Shteti apo kanuni?

ILIRIADA PORTAL :: Jeta ne Shqiperi :: SOCIALE

Faqja 1 e 1

05012008

Shteti apo kanuni?

"Shteti apo kanun"-i kjo ishte pyetja qe dje ngrinte ne nje reportazh te saj gazetarja e TVSH gjate dhenies se kronikes mbi vrasjen e ndodhur ne Bathore.

anonymus: Numri i postimeve : 123
Reputation : 1
Points : 30884
Registration date : 29/12/2007

Share this post on:

Shteti apo kanuni? :: Komentet

Re: Shteti apo kanuni?

Mesazh Sat Jan 05, 2008 1:32 pm nga shqiptari

njerezit i drejtohen kanunit sepse nu vepron shteti. E keqja esht se as ligjet e kanunit nuk njihen ose jan ndryshuar simbas krahinave.
p.sh sipas kanunit gjaku nuk merret duke vrare nje grua.

leke dugagjini

Mesazh Sat Jan 05, 2008 1:36 pm nga shqiptari

LEK DUKAGJINI
Prijesi i Dukagjinasve, ose i thirruri "Princ" i Dukagjinasve sipas gjuhve Europiane.
Pikture e punuar nga Piktori, Poeti dhe Publicisti, LLesh Delia.
Shkurtimisht dicka rreth figures se Lek Dukagjinit
Lek Dukagjini, Prijes, luftetar, mendimtar, ideatori dhe bashkues i zakoneve dhe traditave me te vjetra shqiptare. I cili me nje diskutim te gjere midis pleqesise se Dukagjinasve, zgjodhi dhe i bashkoj normat zakonore Shqipetare ne nje kod ligjor, zakonor Shqiptar ku u quajt "Kanuni".
Vete kryepleqesite dhe populli Shqiptar ne fundin e shekullit te 14-te dhe fillimin e shekullit te 15-te e quajten ate Kanun si "Kanuni i Lek Dukagjinit".
Nepermjet atije "Kanuni" populli shqiptar, jo vetem qe mori guximin dhe frymzimin per nje rezistence me te fuqishme kunder barbarive Osmane, por i tregoj asaje perandorie dhe botes se asaje kohe se Shqiptaret jane nje popull qe kane zakonet e tyre, kulturen e tyre, ligjet e tyre te shkruara dhe te rrespektuara ne shekuj, ashtu qe do ta dallonte perjetsisht me pushtuesit dhe nuk do te guxonte kush qe ta cilsonte si nje vend e popull pa ligje, pa zakone, pa dicka te veten, pra si nje vend pa zot...
Ate Kanun e ka miratuar vete Gjergj Kastrioti Skenderbeu i cili e ka patur Lek Dukagjinin si krah te djathte ne organizimin politik e ushtarak te shtetit shqiptar ne kohet e Kastriotit te madh.
Me kthimin e Gjergj Kastriotit ne Shqiperi, Lek Dukagjini ka qene i pari Princ shqipetar qe i ka dhene ushtar, djem Dukagjinas per te formuar ushtrine mbare kombetare te Gjergj Kastriotit.
Mbas vdekjes se Gjergj Kastriotit ne Lezhe, Lek Dukagjini i ka mbajtur edhe 12 vjet te tjera principatat Shqipetare te bashkuara ne lufte kunder Turqve.
Ne moshen e tij te thyer ai nuk ka mundur me qe te beje balle barbarive Osmane si dhe disa kompremiseve qe filluan te bejne Princat shqiptar me Osmanet prapa krahve te Lekes, ashtu qe ai largohet pergjithmone nga atdheu, ku sipas gojdhanave mendohet te kete zene vend tek Arbereshet e Italise, vend ku mendohet dhe te kete vdekur. Per fatin e keq te tije dhe te familjes se tij e te Kombit Shqiptar, ai nuk pati djal si trashigimtar te tij.
Populli shqiptar e ka nderuar dhe rrespektuar kete figur te madhe te Kombit shqipetar duke i ruajtur e trashiguar theniet e tije te medha per kombin, per zakonet, per traditat, per rregullin e jetes e disiplinen ne marrdheniet me njeri tjetrin.
Edhe pse Kanuni eshte luftuar nga Turqit, nga Sllavet, nga Grekrit, nga cdo pushtues i Shqiperise, edhe nga diktatura komuniste, Kanuni ka jetuar si nje nder thesaret me te cmuara te popullit Shqipetar, pasi ka qene arma me e forte ideollogjike, shpirtrore per te mbijetuar neper shekujt e luftrave barbare.
Ai Kanun i mbrojti shqiptaret, sidomos ne veri, qe te mos asimilohen, te mos islamizohen, te mos turqizohen, por te mbesin thellsisht shqiptar me shpirt, kulture dhe zakone e besimin te Krishti.
Mbi ate Kanun ka vene doren e betimit vete Gjergj Kastrioti kur ka nisur luftrat e medha kunder Osmanve.
Ai ka qene nje liber i shenjte ku i ka dhene vlerat e dinjitetin njeriut shqiptar dhe mbare Kombit.
Ata qe spekullojne mbi Kanunin duke thene se Kanuni i ka shtypur Grate, kane si qellim qe te hedhin balte mbi vlerat e tije. Sepse gruaja Shqiptare ka qene e mbrojtur thellesisht me Kanunin. Gruan nuk ka guxuar askush as ta dhunoje, as ta rrembeje, as ta vrase e as ta izoloje. Ne cdo rast edhe kur jane bere gjaqe masive, grate kane qene te lira te levizin ashtu dhe femijet me to... Ne se dikush ka vra gabimisht nje grua, eshte detyruar qe te kete dy gjaqe borxh, njerin prinderve dhe femijeve te gruas, tjetrin burrit te saj...
Kjo do te thote vlersim per gruan, per ta mbrojtur nga cdo kush. Ne se nje grua detyrohet te vrase nje burre ne rrethana te ndryshme, burri ka shkuar gjak hupes, pra nuk kerkon askush gjak per te... Kjo do te thote se kur nena, ajo qe lind e rrit njerzimin e ka gjykuar ta vrase nje burre per te kqiat qe ai ben, vendimi i saj konsiderohet si me i larti dhe i merret i drejte... Dhe ne kete rast eshte vlere per gruan...
Femrat nuk kane guxuar te martohen vete, njekohesisht as meshkujt ne ato kohra, ky kufizim eshte bere me qellim per te mos u dhene mundesi te huajve qe te futen ne thellesi te familjeve shqiptare me martesa per ti perdorur ato me qellime politike pushtuese, ku pak nga pak do te na asimilonin gjithe vendin, pra ta turqizonin apo sllavizonin me ane te atyre lidhjeve... Ashtu sic ndodh sot rendomte kur martesat behen pa nje diskutim apo bashkvendim me prindrit ato jo vetem deshtojne por krijojne katastrofa familiare ne dy drejtimet si per vajzen dhe per djalin... Shembuj kemi sot qindra raste te martesave te vajzave shqipetare jashte shtetit me te huaj, pa dijenine apo miratimin e prinderve, dhe shume prej tyre kane perfunduar keq, duke mbetur rrugve...
Ne thellesi Kanuni dhe figura e Lek Dukagjinit jane sinonim i shpetimit te Kombit shqipetar ne shekujt e mesjetes.
LLesh Delia

