Ish-kreu i PD letër publike ambasadores së SHBA/ Ky është një mashtrim i madh

Ish-kreu i degës së Partisë Demokratike në Kukës, Ibsen Elezi i ka drejtuar një letër publike ambasadores së SHBA në vendin tonë, Yuri Kim.

Në letrën drejtuar ambasadores, Elezi rendit disa nga ngjarjet në Shqipëri, për të cilat thotë se nuk na e ka fajin SHBA, por e kemi ne shqiptarët.

Po ashtu Elezi shkruan se ai nuk ka besim te Reforma në Drejtësi.

“Zonja Ambasadore e Re !

Nese Ju vertet besoni te kjo reforme per ‘drejtesi’, une vras mendjen pse jam kaq ‘injorant’ qe s’ju kuptoj dot.

Zonja ambasadore fajin pse diktatura komuniste na zgjati aq shume, e patem Ne dhe jo Ju (USA).

Zonja ambasadore fajin pse ne qeverisje nuk erdhi elita disidente e djathte pas ‘rrezimit’ e sistemit komunist, e patem Ne dhe jo Ju (USA), shtresa nga e cila vij u vetkenaqen me ‘rrezimin’ e komunizmit dhe harroi se kishte nje misionin.

Zonja ambasadore fajin qe u perdhos e drejta themelore e trashegimnise prones e patem ne dhe jo Ju (USA).

Zonja ambasadore fajin pse nuk u vendos drejtesi per krimet monstruoze te rregjimit Nexhmie Hoxhes e patem Ne dhe jo Ju (USA), ne harruam se ata mijera qe perjetuan tmerret e Ferrit te Dantes kerkonin dhe vazhdojne ta kerkojne drejtesi per NE.

Zonja Ambasadore une nuk mendoj si shume te demoralizuar qe fajin per gjendjen tone te mjerueshme na e kane te tjeret, as pazotesine e se djathtes per tu grupuar nuk e kam pare asnjehere te Ju, bile mendoj qe Ju keni bere shume per Ne dhe do jemi borxhlinje te perjetshem.”-shkruan Elezi.

Por, më tej ai thekson se fajin për këtë klasë politike nuk e kemi vetëm ne, por edhe ata, pra ndërkombëtarët.
Por Elezi thekson se nuk mund të besohet një mashtrim kaq i madh, sikurse e cilëson ai Reformën në Drejtësi.
“Zonja Ambasadore fajin per klasen tone politike te sajuar e katapultuar nga rryma e organizma nga pertej kufijeve ne emer te ‘demokracise’ e kemi NE por dhe Ju.
Fajin per ate cfare ishim dhe jemi e kemi NE, prandaj po vuajme edhe pasojat, por kur Ju u thoni shqipetareve te kene besim ne nje sistem drejtesie qe buron nga e KEQJA kriminale, s’me duket e MORALSHME.
Nese ky ‘sistem drejtesie’ realizon qellimin tij per te vet’amnistuar sistemin e te keqes 75 vjecare, atehere fajin e keni Ju me shume sesa Ne.
Me te vertete ‘Elita’ e ketij vendi mund te jetë frikacake, servile dhe e pazote per te perballur me te keqen, por kurresesi injorante qe te besoje nje mashtrim kaq te madh zonja Ambasadore e Re.”-përfundon Elezi postimin e tij./ CNA.al

Ish-kreu i PD letër publike ambasadores së SHBA/ Ky është një mashtrim i madh

Ish-kreu i PD letër publike ambasadores së SHBA/ Ky është një mashtrim i madh

Ish-kreu i PD letër publike ambasadores së SHBA/ Ky është një mashtrim i madh :: Komentet