Dënimi nga qeveria Berisha 1, më 1996 i 35 anëtarëve të KQ të PPSH me burgime të rënda për gjenocid

Nga Agron Tufa :
Dënimi nga qeveria Berisha 1, më 1996 i 35 anëtarëve të KQ të PPSH me burgime të rënda për gjenocid, është padrejtësisht i zhbërë nga kujtesa e njerëzve me dhe padashje. Vendin e këtyre dënimeve e ka zënë në kujtesë, çuditërisht, derdimenomania e "gjyqit të kafeve", duke iu referuar një gjyqi të pasuksseshëm mën1992-93 kur nuk kishte në legjislacion baza ligjore, sistemi i drejtësisë ishte me po ata kuadro të PPSH dhe nuk kishin nisur Rezolutat e KE mbi sistemet totalitare komuniste. Në vitin 1996 me ligjet e reja mbi gjenocidin u arrestuan. Pas një viti e gjysëm, me riardhjen e komunistëve (socialistëve) në pushtet përmes revolucionit kaotiko-terroristo-bolshevik, këta 35 vampirë u liruan e madje u kompensuan.
Pas vitit '97 demokracia rishtare shqiptare mori një goditje tepër të rëndë.
Narrativa mbizotëruese e derdimenomanisë popullore ka shpikur mitet e veta, duke ia faturuar dështimin kryekëput Berishës, pa u ndaliur realisht në fakte, ligje, akte, por duke i zhbërë të gjitha këto. Berisha, thotë opinioni, ka faj se qeverisi me komunistë, ndërkohë në qeverinë Berisha 1 ka pasë më së shumti antikomunistë. Madje thonë: i arrestoi sa për sy e faqe, se e dinte se do përmbysej (!).
Unë them: gabimi kryesor i PD së asaj kohe qe ligji i tokës dhe pronës. Tolerimi i ndonjërit me prejardhje komuniste nuk ishte aspak dominues, por gjithsesi shqetësues.
Kjo temë ka shumë anë të errëta dhe enigma. Viti '97 i shumfishoi. Dënimi i komunizmit dhe trashëgimisë po vendosej në morsë ligjore njësoj si në vendet e tjera ish komuniste, që sot janë në BE. Mua nuk më ka pëlqyer në këtë periudhë paraqitja e flashkët e deri diku e mefshët e përfaqësuesve të shumtë nga e djathta e persekutuar. Ata e kishin një parlament ku mund të kishin këmbëngulur duke ndryshuar njëherë e mirë rrjedhën historike të tranzicionit. Justifikimet e mëpasme thjesht e thellojnë përgjegjësinë dhe mosvlerësimin e momentit historik që patën.
Në fakt rebusi fatal që u krijua me 1997 kurrë nuk u zgjidh. Ka një hezitim, një tabu që i pengon njerëzit të flasin për këtë thyerje të madhe. Unë nuk mendoj absolutisht që gjithë fajet zër e sos i kishte Berisha. Përrallat e demonizimet ndaj tij pastaj janë thjesht prirje folklorike, pa asgjë realiste.

Dënimi nga qeveria Berisha 1, më 1996 i 35 anëtarëve të KQ të PPSH me burgime të rënda për gjenocid

Dënimi nga qeveria Berisha 1, më 1996 i 35 anëtarëve të KQ të PPSH me burgime të rënda për gjenocid

Dënimi nga qeveria Berisha 1, më 1996 i 35 anëtarëve të KQ të PPSH me burgime të rënda për gjenocid :: Komentet