Xhemil Beharaj
E Diele, 19 Tetor 2008

FIER-Presidenti i PAD-se, njeheresh nenkryetari i Parlamentit Neritan Ceka, eshte shprehur kunder deklaratave te opozites per ceshtjen "Fazllic". Teksa ka marre pjese mesditen e djeshme ne ceremonine e promovimit te nje libri ne biblioteken e qytetit, nuk ka kaluar pa komentuar debatin me te fundit qe solli dhe reagimin nderkombetar. "Fazllic u amplifikua shume ne Shqiperi. U amplifikua si nga media ashtu edhe nga opozita ne Parlament. Tashme eshte bere e tradites qe kur ke pushtet, te afrohen shume biznesmene te huaj te cilet premtojne se do te kryejne shume investime ne Shqiperi. Nga keta 100 qe mund te afrohen 80 prej tyre dalin mashtrues", ka qene deklarata e djeshme e Cekes per gazeten "Koha Jone". Ai ka nenvizuar se nuk mund te paragjykohet Berisha pse ka njohje apo ka pasur ne zyren e tij Fazllic, pasi sipas tij, cdo politikan kur shkon diku dhe ulet per te pire nje kafe, i afrohet dikush dhe i thote se deshiron qe te pije nje kafe me te. Ceka nenvizon se nuk mund te refuzohet nje kafe. "Kjo s'do te thote se po pive kafe me dike qe lakohet per keq, ti si politikan ke marredhenie interesi me te, ne nje kohe qe s'mund ta njohesh fare ose mund te kesh pire vetem nje kafe dhe dikush te ka bere nje foto me te", ka argumentuar thjeshte kreu i PAD, Neritan Ceka. "Nuk mund te paragjykoj median per ato qe shkruan pasi kur perballen me ligjin e dine ato nese kane apo nuk kane dokumente per ato qe thone e qe shkruajne. Per kete ato e mbajne pergjegjesine vet", tha ai. "Ceshtja e Fazllic u amplifikua shume edhe nga opozita ne Parlamentin shqiptar. Nga njera ane iu be mire, pasi ne kohen qe Sali Berisha ishte ne opozite keshtu i ka trumbetuar drejtuesit e pozites ne ate kohe, keshtu i ka amplifikuar gjerat, keshtu qe po i kthehet restoja ne nje fare menyre. Nga ana tjeter Rama s'mund te trumbetoje me te madhe njohjet e Fazllic me kryeministrin Berisha pasi ai tashme ka dore edhe tek parkingu nentokesor qe do te ndertohet ne lulishten qendrore ne Tirane, apo edhe ne ndertime te tjera", ka qene deklarata e Cekes, teksa ia eshte kthyer temes se akuzave ne drejtim te kreut socialist, Rama. Ceka ka pohuar me poshte per gazeten, nje pervoje dhe rast nga jeta personale. "Kam marre nje pale shtepi ne nje pallat. Kur e mora, ishte shume mire nderkohe qe tani nga te gjitha anet me kane mbytur pallatet shume kateshe dhe kur kete gje ia kam thene Rames me ka pohuar se lejet e ndertimit jane dhene para tij, nga paraardhesi i tij. Por kush i beson keto?!" , ka pohuar ai per gazeten "Koha Jone", teksa ka menduar t'i ekuilibroje akuzat mes Berishes dhe Rames.