Re: Shteti apo kanuni?

Mesazh Sat Jan 05, 2008 6:31 pm nga Iliriada Portal

Njerezit i drejtohen vetgjygjesise sepse organet e drejtesise nuk funksionojne. Ne raste te tilla eshte shteti ai qe me mosveprimet e veta ka krjuar kushtet qe te ndodhin krime te tilla. Pra sot kriminaliteti ne Shqiperi perveç te tjerash eshte edhe produkt i vete shtetit.

Re: Shteti apo kanuni?

Mesazh Sat Jan 05, 2008 10:57 pm nga lola

Me duket se shqiptaret vuajn nga sindroma e deshires per tu hakmarre sado shtrenjte qe ta paguajn.

Re: Shteti apo kanuni?

Mesazh Sat Jan 05, 2008 11:11 pm nga Peshkopiasi

Sot ne shqiperi nuk po funksionon as ligj e as kanun ,jemi bere si njerez parahistorik dhe çdonjeri ben sipas kokes se vet...sa turp!!!!!!

Re: Shteti apo kanuni?

Mesazh Sun Jan 06, 2008 11:08 am nga ILIRI

E drejte Peshkopias. Sot shoqeria shqiptare eshte zhytur ne nje krize qe une dota quaja "kriza e identitetit".
Sot me shume se tre mentalitetet, ai qe na la rregjimi komunist, mentaliteti i trasheguar nga e kaluara e larget para luftes (turkoman) dhe mentaliteti i ri qe gjithsesi ka mundur te gjej vend aty ketu, jane ne nje kontradite te ashper me njera tjetren, kontradite e cila pasqyrohet ne krijimin e fenomeneve te tilla e te tjera fenomene si divorcet e shumta, rikthimi i ferexheve,futja e bashkejeteses etj.
Padyshim qe shteti ka pergjegjesine e vet ne lidhje me kete tejzgjatje te tranzicionit , le ta quajm kulturor, qe po kalon shoqeria shqiptare sot.

