Fyhreri Rama modeli europian për freshistët

Fyhreri Rama modeli europian për freshistët

Thursday, 17 January 2008

Fyhreri Rama modeli europian për freshistët Rama_edi_5

Nga Enver Reçi - Më në fund, ajo që disa analistë politikë të pavarur, patën deklaruar se ‘filozofia autentike e re’, e Edvin Ramës është një paçavure dhe grumbuj idesh tejet të rrezikshme, u shfaq hapur në festimet e 16-vjetorit të FRESH-it, por me tipare të reja edviniste. Tribuna e këtij aktiviteti tregoi që më në fund u gjet çelësi i suksesit ku shqiptarët pa dallim ideje, krahine e feje kanë gjetur më në fund prijësin që si një ‘baba’ i dhembshur, si Fyhrer i tipit modern, e të veçantë;me ‘britma, djersë e anatema shpesh i frikshëm, deklaron me solemnitet prej narcisti, se i përket një geni të papërkulshëm stoik, sikur të kishte përballë batalione gati për marshim mbi Tiranë. Papërkulshmëria, stoiciteti, ulërimat, ishin ftesat që i bënte BE dhe NATO-s, të cilët me modelet sipas tij të vjetruara e të falimentuara, do vijnë në Shqipërinë tonë për ta evropianizuar atë. Këtë fodullëk ekstrem nuk e ka guxuar deri më sot as kush, por e shpalos ky ‘politikan’ i ri, urlator mazokist që përplaset nëpër tribuna, në sajë të stimuluesve të fazës dhe jo të logjikës. Tashmë, të gjithë socialistët, tani që kanë zgjedhur në krye (kështu e dinë ata që është zgjedhur) një njeri që nuk na qenka politikan, por një specie e veçantë e llojit të fortë, të papërkulshëm. Burracak, dhe i padenjë për të qenë kryetar i asaj partie sepse që kur kërkoi të konkurrojë duhet t’u thoshte kongresmenëve që nuk drejton si politikan. Në një sallë, e cila u mbush me të rinj, pas dy orësh sipas orarit të caktuar, e që asnjë nuk mund të thoshte që atje të gjithë ishin freshistë, ai iu drejtua dhe abuzoi me dëshirën e atyre të rinjve, që kishin ardhur të dëgjonin politikanin, dhe politikën e re Edviniste. Këta të rinj fatkeqësisht, dëgjonin si do hynin në Evropë, jo me politikë të evropianizuar, por me forcë, papërkulshmëri, aksion. Nga ky “KING KONG”, modern bile, mësuam që pas 17 vjetësh pluralizëm nuk ka më dallime e kurthe të djathta e të majta por i gjithë populli do bashkohet rreth Edi Ramës dhe lidershipit të PS. Pra, pluralizmi në Shqipëri është në fazën e kapërcyer. Ky lidership tashmë i kthyer ne një pelte mjedisore, me anë të interesave ekonomike- financiare, lejeve për sheshe ndërtimi, problematike me drejtësinë, ka mbledhur rreth vetes një grup njerëzish me rrugë antidemokratike e antistatuore, njerëz pa kolonë kurrizore, e lolo me fustanellë të kryeministrave të mëparshëm. Ky moral, i pështirë për qëllime personale dhe aspak të sinqerta nuk sjellin as evropianizim, e as demokraci të thellë por përgatisin një të ardhme të zymtë në PS. Tashmë ka ardhur koha që sa më parë anëtarët të fusin duart në mendjen e sëmurë të njeriut të fortë, aq më shpejtë do sjellin PS në rrugën e saj demokratike. Njerëzit tashmë me atë që panë në maskaradën e 15 Janarit kanë të drejtë të jenë vigjilentë dhe të rikujtojnë shprehjen në dramën e Artur Millerit, “Artur Ui” se, “barku që atë e polli ende nuk është shterpëzuar”.

Fyhreri Rama modeli europian për freshistët

Fyhreri Rama modeli europian për freshistët

Fyhreri Rama modeli europian për freshistët :: Komentet