Gazeta Shqip do te quhej se e ka permbushur detyren e vet karshi opinionit nese do ti botonte dhe emrat qe i referohen çdo pseudonimi, perndryshe kjo liste eshte e pabesueshme sepse gjithkush mund te beje lista te tera te tilla dhe te thote pastaj se keto jane pseudonime qe u perkasin politikaneve, deputeteve, ministrave, etj.

Kte liste e kam lexuar kohe me pare ne nje gazete(sme kujtohet) por edhe me emrat referues. Fakti qe kete rradhe i kane hequr emrat per mua eshte dyshues se kemi te bejme me nje shpifje qe zakonisht gazetat i perdorin per te rritur tirazhin.

Edituar për herë të fundit nga emigranti në Sat Jul 05, 2008 5:21 pm, edituar 1 herë gjithsej

Duke kerkuar ne interne t e gjeta artikullin per te cilin beja fjale me lart me te vetmin ndryshim se lista qe eshte paraqitur me lart eshte shume me e gjate se sa lista e meposhtme. Gjithsesi nuk heq dore nga mendimi se puna e gazetes Shqip eshte gjysmake dhe ka nje qellim te caktuar ose eshte shpifje ose edhe vete gazeta duke mos i shkuar çeshtjes deri ne fund ben lojen e vet per qellime perfitimi(jane bere te gjithe specialist te shantazhit tani)
E Marte, 16 Tetor 2007
Del ne qarkullim lista e plotë me emrat e te perfolurve

Opcioni i hapjes se dosjeve te Sigurimit te Shtetit është tema e ditës ne Kuvendin e Shqipërisë. Deputetet kanë rindezur vete me duart e tyre, diskutimet dhe dyshimet e kahershme qe datojne qysh nga epoka e famshme e komisionit te virgjerise me 1996 apo atij Bezhani te vitit 1997, tok me pseudonimet, përsiatjet dhe hamendesimet qe lidhen me shumë prej atyre qe sot janë ne postin e nderuar te përfaqësuesit te popullit. Diskutimet po perfshijne, ashtu siç edhe pritej, një vale te vërtetë akuzash personale qe deputetet hedhin ndaj njëri-tjetrit, pretendime shpesh edhe fare te pabazuara por me motivim te fortë politik, keqdashje të atij tipi qe është bërë shpesh sebep për daljen ne drite te shumë aneve te panjohura te njerëzve qe na qeverisin, e te tjera.

Një liste me pseudonime dhe me referencat perkatese qe lidhen me emrat e deputeteve qe korrespondojne me to, po qarkullon prej disa ditesh ne celularet e deputeteve te te dy kraheve politike. Pretendimet ngrihen shpesh edhe thjesht mbi bazen e logjikes qe lidh profesionin apo kualifikimet e deputetit përkatës me pseudonimin qe i bashkangjitet atij. Ne disa raste, te bëhet të mendosh se shefat e Sigurimit qe vendosnin pseudonimet për informatoret e tyre, duhet te kenë pasur një sens te fortë humori ose pasion te theksuar për letersine. Ndonjeri prej pseudonimeve qe sipas pretendimeve i mvishet deputetit, korrespondon me karakteristika te tijat fizike. Ne disa raste edhe me pasione apo hobby te njohura botërisht te përfaqësuesit përkatës te popullit dikur ish-bashkepunetor me sherbimin sekret.

Moda e pseudonimeve për deputetet, hyri ne qarkullim rreth një vit me pare, kur ne kulmin e luftës se nervave për temat e nxehta qe lidheshin me kompromisin për zgjedhjet vendore u hap pa u marrë vesh sesi debati: a duhen bërë publike dosjet e Sigurimit. Vemendja e opinionit publik u zhvendos teresisht dhe gazetat serviren lista te tera pseudonimesh duke ngjallur hamendesime te shumta për deputetet dhe personat publike te cileve u referoheshin këto terma, shpesh edhe zbavitese. Sporti popullor i deputeteve me pseudonime, rihyri ne vemendjen e publikut përsëri ditet e fundit kur u rinxor debati i vjetër i hapjes apo jo, te dosjeve te bashkepunetoreve te Sigurimit te Shtetit, ndërkohë qe vemendja e publikut ishte e perqendruar ne skandalin e madh financiar te rrugës Durrës – Kukes, shkarkimin e kryeprokurorit apo krizen e rëndë energjetike në vend. Një teme e nxehte, kjo e bashkepunetoreve te Sigurimit, ndoshta fale faktit se ne Shqipërinë ish-komuniste ku sipas deshmive kronike te shtypit një ne çdo tre shqiptare ka pasur bashkepunime sado te parendesishme me sherbimin famekeq te Sigurimit te Shtetit, ka ndezur një vëmendje te sforcuar nga ana e opinionit publik, i cili, për fat te mirë apo te keq, ne këto 20 vitet e fundit kur edhe nami i strukturave sekrete s’është me ai i dikurshmi, ka ndryshuar strukturen, sferen e interesave dhe madje edhe ka humbur kujtesen kolektive.

