Gjate muajve te fundit nga strukturat e kontrollit te ISKSH-se, jane ushtruar kontrolle mbi vleresimin dhe zbatimin e kontratave me Qendrat Shendetesore. Kontrolli eshte perqendruar ne rajone, e planifikuar per kontrolle sipas planit vjetor dhe qe zene peshe ne shpenzimet e rimbursimit dhe te financimit te kujdesit paresor. Pikenisjet e ketyre kontrolleve kane qene gjithashtu edhe ankesat e qytetareve ne lidhje me sherbimet shendetesore. Masat qe jane rekomanduar si pasoje e shkeljeve qe jane konstatuar lidhen me heqjen e nje dite pune, per gjithe personelin e Qendres Shendetesore ne Gjirokaster dhe mase disiplinore "Verejtje" per drejtoreshen e Qendres. Ne nje qender ne Gramsh, nje mjek per muaj me radhe nuk shkonte ne pune. Ndaj ketij mjeku u rekomandua masa "Nderprerje kontrate individuale". Ne disa qendra shendetesore te rrethit Kruje, Gramsh dhe Puke, u konstatuan mungesa te personelit mjekesor, ku jane rekomanduar masa disiplinore "Verejtje" per tete mjeke te pergjithshem dhe te familjes dhe ndaj pese infermiereve. Ne total, per kater muajt e fundit, nga Drejtoria e Kontrollit te Jashtem jane rekomanduar masa per qendrat shendetesore: Masa disiplinore "Largim nga detyra si drejtore", per Qendren Shendetesore Delvine dhe Dushk, "Nderprerje kontrate" per nje mjek ne Gramsh, "Verejtje me paralajmerim per pushim nga puna" per mjekun e Qendres se Dushkut, "verejtje" per tete mjeke dhe pese infermiere, "Heqje e nje dite pune", personelit te Qendres se Sarandes, masa administrative ndaj 25 mjekeve ne masen 146 mije leke dhe masa zhdemtimi ndaj 13 mjekeve ne vleren 51 118 leke.

Braktisja

Braktisja masive e vendit te punes duket se ka tronditur Qendrat Shendetesore, sidomos ato qe jane ne zona te thella. Nese nje pacient do te kishte ndonje urgjence, atehere ai do te rrezikonte jeten, pasi askush nuk gjendej atje qe ta ndihmonte. Ky fenomen eshte i perseritur pothuaj kudo.

Kartela

Keqadministrimi i karteles se pacientit i verejtur ne shume Qendra Shendetesore, eshte mjaft me rrezik. Kjo sepse historiku i te gjithe trajtimeve te pacientit do te ndihmonte per shpetimin e jetes ne rast rreziku. Keto mangesi u verejten edhe ne kartelen e pacientes qe vdiq nga bajamet.

Abuzimi

Ne shume raste jane leshuar barna me rimbursim pa kryer nje sere ekzaminimesh te rendesishme qe jane mbeshtetese te diagnozes dhe sherbejne si tregues te vleresimit te gjendjes shendetesore te pacientit, per diagnoza si astma bronkiale, insuficience kardiake kronike, diabet melitus, etj.

50 Numri I mjekeve qe u jane nenshtruar rekomandimeve per masa ndeshkimore. Shkeljet e tyre jane provuar konkretisht dhe jane studiuar nga afer prej inspektoreve. Me problematike ka qene abuzimi me barnat qe jepeshin pa rimbursim, nderkohe qe ishin ne listen e barnave te rimbursueshme.

4 Muaj Kane zgjatur kontrollet e imeta te Institutit te Sigurimeve te Kujdesit Shendetesor. Nje ndihme te madhe per zbulimin e abuzimeve kane luajtur edhe pacientet me ankesat e tyre, te cilat ne pjesen derrmuese te rasteve, jane vertetuar nga inspektoret qe jane marre me kontrolle.
Koha Jone