Vdekja e Kosta Trebickës, ka ardhur nga një aksident i pastër, ky është rezultati me të cilin ka dalë eksperti amerikan i hetimit të aksidenteve Kevin Teter. Prokuroria e Përgjithshme, bën të ditur se raporti i ardhur sot me postë nga Shtetet e Bashkuara të Amerikës arrin në këtë përfundim.

Sipas raportit, makina me të cilën po udhëtonte Trebicka, ka pësuar një kthesë së fortë në anën e majtë, e për pasojë është batuar në anën e djathtë. Raporti i specialistit amerikan auto-teknik nga Virxhinia, ishte rezultati i shumë pritur i hetimit, të vdekjes së dëshmitarit kyç për tragjedinë e Gërdecit.

Në dosjen e dërguar nga SHBA përfshihen analiza mbi fotografitë dhe pamjet filmike të vendit të ngjarjes, pozicionin e makinës dhe kufomës, gjurmët e gomave të mbetura në diametrin ku lëvizi automjeti, si dhe të dhëna mbi këndin dhe shpejtësinë e lëvizjes së makinës.

Start