Temat e pergjimeve, bashkepunetoreve sekrete dhe pseudonimeve të tyre, perpos efektit imediat politik ne sherbim të atyre qe vete i hapin dhe i hedhin ne treg si shashka tymuese për te terhequr vemendjen e publikut nga problemet reale, kanë thjesht një interes te percipte, kurioz dhe gazmor tek pjesa tjetër e opinionit, qe shikon tek këto pseudonime me kumbim soc-realist, thjesht jehonen e një epoke bardh’e zi qe s’mund te shkaktoje me kurrfare ndikimi ne jetën e përditshme te shqiptarit te mesem, skeptik dhe pragmatist.

LISTA E DYSHIMEVE

Jemin Gjana – I vogli

Shaban Memia – Qukapiku

Jozefina Topalli – Dizenjatorja

Spartak Poci – Inxhinieri

Prec Zogaj – Ciftelia

Servet Pellumbi – Rraketa

Astrit Patozi – Alfons Balshaj

Ekrem Spahia – Drita e kuqe

Ridvan Bode – Financjeri

Besnik Mustafai – Shkrimtari

Nard Ndoka - Kronometri

Vili Minarolli – Profesori

Teodor Laco – Dragoi

Leonard Demo – Murrizi

Frrok Cupi – Llulla

Abdi Baleta - Stilografi

Mare nga gazeta Korrieri

Eshte interesant se ne listen e korrierit vetem tre persona i perkasin krahut te majte;Abdi Baleta - Stilografi, Frrok Cupi – Llulla,dhe Servet Pellumbi – Rraketa.
E merr vesh edhe gomari se kjo eshte bere me qellim pasi te tre keta jane pa vlere per te majten pasi asnjeri prej tyre momentalisht nuk eshte i inkuadruar ne PS. Pellumbi qe ndoshta vazhdon te jete anetar i PS nuk i duhet tani askujt ne PS keshtuqe fare mire mund te vleje per te mbuluar llogarite e te tjereve, ashtu si dhe dy te tjeret Abdi Baleta dhe Frrok Cupi. Kjo do te thote se edhe vete gazetat ja kane me hile popullit dhe demokracise shqiptare.

Jo vetem me te majten por edhe me te djathten qenka bere kujdes.