Re: Shteti apo kanuni?

Mesazh Wed Jan 16, 2008 11:23 am nga ILIRI

Kanuni vepron, kur drejtësia mungon

PROF. ASOC. DR. AGO NEZHA

15/01/2008 Kriminaliteti është një sëmundje e trajtuar, por e pa kuruar dhe e pa shëruar. Kjo situate kritike na bën të kërkojmë që të transformojmë peisazhin politik dhe të riformohet drejtësia e nëpërkëmbur në vitet e pluralizmit. Jemi dëshmimtarë të një strukture të pazakontë konfliktuale, institucionale ndërmjet gjykatave, prokurorisë dhe policisë. Qytetari shqiptar, nuk ka besim te gjykatat, te drejtësia. Kopetenca, autonomia dhe pavarësia që kanë organet gjyqësore nga ekzekutivi, i kanë bërë ata më abuzivë dhe më pak të përgjegjshëm. Autonomia ekstreme e gjyqësorit nga legjislativi dhe ekzekutivi është tipar i demokracive të maturuara dhe konsoliduara. Të mos keqkuptohemi, unë nuk jam i prirur për tutelë institucionale, por për një përgjegjësi gjithëpërfshirëse të mirëkuptuar dhe miratuar në të gjitha nivelet e pushtetit. Sovraniteti i gjykatave i ka bërë ato që të shprehin një liri të pa kufizuar dhe një mungesë përgjegjësie legjitime. Duke qënë të pavarura, justifikojnë shkeljet dhe padrejtësitë si atribute të një shoqërie të lire demokratike. Në këtë sfond ato korrupsionin e paraqesin si një plagë të shoqërisë në reformim që do kapërxehet me një axhendë më rigoroze të gjithëpushteteve që veprojnë në terrenin e një shoqërie pluraliste. Politika ka influencat e saj indirekte pa dashur të ushtrojë presion, sepse çdo ndërhyrje nuk ka efekte legjitime. Format e korrupsionit që i zenë frymëmarrjen gjykatave janë në variante të ndryshme. Ato i gjen të shprehura në heshtje, në pasuritë natyrore dhe financiare të personelit që punojnë në institucionet e drejtësisë. Shëmbujt janë të shumtë. Gjykata e Vlorës, gjykon dhe dënon një të ri nga fshati Dukat, se gjoja ai ka grabitur një sasi lekësh një bashkëfshatarit të tij,sipas deponimit të familjarëve dhe dëshmisë së një fëmije të manipuluar. Gjykatësit dhe avokati edhe pse s’kanë asnjë fakt konkret, bien në grackën e denoncuesit, të joshur nga akuzatori me rishvete të pista. Të dënosh pa fakte do të thotë të manipulosh drejtësinë. Një padrejtësi e tillë, në mënyrë të heshtur e pjell krimin, si mamia e të gjithë të këqiave. Krimin e sjellin konfliktet midis individëve, por atë e rrisin potencialisht dhe shumfishojnë numerikisht gjykatat me veprimet e tyre kompromentuese dhe korruptive. Rritja e përqëndrimit të tëdrejtave në mënyrë të pakufizuar, rrit shkallën e pa drejtësisë dhe të deformit të faktit. Ka shumë komente publike mbi vendimet e gjykatave që i detyrojnë njerëzit të bien në vetgjyqësi. Rastet ndjekin njëri tjetrin. Mjafton të citojmë thëniet e plakut 65 vjeçar Hajdar Pucit, që deponoi se “Vrava se isha i pakënaqur me vendimin e drejtësisë. Unë bëra atë që nuk e bëri dot shteti për tre vjet me radhë. Kam pritur me ankth se do vihej drejtësi…” Një tragjedi e vërtet. Ivrasin dy djemtë në prezencën e nuseve. Sikur ti thërrisnin ndërgjegjies prokurori, gjykatësi, drejtësia dhe të aludonin se kjo dramë do tu ndodhte në familjen e tyre, si do e përjetonin, qetësisht apo tragjikisht ?!. Gjykata hesht. Policia megjithëse ka denoncime kur janë të kompromentuar, nuk i ndjek. Prokuroria neglizhon. Në këtë situate kaotike, vetëgjyqësia është e imponuar. Denoncon gruaja në organet e policisë, se burri e terrorizon atë dhe fëmijët dhe policia hesht. I dërgohet informacion prokurorisë se krimineli shëtit i lire rrugëve dhe prokuroria fle gjumë. Krimineli del para gjyqit dhe gjykata e dënon sikur të ketë vjedhur një parcelë me bostan. Në këtë rast fajtorë nuk janë autorët e krimit, por