Tiranë-Miratimin nga ana e pozitës mbrëmjen e shkuar të ligjit për hapjen e dosjeve, Këshilli i Evropës e ka cilësuar të nxituar kalimin e tij në Kuvend. Sekretari i Përgjithshëm i këtij Këshilli Terry Davis mendon se ligji i propozuar dhe i miratuar vetëm me votat a mazhorancës, është një ligj që do të shkaktojë më shumë padrejtësi se sa do të rregullojë situatën.

Devis theksoi se ligji në fjalë, i njohur ndryshe si ligji i lustracionit ka terren për tu shqetësuar.

“Nuk iu la kohë e mjaftueshmeve mbështetësve që të sqaronin se përse një ligj i tillë është i nevojshëm pas gati dy dekadave nga rënia e regjimit komunist. Vetëm faktori kohë krijon terren për t’u shqetësuar se ligji do të shkaktojë më shumë padrejtësi sesa do të korrigjojë padrejtesitë e bëra atë kohe"-theksoi Devis.

Start

Tiranë -Kryetarja e Kuvendit Jozefina Topalli, deklaroi sot se ligji i miratuar mbrëmjen e shkuar për pastërtinë e figurave publike dhe të administratës është i krijuar mbi standardet evropiane, dhe veçanërisht ato të Strasburgut. Deklaratat e Topallit erdhën pas takimit me zëvendës ambasadorin e OSBE-së në Tiranë. “S’ka kushtetutë që vesh krimet me imunitet”-theksoi ndër të tjerash Topalli, ndërsa shtoi gjithashtu se asnjë kushtetutë nuk mban mandate mbi krimet e kryera. Kryetarja e Kuvendit ka premtuar se ligji i ri i lustracionit, do të zbatohet me transparencë të plotë.

Aktualiteti politik shqiptarë është përfshirë në deklarata të “nxehta”, ku shkak është bërë miratimi i ligjit të spiunëve. Opozita e ka kundërshtuar këtë ligj, e në të njëjtën linjë kanë qenë edhe ambasada amerikane në Tiranë dhe Këshilli i Evropës.