Padia e PD-së për tërmetin e 26 Nëntorit/ A ka vend për përgjegjësi penale ndaj zyrtarëve të lartë të shtetit?

Edison Balla

Referuar dëmeve të mëdha që solli tërmeti i 26 nëntorit të vitit të kaluar në Shqipëri, ku 51 persona humbën jetën dhe disa qindra të tjerë mbetën të plagosur, Partia Demokratike e Shqipërisë, ka depozituar një padi penale pranë SPAK (Strukturës së Posaçme Anti Korrupsion).Në fakt kjo padi vjen pas një sërë akuzash që Partia Demokratike dhe përfaqësues të saj kanë lëshuar në drejtim të qeverisë dhe zyrtarëve të saj.Pikërisht në këtë kontekst Sekretari i Përgjitshëm i Partisë Demokratike z. Gazmend Bardhi ka dërguar një padi penale në SPAK ndaj disa drejtuesve dhe ish drejtuesve të qeverisë, me akuzat për:
[list="box-sizing: border-box; margin-bottom: 17px;"]
[*]Shpërdorim detyre

[*]“Vrasje nga pakujdesia” në rrethana rënduese

[*]Shklja e barazisë së pjesëmarrësve në tendera apo ankande publikë

[*]Korrupsioni pasiv i personave që ushtrojnë funksione publike

[*]Korrupsioni pasiv i funksionarëve të lartë shtetëror ose i të zgjedhurve vendor

[/list]

Veprat penale të listuara më sipër janë të parashikuara në dispozitat e Kodit të Procedurës Penale, dhe të Kodit Penal. Kjo padi arsyetohet me argumentin që zyrtarët shtetërorë, përkatësisht: Kryetari i Bashkisë së Tiranës z. Erjon Veliaj, Kryetari i Bashkisë së Krujës, z. Artur Bushi, ish Kryetari i Bashkisë së Durrësit z. Vangjush Dako, ish kryetarja e Bashkisë së Durrësit zonja Valbona Sako, dhe dy ministrat: ai i brendshëm z. Lleshaj dha ajo e arsimit Besa Shahini nuk kanë marrë masa për evitimin e dëmëve të tërmetit.
Kjo pasi sipas Partisë Demokratike, zyrtarët e sipërpërmendur të qeverisë kishin mundësi që të shmangnin dëmet dhe humbjet e jetëve të njerëzve duke qenë se në shtatorin e vitit të shkuar ra një tjetër tërmet, dhe po sipas PD-së njerëzit janë futur sërish në ato banesa duke rrezikuar humbjen e jetëve të tyre.
Madje më tej pretendohet nga PD se për banesat e shembura në tërmetin e nëntorit ka pasur edhe një inspektim teknik që ndalonte hyrjen brenda të banorëve, si pasojë e dëmëve që ishin shkaktuar 2 muaj më parë në tërmetin e shtatorit.

Fakt ky që sipas përfaqësuesve të Partisë Demokratike e bën humbjen e jetëve të njerëzve në Durrës dhe Thumanë një ngjarje të paralajmëruar.
Por veç pretendimeve të artikuluara nga PD, në anën tjetër qëndron edhe analiza e bazës ligjore.
Kështu pas sipas nenit 248 të Kodit Penal të Republikës së Shqipërisë, nen në të cilin PD bazon padinë për shpërdorim detyre thuhet shprehimisht se:
Kryerja ose moskryerja me dashje e veprimeve a e mosveprimeve në kundërshtim me ligjin, që përbën mospërmbushje të rregullt të detyrës, nga personi që ushtron funksione publike, kur i kanë sjellë atij ose personave të tjerë përfitime materiale ose jomateriale të padrejta a kanë dëmtuar interesat e ligjshëm të shtetit, të shtetasve dhe 157 të personave të tjerë juridikë, nëse nuk përbën vepër tjetër penale, dënohet me burgim deri në shtatë vjet.
Pra ajo që kuptohet lehtësisht në intepretim të këtij neni është fakti që për kryerjen e veprës penale duhet të faktohet “dashja” si element i domosdoshëm në klasifikimin e veprës penale. Gjë të cilën është vështirë duhet thënë që ta argumentojë vetë SPAK.
Gjithashtu edhe nenet 258, 259 dhe 260 të Kodit penal në të cilët mbështetet padia e PD-së për shkelje të rregullave të konkurimet në prokurimet publike, dhe korrupsionit pasiv të zyrtarëve të lartë ose atyre vendor duhet thënë që është e vështirë t’u gjesh përgjegjësi penale direkte zyrtarëve.
Kjo sepse ligji për prokurimet publike, por edhe interpretimi i neneve të cituara më sipër të Kodit Penal ngarkojnë me përgjegjësi në këto raste punonjësin konkret në asministratë publike që merret me procedurat e prokurimit. Pra që në të gjitha rastet mund të jenë antarët e komisioneve prokuruuese apo juristët e insitucionit.
Ndaj edhe kjo padi do ta ketë mjaft të vështirë që të gjejë rrugën e “veshjes” me përgjegjësi penale për zyrtarët e akuzuar.
©Copyright Gazeta SHQIP

Padia e PD-së për tërmetin e 26 Nëntorit/ A ka vend për përgjegjësi penale ndaj zyrtarëve të lartë të shtetit?

Padia e PD-së për tërmetin e 26 Nëntorit/ A ka vend për përgjegjësi penale ndaj zyrtarëve të lartë të shtetit?

Padia e PD-së për tërmetin e 26 Nëntorit/ A ka vend për përgjegjësi penale ndaj zyrtarëve të lartë të shtetit? :: Komentet