Studentja: Pse u bëra prostitutë?Shteti dhe shoqëria shqiptare, duhet të alarmohen për gjendjen sociale-ekonomike të studentëve



Nga Gjergj Golemi

Mjaftoi dalja në shtyp e një libri

të një studenteje franceze, me

titullin ; "Studimet e mia të dashura", që të tronditej i gjithë opinioni shoqëror në Francën e qytetërimit Europian. Nëpërmjet faqeve të këtij libri, (përshkruhej jeta reale e një studenteje për sakrificat deri në "poshtërim" të dinjitetit femërorë). Lexuesi francez u njoh me kalvarin e vështirësive të panumërta ekonomike të autores studente, të cilat e "imponuan" vajzën të prostituonte për të përballuar koston e lartë të studimeve. Ajo deklaron, se sikundër ajo, ka me qindra vajza që rrjedhin nga familje me të ardhura mesatare mujore, të cilat e kanë të pamundur të mbulojnë shpenzimet e studimit në universitete. Por kur flasim për një dramë të jetuar sociale, e cila nuk paraqitet e vetmuar, por tipike publike dhe e përsëritur në mijëra raste atje. Po tek ne në Shqipëri, që standardi jetik është më i ulët se në Francë, sa vajza e kanë shkruar ose, janë duke shkruar libra me fatet e tyre gjatë viteve të "studimeve të dashura"?! Sigurisht, ne nuk duam as të bëjmë thjesht paralelizma dhe as të shpifim për askënd, studente apo studentë në vendin tonë. Por, me këtë rast është momenti që të apelojmë tek opinioni publik shoqëror, shteti, familjet, OJF, si dhe vetë studentët; për më shumë kordinim dhe investim, për edukim, ndihmë të vërtetë ekonomike për përballimin e kostos së jetës studentore, pasi vetëm kështu kemi fituar të gjithë, duke luftuar vesin e mbjellë virtytin aq të domosdoshëm për dinjitetin e një populli. Se kush nga ne, mund të sjellë drama edhe më drithëruese, kur shitet dinjiteti për një hamburger, për një kërcim në pub, për një shëtitje me një makinë luksoze etj, etj. Pra, të gjithë ne këtu jetojmë, shohim dhe dëgjojmë... se si shpërdorohet liria, se si miklohet rinia dhe shteti e shoqëria jonë, dhimbjen që shkon deri në ashtë, nuk e ndjejnë dhe s'alarmohen si në Francë, e cila është e përfshirë sot në ethet e vetëgjykimit të saj.