Agjensia e Lajmeve SOT - Komente dhe Analiza

Shumë njerëz nuk e dinë që Bajram Curri ka qenë Ministër pa Portofol, në të njëjtën qeveri me Ahmet Zogun dhe shumë të tjerë nuk e dinë se Fan Noli ka qenë disa here ministër i Jashtëm, përpara se të organizonte të ashtuquajturin “Revolucion të qershorit”.

Disa të tjerë gjithashtu nuk e dinë se Aleksandër Xhuvani ka qenë ministër i Arsimit njëlloj si gjuhëtari Eqerem Çabej, i cili drejtoi arsimin në qeverinë kuislinge që bashkëpunoi me nazistët gjermanë, në vitin 1943-44. Shqipëria ka njohur kriza reale ekonomike ose sociale që janë shkaktuar nga varfëria, luftrat botërore, ose ballkanike, si edhe nga marrëzitë e politikanëve të brendshëm të cilët e kishin mendjen t’i ngrinin kurthe njëri - tjetrit për të larguar politikanët nga sferat publike. Për këtë arsye ata i bënin njëri - tjetrit, letra kërcënuese, shantazhe, rrahje me mjete të forta, ose atentate me vrasje. Kështu është tepër i njohur atentati i Ahmet Zogut për të zhdukur nga faqja e dheut kundërshtarët politikë, por nga ana tjetër janë të njohura edhe tentativat e kundërshtarëve të tij për ta larguar Zogun me anë të revolucioneve ose kundërrevolucioneve. Këtu mund të përmendim edhe atentatin ndaj Zogut apo vrasjen me atentat të Ministrit të Drejtësisë, Vasil Avrami.

Qeveri me jetë të shkurtër
Qeveritë shqiptare në fillimet veta kanë pasur një aktivitet shumë të shkurtër. Brenda një muaji janë rrëzuar dhe dekretuar nga 2-3 kabinete qeveritare. Madje në vitin 1921 brenda një muaji u ndërruan rreth 4-5 qeveri, të cilat zgjatën nga 3 ditë deri në një javë. Pa llogaritur këtu qeverinë e Qazim Koculit, e cila zgjati vetëm një orë e treçerek. Sepse pikërisht, një orë pas krijimit të kabinetit, ishte pikërisht kryeministri i sapoemëruar Qazim Koculi, i cili pasi piu kafen në zyrën e tij, menjëherë dha dorëheqjen nga ky post. Dhe pastaj u desh treçerek ore që t’i mbushnin mendjen të ripranonte por kjo nuk u arrit.
Qeveria njëditore e Qazim Koculit, 6 dhjetor 1921 – 6 dhjetor 1921 është me të vërtetë një rast specifik që mund të studiohet. Kjo ndodhi kështu: Pas dorëheqjes së Pandeli Evangjelit, një grup politikanësh si Hasan Prishtina, Mustafa Kruja, etj, bindën më pas Qazim Koculin të formonte një qeveri. Koculi pranoi, me kushtin që në kabinetin e kryesuar prej tij të mos ishte prezent Hasan Prishtina. Por Koculi jep dorëheqjen pas një ore në mënyrë të papritur.
Dorëheqja e papritur e Koculit, detyroi Këshillin e Naltë t’ia besonte mandatin e kryesimit të qeverisë njërit prej protagonistëve të krizës, Hasan Prishtina. Emërimi i Prishtinës ngjalli pakënaqësi të shumta në të gjithë vendin, deputetët ikën nga Tirana, në Durrës e në qytete të tjera. Kryeministri Prishtina, që ditët e para, u dha urdhër Forcave të Armatosura të shtien në dorë “me se s’bën” deputetët. Në këto kushte, një grup deputetësh shtuan trysninë ndaj qeverisë Prishtina, duke e detyruar atë të japë dorëheqjen. Pas mbetjes bosh të vendit të kryeministrit, Këshilli i Naltë dekretoi një qeveri kalimtare, me drejtorë ose ndryshe sekretarë të përgjithshëm, deri në formimin e kabinetit të ri. Pas qeverisë kalimtare, Këshilli i Naltë, emëroi qeverinë e re, ku kryeministër u vendos të ishte Xhafer Ypi. Qeverisja e Xhafer Ypit përkon me zhvillime të reja, si dhe ndryshime të raporteve politike në vend.
Ahmet Zogu forcon pozitat
Në fund të vitit 1922, pozitat politike të Ahmet Zogut, ishin forcuar dukshëm. Si ministër i Punëve të Brendshme, ai kishte treguar vendosmëri dhe energji në detyrën e tij. Duke patur edhe përkrahjen e grupit të pronarëve të mëdhenj, Ahmet Zogu ishte gati të merrte drejtimin e qeverisë. Pas zgjedhjeve për Këshillin e Naltë, ku Xhafer Ypi u zgjodh Këshilltar, në vendin e tij si kryeministër, Këshilli emëroi Ahmet Zogun, i cili kryesonte edhe Partinë Popullore. Qeveria pati gjithmonë marrëdhënie të acaruara me Hasan Prishtinën dhe përkrahësit e tij. Madje, në zgjedhjet për Kuvendin Kushtetues, pati një atentat ndaj A. Zogut. Në këto kushte të acaruara, Ahmet Zogu tërhiqet nga drejtimi i qeverisë. Ndërsa pas shpalljes së Republikës, në 31 janar 1925 Kuvendi Kushtetues zgjedh Ahmet Zogun të parin President në atë kohë quhej Kryetari i Republikës. Detyra e kryeministrit iu dha disa herë Evangjelit por kabineti qeveritar dorëhiqet, pas vrasjes së Ministrit të Drejtësisë Vasil Avrami.

