane mohuar kete gje, duke pretenduar se nuk kane pasur asnje plan. Pas nje muaji pritet qe te dyshuarit te dalin serish para gjykates, ku perfaqesuesi i akuzes duhet te beje me dije te tjera prova qe ka ndaj tyre, si dhe caktimin e nje mase tjeter sigurie, mase me e forte, ose me e bute, ne varesi te provave.
koha jone