zhurm zhurm shum shum zhuuuurm

Propozimi i dështuar i Flamurit për spiunët

Nga Tema

Antena brenda familjes


Ligji për hapjen e dosjeve të Sigurimit të Shtetit do të vazhdojë të jetë objekt i debatit politik dhe për ca kohë. Partia Socialiste ka kërkuar hapjen e dosjeve të bashkëpunëtorëve, Partia Demokratike hapjen e dosjeve të persekutorëve, ndërsa Partia Demokristiane hapjen e dosjeve të bashkëpunëtorëve dhe persekutorëve, por që nuk prishin shumë punë në politikën e sotme. Ky debat në fakt nuk do të ketë fund, pasi realisht askush nuk kërkon të hapen dosjet, jo se dikush do të dalë ose jo spiun, por pas kësaj politikanëve iu ikën nga duart mekanizmi i shantazhit mbi hapjen e dosjeve dhe politika do bëhet më teknike.
I vetmi që ka dhënë një propozim normal për këtë çështje në konsultën e ngushtë të PD ka qenë Flamur Noka. Ai ka sugjeruar që dosjet të hapen për të gjithë ish-spiunët dhe zyrtarët komunistë të ndalohet të merren me politikë, kurse doktori të mbajë në sirtarë dosjet e të korruptuarve. Kështu, sipas skemës së Flamurit, doktori do jetë prapë i fuqishëm, pasi ai vërtet nuk do t’iu ketë dosjet këtyre xhaketave të vjetra të PD, por do t’u ketë dosje këtyre të KOP-it në PD, që s’kanë patur moshë të bëhen sigurimsa, por janë në moshë për të qenë hajdutë. Me këtë propozim në mendje dhe zemër Flamuri i shkretë shkon te doktori dhe i tregon skemën e tij.
- Nga këta të vjetrit në PD nja tre-katër kemi spiunë, - i tha Flamuri. - Dhe ata nuk kanë ndonjë peshë. Kurse këta të rinjtë janë bërë të padurueshëm. Dhe filloi t’i numërojë gjithë historitë e korrupsionit që populli raporton te Flamuri në zyrat e PD, ku nuk ka njeri tjetër. I zuri gjithë KOP-istët, që nga letrat që kanë ardhur për Aldo Bumçin, për Eris Hoxhën, për Lul Bashën, me radhë deri te makina e kunatit të Lul Bashës, apartamenti i tij luksoz etj. Pastaj nisi t’i tregonte historinë e pallatit te Garda, që Flamuri i shkretë e ndaloi me urdhër partie një vit më parë, edhe pse iu ofruan miliona, dhe ai vazhdon të ngrihet, duke keqpërdorur emra familjarësh të doktorit. Berisha po e dëgjonte i ngrysur. Flamuri i shkretë vazhdoi t’i tregonte për tenderat e ARMOS, si ishte shitur nafta krudo më parë, si i kishin premtuar pará partisë dhe s’ia kishin dhënë, si e kishte luftuar korrupsionin në ISKSH duke çuar vëllain e vet kryetar komisioni për tenderat e kështu me radhë.
Doktori e dëgjoi me vëmendje dhe e pyeti se cili ishte propozimi final i Flamurit.
- Unë them t’i hapim dosjet e bashkëpunëtorëve dhe të mbajmë dosjet e korrupsionit, se kështu kemi me se i shtrojmë këta të rinjtë në PD, - tha Flamuri.
- Nuk e ke keq, - i tha doktori. - Problemi është se kemi për të mbetur pa asnjë palë dosje në sirtar. Nëse i hapim dosjet e bashkëpunëtorëve, një pjesë do largohen, kurse ata që nuk janë bashkëpunëtorë, do t’i kemi nëpër këmbë dhe s’kemi ç’iu themi. Nga ana tjetër, këtyre të korruptuarve që thua ti, s’kemi ç’iu bëjmë, se ka dalë fjala që ne jemi zënë me Ina Ramën dhe këta të KOP-it nuk tremben nga dosjet e korrupsionit, se e dinë që nuk i gjykojmë ne, por Ina Rama. Dhe ata mbrohen politikisht, po i sulmuam.
I hutuar nga ky zhvillim, Flamuri u tërhoq nga propozimi i tij dhe kërkoi leje të ikte.
- Shko Flamur, - i tha doktori, - dhe bë kujdes nga partia, se po vijnë lajme të dyshimta andej. Nuk je duke qëndruar në krye të punëve.
- Dhe aty paksa spiunë? - tha Flamuri.
- Normal, - i tha doktori. - Atje ka mundësi të ketë dhe nga dosjet e Sigurimit, dhe nga dosjet e korrupsionit, prandaj bë kujdes.
- Patjetër, - tha Flamuri i shkretë, i skuqur në fytyrë duke dalë jashtë. I pari që ndeshi në korridor ishte Bardh Kadilli, këshilltari Antikorrupsion.
- Ku ishe? - e pyeti Kadilli.
- Tek ai burri, - i tha Flamuri.
- Çfarë ka ndonjë gjë të re? - i tha Kadilli.
- Asgjë, - i tha Flamuri. - Ai burri thotë që Ina Rama nuk do t’ia dijë fare për dosjet e korrupsionit që mund t’i çojmë ne për hetim...
Bardh Kadilli u çel në fytyrë.
- E sigurt kjo? - i tha.
- Kështu tha ai burri.
- Ai s’gënjen, - tha Kadilli i lumtur. - Jemi qeveri me fat.