Prishja e te vetmes banje publike qe ndodhej ne kryeqytet ka sjelle indinjaten e Zyres per Mbrojtjen e Konsumatoreve, se ciles i jane bashkuar edhe qytetare te thjeshte. Protesta e ZMK-se u zhvillua para bashkise se Tiranes, ne hyrjen kryesore, ku elementi baze i performances ishin 99 oturake te lyer ne formen e 7 ngjyrave te ylberit.
Prishja
Sipas drejtorit te Zyres per Mbrojtjen e Konsumatorit, Altin Goxhaj, banjoja e fundit ishte ajo prane “Partizanit te Panjohur”, e cila ndonese ne kushte skandaloze, i sherbente punetoreve ditore qe qendrojne cdo dite, mes dhimbjes dhe varferise, per te punuar per nje cope buke per familjen. Protesta e ZMK-se, synonte pikerisht per te sensibilizuar qytetaret e Tiranes dhe pushtetaret lokale per absurditetin e kesaj situate unike ne bote, per nje realitet ekstrem ne te cilin po e zhyt kryetari i baskise, qytetin tone. “Tirana eshte kthyer ne qytetin ku cdo meter katror publik po i jepet privatit per pallatizim, ne qytetin ku sipas planit bashkiak nuk do te kete me asgje publike, por vetem private”, deklaroi dje Goxhaj. Sipas tij, Tirana “meriton” te futet ne librin “Guiness”, si kryeqyteti i vetem ne Bote qe nuk ka nje banjo publike. “Kryetari Bashkiak me i votuar ne internet tashme do te mbahet mend dhe si Kryetari Bashkiak i vetem ne bote qe e kane lene qytetin e tij pa asnje banjo publike. Tashme e vetmja banjo publike ne Tirane ndodhet ne bashki, e cila padrejtesisht mund te perdoret vetem nga kryetari Rama”, tha Goxhaj ne fjalen e tij.
Absurdi
Ne fakt, banja e cila u prish pak dite me pare ne kuader te kthimit te zones prane Partizanit te Panjohur ne lulishte, ishte e vetmja ne Tirane. Per te, kujdeseshin njerez te papune, te cilen e jepnin me “qira” ne kembim te 20 lekeve, te cilen e merrnin per mirembajtjen e tyre. Ndersa me prishjen e saj, tashme qytetaret nuk kane se ku t’i kryejne nevojat personale. Te pyetur se c’mendojne ne lidhje me kete veprim te ndermarre nga bashkia, disa prej qytetareve jane shprehur se nese do te kene nevoja te tilla, do te detyrohen te hyjne ne lokal per te perfituar “sherbimin”. Por, nje pjese e tyre jane shprehur se nuk kane mundesi te frekuentojne lokalet, qofte edhe ne raste shume te rralla, pasi jane te papune. Monumenti i themeluesit te Tiranes, Sulejman pashe Bargjini, eshte hequr nga vendi ku qendronte prej disa vitesh. Busti eshte zhvendosur pothuajse 20 metra me larg dhe do qendroje aty perkohesisht deri ne perfundim te rikonstruksionit te rruges, ne vendin e njohur si “Ushtari i Panjohur”, pikerisht aty ku ndodhej banjoja e vetme.
“Dhurata”
Drejtori i ZMK paraqiti oturakun e 100-te, te lyer me ngjyrat e ylberit te cilen premtoi se do t’ia dhuroje Kryetarit te Bashkise se Tiranes per te plotesuar mozaikun ylberist te qytetit sepse, sipas tij, tashme nuk ka asnje banje publike per t’u lyer.
99 Oturake Te lyer ne formen e 7 ngjyrave te ylberit ka paraqitur Zyra per Mbrojtjen e Konsumatorit ne para godines se bashkise se Tiranes. Kjo, ne shenje proteste ndaj prishjes se te vetmes banje publike ne kryeqytet.
1 Banjo Publike ekzistonte deri para pak ditesh ne Tirane. Sipas drejtorit te Zyres per Mbrojtjen e Konsumatorit, Altin Goxhaj, Shqiperia duhet te futet ne librin “Guiness”, si shteti i vetem, kryeqyteti i te cilit nuk ka nje banje publike.
Blendi Salaj