Topi i paqartë për partinë e re

Presidenti i Shqipërisë, Bamir Topi deklaroi mbrëmë se ai nuk do t'i drejtohej Gjykatës Kushtetuese për të marrë një interpretim mbi procedurat parlamentare e zgjedhjes së presidentit të ri në muajin qershor. Presidenti Topi i bëri këto komente në një emision televiziv.

"Presidenti dhe palët politike kanë të drejtë që t'i drejtohen Gjykatës Kushtetuese. Meqenëse ky debat ka lindur tek palët politike, atëherë janë ato që mund t'i drejtohen Gjykatës Kushtetuese. Unë nuk do ta shfrytëzoj këtë atribut të presidentit sa kohë që këtë mundësi e kanë të tjerët" tha Presidenti Topi, i cili ka bërë të ditur prej disa javësh se nuk do të kandidojë më për këtë post.

Topi hodhi poshtë komentet politike mbi votën e tij në zgjedhjet vendore të 8 majit, duke lënë të kuptohet se ajo votë nuk ishte ashtu si u tha në media. Ai tha me ironi se "përvoja ka treguar se vota e presidentit nuk është më e fshehtë", dhe se "pavarësisht si voton presidenti, tani ka specialistë që e lexojnë si duan votën e presidentit, duke e modifikuar atë".

Presidenti Topi ironizoi gjithashtu edhe marrëveshjen PD PS kur u bënë ndryshimet e fundit në Kushtetutë 3 vjet më parë, duke thënë se "inercia e shpejtësisë së atyre ndryshimeve kushtetuese mund të kishte vendosur edhe presidencën nën varësinë e qeverisë".

Ai përsëri la prapa shumë paqartësi rreth mundësisë nëse do të krijojë apo jo një parti të re, si raportojnë mediat, të cilat "po shkruajnë shumë pa parë ndonjë veprim konkret".

Bota Sot

Topi i paqartë për partinë e re

Topi i paqartë për partinë e re

Topi i paqartë për partinë e re :: Komentet