Qeveria e Qazim Koculit, 6 dhjetor 1021 -6 dhjetor 1921
Qazim Koculi - Kryeministër
Fan Noli - Ministër i Jashtëm
Luigj Gurakuqi – Ministër i Brendshëm
Ahmet Dakli –Ministër i Financave
Haki Tirana – Ministër i Arsimit
Hoxhë Kadriu – Ministër i Drejtësisë
Zija Dibra – Ministër i Luftës
Koço Tasi – Ministër i Punëve Botore

Qeveria e Hasan Prishtinës, 7 dhjetor 1921 – 12 dhjetor 1921
Hasan Prishtina – Kryeministër
Fan Noli - Ministër i Jashtëm
Luigj Gutakuqi - Ministër i Brendshëm
Ahmet Dakli - Ministër i Financave
Kristo Dako – Ministër i Arsimit
Zija Dibra – Ministër i Luftës
Haki Tefiku – Ministër i Punëve Botore

Qeveria teknike, 12 dhjetor 1921 -34 dhjetor 1921
Idhomene Kosturi – Kryeministër
Xhafer Vila –Ministër i Jashtëm
Rauf Fico – Ministër i Brendshëm
Sulejman Starova – Ministër i Financave
Aleksandër Xhuvani – Ministër i Arsimit
Qerim Çelo – Ministër i Drejtësisë
Shefik Kosturi- Ministër i Luftës
Kostaq Paftali – Ministër i Punëve Botore

Qeveria e Xhafer Ypit, 24 dhjetor 1921 – 2 dhjetor 1922

Xhafer Ypi - Kryeministër dhe Ministër i Brendshëm
Pandeli Evangjeli – Ministër i Jashtëm
Kolë Thaçi – Ministër i Financave
Rexhep Mitrovica – Ministër i Arsimit
Hysen Vrioni – Ministër i Drejtësisë
Ismail Tatzati – Ministër i Luftës
Spiro G. Koleka – Ministër i Punëve Botore

Qeveria e Ahmet Zogut, 2 dhjetor 1922 -25 shkurt 1924
Ahmet Zogu – Kryeministër dhe Ministër i Brendshëm
Pandeli Evangjeli – Ministër i Jashtëm
Kolë Thaçi – Ministër i Financave
Rexhep Mitrovica –Ministër i Arsimit
Hysen Vrioni – Ministër i Drejtësisë
Ismail Tatzati – Ministër i Luftës
Spiro G. Koleka – Ministër i Punëve Botore

Qeveria e Shefqet Vërlacit, 3 mars 1924- 27 maj 1924
Shefqet Vërlaci – Kryeministër dhe ministër i Brendshëm
Iljaz Vrioni – Ministër i Jashtëm
Luigj Gurakuqi – Ministër i Financave
Fahri Rashid – Ministër i Arsimit
Myfit Libohova – Ministër i Drejtësisë
Mustafa Aranitasi – Ministër i Luftës
Kostaq Kota – Ministër i Punëve Botore

Qeveria e Iljaz Vrionit, 11 maj 1924 – 10 qershor 1924
Iljaz Vrioni – Kryeministër dhe ministër i Jashtëm
Abdurrahman Dibra – Ministër i Brendshëm
Myfit Liohova – Ministër i Financave
Fahri Rashid –Ministër i Arsimit
Benedik Nimishti - Ministër i Drejtësisë
Mustafa Aranitasi – Ministër i Luftës
Koço Kota Ministër i Punëve Botore