mbrojtësit e tyre. Të gjykosh prokurorin apo gjykatësin që e mbulojnë krimin dhe janë bashkëfajtor në krim, nuk do të thotë se cenon institucionin, përkundrazi një veprim i tillë e shëndoshë drejtësinë dhe e pastron shoqërinë nga njerëz të korruptuar. Krimet kanë kolor të ndryshëm dhe hapësirë të gjërë. Por është tepër tronditës fakti që here pas here, për vjet me radhë dalin në ekranet e televizioneve qindra fëmijë të ngujuar që kanë humbur lirinë, si rrjedhojë e hakmarrjes. Është shokuese pamja dhe përgjigja e fëmijëve që rrinë të izoluar në shtëpi, pa shkollë, pa argëtim, e të traumatizuar. Kur i pyet pse rrinë të mbyllur, jemi në gjak, të përgjigjen ata të trishtuar. Të mendojmë për një çast sesi do e përjetojnë këta fëmijë kur të rriten këtë dramë familjare që j’ua ka vrarë fëmijërinë, shpresën, të ardhmen dhe u janë burgosur ëndrrat qysh në djep. Kush përgjigjet për këtë krim.?!... Kur traumatizohet fëmija është traumatizuar e gjithë shoqëria. Por lind një pyetje sygjestive. Si është e mundur që një shoqëri e lire demokratike, kur fëmijët, e ardhmja e vëndit, kanë humbur lirinë, ajo ka guximin ta quaj veten demokratike dhe kërkon të futet në Bashkimin Evropjan?!. Institucionet demokratike, si presidenca, legjislativi, ekzekutivi, gjyqësori, media dhe shoqëria civile do bashkërendonin forcat në një front të përbashkët, të mernin përgjegjësinë për ta shëruar këtë plagë, jam i mendimit se do kapërxehej edhe kjo dramë e shëmtuar. Ashtu siç është vepruar deri mësot, ku liderë të vacantë bëjnë thirrje mediatike, është një formalitet, sa për të larë gojën. Përshtypja fillestare për një mbrojtje të qënësishme dhe efektive të këtyre fëmijëve, duke e future nëpër labirinthe që e fshehin realitetin deri në limitet që humbet e vërteta dhe fakti venitet, ka bërë që kjo situate të përcillet në vite me të njëjtin mesazh. Kushtet e mjedisit shoqëror, e bëjnë të vështirë që secili të mendojë i pavarur, të ushtrojë përgjegjësinë e vet, të afirmojë dhe pasurojë personalitetin e vet. Profili shpirtëror, moral dhe tradicional , kërkon të shoqërohet dhe me atë institucional. Duhet të bashkojmë aspektin konceptual,doktrinal dhe proçedurial, edhe në praktikën e interpetimit dhe zbatimit të ligjit, me praktikën e gjykimit. Standartet e larta profesionale nuk pretendohet të arrihen me një here, për vetë maturinë që kanë gjykatat tona. Ka ardhur koha që gjykatat tona, që gjykojnë krime në rrugë korruptive të vetgjykohen për bëmat e tyre të mbrapshta. Prezantimi i papajtushmërisë me realitetin si një koncept kryesor veprues është i pranuar gjërësisht. Një mundësi autoritariste dhe profesionale e pa kontestushme, ka bërë që të mos përfillë realitetin dhe individin e pa përkrahur të shtresave të varfëra të shoqërisë, për më tepër ato të zonave rurale. Shoqëria jonë në tranzicion ka pësuar deformime në karakterin e njeriut. Të jeshë i mire e i sjellshëm, është më e lehtë se të jesh i drejtë. Drejtësia shpesh here nuk ndëshkon të keqen, por e mbron atë padrejtësisht. Drejtësia është më e rendësishme se liria që kemi fituar në demokraci. Drejtësia do triumfojë tek neve, kur akuzën e padrejt ndaj tjetrit, ta identifikoj me veten. Drejtësia lulëzon kur nuk dëmton njeri dhe i sjell dobi shoqërisë. Drejtësia është prone e njerëzve me virtyte të larta, që si ka kushdo. Ligji nuk duhet të ketë njgjyrë.

Njerëzit janë të drejtë, kur zbatohen drejt ligjet. Edhe akuzuesit, edhe të akuzuarit duhet të vlerësohen me të njëjtin meter. Ligji nuk është prone e gjykatësit por e drejtësisë.

Që të përparojë vëndi, duhet të ekzistojë e drejta.

Re: Shteti apo kanuni?

Mesazh nga Sponsored content