Kosova, me 6 shkurt e pavarur


E Enjte, 24 Janar 2008

Kosova me 6 shkurt do te shpalle pavaresine. Lajmin e publikoi dje Radio Kosova, duke iu referuar burimeve te aferta me kabinetin e Hashim Thacit. Sipas tyre, vendimi vjen ne bashkerendim me Uashingtonin dhe Brukselin. Ne baze te informacionit te marre, me 6 shkurt deklarata per pavaresi do te miratohet nga Parlamenti i Kosoves, pas se ciles do te pasoje njohja nga shtetet tjera. Nderkaq, burime diplomatike per agjencine e lajmeve "Beta" thone se, nje opsion per Kosoven do te mund te jete qe Parlamenti ne Prishtine me pare te aprovoje "deklaraten per synimin" e shpalljes se pavaresise, ndersa vendimi per pavaresi te shtyhet per me vone.

Hashim Thaci dje ka qendruar ne Bruksel per bisedime me zyrtare te larte te Bashkimit Evropian dhe NATO-s. Ai sqaroi se Kosova eshte gati, e bashkuar dhe e pergatitur per statusin. "Ne do ta shpallim pavaresine sa me shpejt qe te jete e mundur. Cdo gje do ta bejme ne bashkepunim dhe ne bashkerendim me partneret tane ne Uashington dhe Bruksel dhe mendoj se ky vendim eshte i domosdoshem", siguroi Thaci. Ne Bruksel, Kryeministri po zhvillon takime me komisionerin per zgjerimin e BE-se, Olli Rehn, shefin e politikes se jashtme, Havier Solana, sekretarin e Pergjithshem te NATO-s, Jap de Hop Shefer, dhe diplomatin holandez, Peter Feith. Ky i fundit eshte zgjedhur per te kryesuar misionin e Bashkimit Evropian ne Kosove.

Sakaq, dje, duke folur ne Forumin Ekonomik Boteror ne Davos te Zvicres, Kryeministri i Shqiperise Sali Berisha tha se pavaresia e Kosoves do te jete e koordinuar, si kusht qenesor per paqen dhe stabilitetin ne rajon. "Une jam i bindur se ata qe kane frike nga reagimet e Serbise apo sjelljen e saj, do ta kuptojne se kjo do te jete ndihma me e mire edhe per Serbine, sepse do ta beje ate te shkeputet sa me shpejt nga e kaluara e saj kolonialiste", shtoi shefi i qeverise se Tiranes. Ed.Ku

Koha Jone