Qeveria e Fan Nolit, 16 qershor 1924 – 24 dhjetor 1924
Fan Noli – Kryeministër
Sulejman Delvina – Ministër i Jashtëm
Rexhep Shala – Ministër i Brendshëm
Luigj Gurakuqi – Ministër i Financave
Stavro Vinjau – Ministër i Arsimit dhe Drejtësisë
Qazim Koculi – Ministër i Punëve Botore
Xhemal Bushati – Ministër pa Portofol

Qeveria e Zogut, 6 janar 1924 – 31 janar 1925
Ahmet Zogu – Kryeministër dhe Ministër i Brendshëm
Imzot Koleci– Ministër i Jashtëm
Myfit Libohova – Ministër i Drejtësisë
Koço Kota – Ministër i Punëve Botore

Qeveria e Zogut, 1 shkurt 1925 – 23 shtator1925
Ahmet Zogu – President i Republikës
Myfit Libohova - Ministër i Jashtëm dhe i Financave
Ceno Kryeziu – Ministër i Brendshëm
Koço Kota – Ministër i Punëve Botore
Musa Juka – Ministër i Bujqësisë

Qeveria e Zogut, 28 shtator 1925- 1shtator 1928
Ahmet Zogu - President i Republikës
Hysen Vrioni - Ministër i Jashtëm
Musa Juka – Ministër i Brendshëm
Sulejman Starova - Ministër i Financave
Milto Tutulani - Ministër i Drejtësisë

Qeveria e Koço Kotës, 5 shtator 1928- 13 janar 1929

Koço Kota – Kryeministër dhe Ministër i Brendshëm
Iljaz Vrioni – Ministër i Jashtëm
Milto Tutulani – Ministër i Financave
Xheferr Ypi - Ministër i Arsimit
Hiqmet Delvina – Ministër i Drejtësisë
Sali Vuçiterni – Ministër i Punëve Botore
Musa Juka –Ministër i Bujqësisë

Qeveria e Koço Kotës, 14 janar 1929- 5 mars 1930
Koço Kota – Kryeministër dhe Ministër i Brendshëm
Rauf Fico – Ministër i Jashtëm
Milto Tutulani –Ministër Financave
Abdurrahman Dibra –Ministër i Arsimit
Hiqmet Delvina – Ministër i Drejtësisë
Sali Vuçiterni – Ministër i Punëve Botore
Musa Juka –Ministër i Bujqësisë

Qeveria e Pandeli Evangjelit, 6 mars 1930 -11 prill 1931
Pandeli Evangjeli –Kryeministër
Rauf Fico - Ministër i Jashtëm
Musa Juka - Ministër i Brendshëm
Hilë Mosi - Ministër i Arsimit
Vasil Avrami - Ministër i Drejtësisë
Mehdi Frashëri – Ministër i Bujqësisë

Qeveria e Evangjelit, 29 prill 1931 – 7 dhjetor 1932
Pandeli Evangjeli – Kryeministër
Hysen Vrioni - Ministër i Jashtëm
Musa Juka - Ministër i Brendshëm

Lame Kareco - Ministër i Financave
Hilë Mosi –Ministër i Arsimit
Milto Tutulani - Ministër i Drejtësisë
Izet Dibra - Ministër i Punëve Botore
Seit Toptani - Ministër i Bujqësisë

Qeveria e Evangjelit, 11 janar 1933- 16 tetor 1935
Pandeli Evangjeli –Kryeministër
Xhaferr Vila - Ministër i Jashtëm
Musa Juka - Ministër i Brendshëm
Abdurrahman Dibra - Ministër i financave
Mirash Ivanaj – Ministër i Arsimit
Vasil Avrami - Ministër i Drejtësisë
Sandër Saraçi - Ministër i Punëve Botore
Dhimitër Berati - Ministër i Bujqësisë

Qeveria e Mehdi Frashërit, 21 tetor 1935- 7 nëntor 1936
Mehdi Frashëri - Kryeministër
Fuat Asllani – Ministër i Jashtëm
Ethem Toto – Ministër i Brendshëm
Rrok Gera - Ministër i Financave
Nush Bushati – Ministër i Arsimit
Ndoc Naraçi – Ministër i Punëve Botore
Dhimitër Berati - Ministër i Bujqësisë

Qeveria e Koço Kotës, 9 nëntor 1936 – 7 prill 1939
Koço kota – Kryeministër dhe ministër i Punëve Botore
Eqerem Libohova - Ministër i Jashtëm
Nysa Juka - Ministër i Brendshëm
Faik Shutka - Ministër i Arsimit
Thoma Orollogai - Ministër i Drejtësisë
Terenc Toçi – Ministër i Ekonomisë

