Nga Reuters

Prokurorët i kanë kërkuar Gjykatës së Kombeve të Bashkuara që të dënojë ish-kryeministrin e Kosovës, Ramush Haradinaj me 25 vjet burg, për krime kundër njerëzimit, të kryera gjatë lufës me forcat serbe në vitin 1998-1999.

Haradinaj, një ish komandant rajonal kosovar, i Ushtrisë për Çlirimin e Kosovës, dha dorëheqjen pas ngritjes së akuzave nga gjykata e KB për vrasje, përdhunim dhe tortura, të kryera nga forcat që ai kishte komanduar.

Ai doli në gjyq marsin e vitit të kaluar, së bashku me Idriz Balajn, komandant i “Shqiponjave të Zeza”, një njësi speciale e UÇK, dhe Lahi Brahimaj, daja e tij dhe një shok i ngushtë.

Në seancën e dhënies se pretencës, prokurorët thanë se faktet kundër të treve janë të pakundërshtueshëm.

“Haradinaj, Balaj dhe Brahimaj kanë marrë pjesë në mënyrë entuziaste në akte të përbashkëta kriminale dhe janë fajtorë për krime kundër njerëzimit, përfshi persekutimin dhe vrasjen, si dhe dhunimin e ligjeve të luftës,” thuhet në pretencën e tyre. “Dënimi që kërkohet është nga 25 vjet burg për secilin.”