Oktapodi i shesheve të ndërtimit Edi Rama, i vë ruspën me dhunë një banese 100 vjeçare


Nga Përparim HALILI - Dje ka vazhduar dhuna psikologjike, kërcënimet dhe më së fundi edhe dhuna fizike e ushtruara prej kamikazëve me uniformë policie të kryebashkiakut të Tiranës, Edi Rama, kundër familjes Simo dhe të afërmeve të tyre, të cilët janë bërë shënjestër e tij për t'u zhvatur truallin mbi të cilën ngrhet banesa e tyre afro 100 vjeçare. Familja Simo në lagjen "Ali Demi" në kryeqytet, ka në pronësi ligjore një banesë me oborr dhe me mur rrethues, të blerë nga shteti që në vitin 1957 dhe të kaluar në pronësi të rregullt në pronësi të kësaj familjeje.Mirëpo, tani pas 51 vjetësh, oktapodi i trojeve të shtive të vjetra, kryebashkiaku Edi Rama, vërsuli afro 10 ditë më parë kundër kësaj familjeje policët e tij bashkiakë e ata ndërtimorë, me në krye kryepolicin e besuar ndërtimor të bashkisë, Afrim Qendro, për t'i rrafshuar banesën. Edhe pse familja i paraqiti dokumentet e rregullta të pronësisë dhe hartës së banesës, me urdhër të shefit të tyre të lejeve pirate të ndërtimit, kamikazët e instruktuar të hajdutit të trojeve dhe shkatërruesit të pronave të tiranasve, kryebashkiakut Edi Rama, i rrafshuan murrin rrethues dhe më pas iu vërsulën banesës, duke mos përfillur dokumentet e hipotekës të 51 viteve më parë. Pasi ndeshën në rezistencën e familjarëve dhe banorëve të zonës, banda e policëve bashkiakë të Edi Ramës u tërhoq, duke lënë pas pirgje me gërmadha, të cilat, fadromat e bashkisë i shtyn deri tek dritaret dhe dera e banesës së familjes Simo e cila sipas planeve shkatërruese dhe grabitëse të truallit prej 375 metër katrorë është projektuar për t'u kthyer në shesh ndërtimi, madje është dhënë edhe leja e ndërtimit prej kryebashkiakut, ku thuhet se ai dhe rrjeti i tij i ndërtimeve të paligjshme, do të ndërtojnë një qendër biznesi. Kryebashkiaku Edi Rama nuk resht së denigruari banorët e vjetër të kryeqytetit. Mjafton një kapriçio dhe interes i tij e çastit dhe gjithçka hidhet në erë vetëm me një copë urdhër prej letre që hartohet, vendoset, firmoset dhe vuloset vetëm prej zotërisë 10% të lejeve të ndërtimit. Lajthitja e momentit e Ramës, kësaj radhe ka rënë në kurriz të familjes Simo në Tiranë, një familje e vjetër tiranase, të cilës ka kërkuar t’i rrëmbejë banesën e ngritur prej afro 100 vjetësh dhe pronësi e kësaj familjeje prej 51 vjetësh vjetësh. Shkëndija që ka pasur me kërkesën alogjike të Ramës, për të prishur këtë shtëpi, ka ardhur pas prishjes së garazhit, që kishte në pronësi kjo familje. Pas prishjes së garazhit dhe murit rrethues, kryebashkiaku Rama ka kërkuar dhe vepruar me veprime fizike nëpërmjet policisë së tij të dhunshme, që të shkatërroj banesën, veprim ky që pritet të bëhet realitet në ditët në vijim, mbasi kështu iu dha edhe dje mbasdite ultimatumi familjes Simo prej njerëzve të Ramës, madje edhe civilë të dërguar prej krybashkiakut, që nuk kanë asnjë lidhje pune me bashkinë, por vetëm me rrjetin e mafioz të Ramës. Vlera e ofruar nga kryebashkiaku Rama, për shpronësimin e kësaj familjeje, realisht është turp të përmendet, por për efekt të qartësisë dhe vërtetësisë, ajo duhet të bëhet e ditur. Kështu, Bashkia e Tiranës ka dërguar policinë bashkiake për të prishur shtëpinë e familjes Simo në lagjen “Ali Demi” në Tiranë. Një ofertë qesharake prej 120 mijë eurove i është ofruar familjes Simo, paraprakisht dhe privatisht prej njerëzve të Edi Ramës, në këmbim të një shtëpie dhe trualli prej 3 75 metra katrorë. Por familja Simo nuk e ka pranuar një oferët të tillë, pasi shtëpia ka tjetër vlerë dhe për më tepër nuk pranoi që ta jap banesën e saj. këti ka nisur veprimi i dhunshëm e antiligjor zyrtar i kryebashkiakut, i cili ka nxjerr urdhërin për ta shembur këtë banesë e për ta krheyr në truall ndërtimi edhe pse banesa është me letra të rregullta pronësie. Thoma Tashi, pjesëtar i kësaj familje, tregon se si policët e shfrenuar deri në dhunë dhe