Qeveria e pushtimit fashist, 12 prill 1939 – 3 dhjetor 1941
Shefqet Vërlaci – Kryeministër
Xhemal Dino - Ministër i Jashtëm
Malaiq Bushati – Ministër i Brendshëm
Fejzi Alizoti - Ministër i Financave
Ernest Koliqi – Ministër i Arsimit
Xhaferr Ypi – Ministër i Drejtësisë
Anton Beça – Ministër i Ekonomisë
Tefik Mborja- Ministër, sekretar i Partisë Fashiste

Qeveria e Mustafa Krujës, 10 dhjetor 1941- 4 janar 1943
Mustafa Kruja – Kryeministër dhe Ministër i Brendshëm
Shuk Gurakuqi – Ministër i Financave
Xhevat Korçai – Ministër i Arsimit
Hasan Dosti – Ministër i Drejtësisë
Iljaz Agushi – Ministër i Punëve Botore
Fuat Dibra – Ministër i Ekonomisë
Tahir Shtylla – Ministër i Tokave të Çliruara
Teki Mborja dhe Qazim Koculi – Ministra të Shtetit
Jup Kazazi – Ministër, sekretar i Partisë Fashiste

18 janar 1943 – 11 shkurt 1943
Eqerem Libohova – Kryeministër
Fiqëri Dine – Ministër i Brendshëm
Loro Musani - Ministër i Financave
Ndoc Naraçi – Ministër i Ekonomisë
Anton Kozmaçi – Ministër i Drejtësisë
Mihal Sherka – Ministër i Kulturës
Iljaz Agushi – Ministër i Punëve Botore
Ismet Kryeziu – Ministër i Tokave të Çliruara
Kolë Mirakaj – Ministër, sekretar i Partisë Fashiste

11 maj 1943 – 10 shtator 1943
Eqerem Libohova – Kryeministër
Iljaz Agushi – Ministër i Punëve Botore
Kolë Mirakaj – Ministër i Brendshëm
Anton Beçaj - Ministër i Financave
Anton Kozmaçi – Ministër i Industrisë
Hilmi Leka –Ministër i Kulturës

5 nëntor 1943 – 17 qershor 1944
Rexhep Mitrovica - Kryeministër
Mehmet Konica dhe Bahri Omari – Ministra të Jashtëm
Xhaferr Deva –Ministër i Brendshëm
Sokrat Dodbba – Ministër i Financave
Eqerem Çabej dhe Koço Muka - Ministra të Arsmit
Rrok Kolaj – Ministër i Drejtësisë
Musa Gjylbegu – Ministër i Punëve Botore
Ago Agaj –Ministër i Ekonomisë
Kolë Tromara – Ministër i Kulturës

18 korrik 1944-28 gusht 1944
Fiqëri Dine – Kryeministër dhe Ministër i Brendshëm
Eqerem Vlora – Ministër i Jashtëm
Koço Muka - Ministër i Arsimit
Rifat Begolli – Ministër i Ekonomisë
Musa Gjylbegu – Ministër i Punëve Botore
Mark Gjonmarkaj – Ministër i Kulturës

7 shtator 1944 – 25 tetor 1944
Ibrahim Biçaku – Kryeministër dhe Ministër i Brendshëm
Ethem Cara - Ministër i Financave
Rrok Kolaj – Ministër i Arsimit
Lefter Kosova - Ministër i Punëve Botore
Rifat Begolli – Ministër i Ekonomisë
Akile Tasi – Ministër i Kulturës

Qeveria e parë komuniste e dalë nga Kongresi i Përmetit
Enver Hoxha - Kryetar për Luftën dhe Mbrojtjen Kombëtare
Myslym Peza - Nënkryetar
Omer Nishani – I ngarkuar me punët e jashtme
Haxhi Lleshi – I ngarkuar me punët e brendshme
Ramadan Çitaku – I ngarkuar me Financat
Gjergj Kokoshi – I ngarkuar me Arsimin
Medar Shtylla – I ngarkuar me Ekonominë
Bedri Spahiu – I ngarkuar me Rindërtimin
Manol Konomi - I ngarkuar për Drejtësinë
Sejfulla Malëshova – I ngarkuar me Propagandën
Spiro Koleka – I ngarkuar me Punët Botore
Ymer Dëshnica - I ngarkuar me Shëndetësinë

Ilir Bushi

Agjensia e Lajmeve SOT - Komente dhe Analiza

Agjensia e Lajmeve SOT - Komente dhe Analiza

Agjensia e Lajmeve SOT - Komente dhe Analiza :: Komentet