degradim moral të Bashkisë së Tiranës, e kanë kërcënuar këtë familje për ta përzënë nga shtëpia, madje edhe duke ofruar fadromat deri tek dritaret e duke bërë gjeste presioni me ruspat e tyre. Thomani dëshmoi dje, pas aktit të dhunës fizike, që u ushtrua ndaj tij dhe familjes Simo prej individëve të dërguar privatisht prej Edi Ramës, në orën 19.50 minuta: “Para pesë ditëve, në shtëpinë e Llukan Simos, erdhi një letër nga policia ndërtimore, një urdhër ekzekutimi për të prishur murin e shtëpisë, garazhin, sepse muri i shtëpisë, sipas Policisë Ndërtimore, me në krye Afrim Qendron, me synim për të prishur edhe banesën në vijim. Por, familja Simo e kishte ndërtuar këtë mur që para 45 vjetëve kundër të githë rregullave dhe brneda hartës së pornësisë së truallit të saj, të blerë nga shteti që përpara 70 vitesh. Ndërsa bashkia kërkon t'i manipulojë këto letra, duke mos i njohur fare, duke i ofruar shumën prej 120 eurove në shkëmbim të lënies së banesës dhe truallit prej 375 metra katrorë. Familja e kudnërshtoi, por këtu ndehsi me presionin, më pas me dhunën e mandej me shkaëtrrimin e oborrit dhe mjediseve që kishte ndërtuar brneda tij. Në bazë të letrave dhe vërtetimeve të paraqitura pranë gazetës “SOT”, dokumentet për lejet e ndërtimit janë të sakta dhe të vërtetuara nga ana hipotekore me pronësi që përpara 50 vjetëve. Por Policia Ndërtimore e Ramës, ka bërë një vesh shurdh dhe një sy qorr. Nuk kanë pranuar asnjë letër që vërteton pronësinë e familjes Simo. “Policia Ndërtimore, nuk mori parasysh asnjë dokumentacion por erdhi dhe na goditi, duke prishur gjithçka”, shprehet Thoma Tashi. Pasi është shembur muri i shtëpisë, ndërtimorët e Edi Ramës kanë urdhëruar të prishin edhe oborrin. Të nesërmen, të gjitha mbeturinat i spostuan përpara derës së shtëpisë, në mënyrë që mos të kishim se ku të kalonim”, u shpreh më tej pjesëtari i familjes Simo. Menjëherë, të nesërmen, familja Simo, ka bërë denoncim pranë rajonit Nr. 1, në Tiranë. Sipas Tashit, policia e ka pasur shumë të vështirë të pranonte këtë denoncim. Ndërkohë, policia e kryeqytetit, gjithmonë i pranon denoncimit edhe për një vjedhje stilolapsi, por këtë radhë, duket se janë “frenuar” nga firma dhe vula e Edi Ramës, mikut të Sali Berishës, i cili në jo pak raste kur ia këkron interesi Edi Ramës, i ka vënë në dispozicion politinë e shtetit. “Nuk e pranuan denoncimin pasi janë palë e Edi Ramës”, pohoi dje, i dhunuari Thoma Tashi. Kur shkuam në komisariat për të bërë denoncimin, më mbajtën mbi 6 orë së bashku me gruan në dhomën e izolimit. Kur ishim të izoluar në komisariat, për një moment, blutë luajtën "ping-pong" me ne. Denoncimi ynë ishte, sepse nga data 2 e këtij muaji, Llukanit, pronarit të shtëpisë, i kanë shkuar në shtëpi tre persona, njëri ndizte çakmakun, tjetri mbante dorën në brez dhe na pyetën ku i keni dokumentet e shtëpisë, sepse shtëpia juaj një shkrepëse do”, tha ai. Ndërkohë, zonja Jovanka, bashkëshortja e Llukanit, u ka thënë të largoheshin menjëherë. Në fund të janarit dhe në fillim të shkurtit, Bashkia e Tiranës i ka dërguar një letër kryefamiljarit Llukan Simo, ku cilësohej se me datë 28, duhet të lironi shtëpinë. Letra është dërguar edhe në Komisariatin Nr. 1, në Tiranë. Dy ditë më parë, familja Simo ka vendosur një shirit pranë gardhit të shtëpisë. Menjëherë është ofruar pala e Edi Ramës, ku u ka bërë një ofertë, që t'i paguante dhe t'i largonte nga shtëpia. Por, familja Simo nuk e ka pranuar një ofertë kaq qesharake. Presoni që erdhi për të na mashtruar me ofertën prej 120 mijë eurove në këmbim të shtëpisë, kishte makinë tip “Benz”, ngjyrë gri, me targa amerikane, ndërsa ka goditur me grusht çiftin Simo, Jovankën dhe Llukanin në kokë. Por, persona në fjalë, kanë goditur duke gjakosur edhe djalin e tyre, Stavri Simo. Menjëherë, është njoftuar policia nëpërmjet numrit 19, që është vënë në dispoziocin për qytetarët, të cilët janë përgjigjur menjëherë dhe na kanë shërbyer shumë mirë.
SOt