Regjisori Fatmir Koci do te tentoje konkurrimin e denje ne edicionin e 37-te te Festivalit te filmit te Beogradit me krijimin e tij, qe eshte mbeshtetur mbi nje fabul te Kadarese. Deri me tashti eshte shfaqur ne trevat kryesore shqiptare duke marre fjalet me te mira



"Koha e Kometes" e Fatmir Kocit do te konkurroje me festivalin e 37-te te filmit ne Beograd, qe do te zhvillohet nga 20 shkurti dhe deri me 1 Mars 2009. Festivali do te kete ne konkurrim filma nga 9 shtete. Nga renditja, qe mund te ndiqet ne sitin zyrtar te Festivalit, shikohen, qe jane disa nga filmat me te njohur ne Bote, ku madje jane edhe kandidatet per Oscar e Golden Globe Winners. Por konkurrimi eshte shume specifik dhe do te kete vetem pjesemarrjen e vendeve jashte Evropes, kuptohet me bashke-prodhime natyrisht.

Filmi "Koha e Kometes", eshte realizuar nga regjisori dhe skenaristi Fatmir Koci dhe eshte i mbeshtetur mbi motive te novelezes "Viti i Mbrapshte". Ai ka qene premiere per publikun e Durresit ne sallen e Teatrit "Aleksander Moisiu" me 23 gusht te vitit 2008 per cmimin "Gladiatori i Arte". Pavaresisht mungeses se kritikes se specializuar, premiera ka qene nje kulmim i filmave te fundit shqiptare edhe nje rikthim i padiskutueshem i nderit te saj. Cast-i i aktoreve te saj ka pasur gershetimin e disa artisteve me pervoje dhe debutuesve. Regjisori Fatmir Koci i ka besuar Blerim Destanit rolin kryesor dhe pastaj Cun Lajcit, Luan Jahjes, Marsela Lushes, Xhevdet Ferrit etj, rolet e tjera. Thuhet se Koci i ka mbyllur xhirimet e filmit me te kushtueshem te historise se kinematografise shqiptare ne nisje te vjeshtes se vitit 2007. Me plot 2.5 milione Euro. Nje film, qe ka qene enderr per realizimin nga ana e Kocit dhe krejtesisht me nje look nderkombetar per sa i perket produksionit te tij. Ai ka qene bashkeprodhim me Kompanine gjermane "LARA Enterprises", producent i te cilit eshte Alan Mixhic, me origjine nga Bosnja. Koci ka preferuar qe t'i realizoje xhirimet ne mes te Maqedonise dhe Veriut te Shqiperise. Kamera eshte e jashtezakonshme dhe e ndjek ne menyre te perkryer aksionin e regjisorit. Ku shquhet nderthurja e mrekullueshme e muzikes me elementin koreografik. Nje pune e jashtezakonshme per te zberthyer filmin ka qene e drejtorit irlandez te fotografise Donal Gilian. Ky i fundit, qe ka punuar ne filmin e Stiven Spilbergut tek "Shpetoni ushtarin Rajan", si asistent i pare i drejtorit te fotografise( dhe ne klipe te shumta muzikore me grupin e njohur "U2"), permes vendosjes fantastike te kameras ka lehtesuar dhe konceptin e autorit dhe deri diku patetizmin e tepruar, qe nuk i shpeton aktoreve. Nje gjetje interesante e Kocit eshte roli i Dylberit te Kus Babait dhe dyluftimi psikologjik, qe ben nga ana tjeter-per ta pasur te tille dhe personazhin kryesor. E nderthurur me nje motiv lirik, ku nje vajze qe shkon murgeshe, fati e sjell te bashkohet me Shestanin mysliman, filmi duket se e permban te gjithe emocionin e mundshem. Ne kete cast qendron organikisht dhe artisti gjerman Tomas Haince, ne rolin e Princ Vidit. Muzika eshte realizuar nga kompozitori shqiptar qe jeton ne Hollivud, Aldo Shllaku, ndersa marrin pjese edhe aktoret nga Maqedonia, Vllado Jovanovski, aktorja Naomi Valeska (mbreteresha Sofi), qe duket se jane integruar mire. Nje tjeter emer qe ia vlen te permendet eshte ai i Ralf Muler, i cili ka marre pjese ne produksionin e filmit te njohur "Gladiatori". Per Blerim Destanin ne rolin e Shestanit, por edhe si co-producent i filmit duhen thene fjalet me te mira per impenjimin dhe respektin e madh ndaj rolit. Filmi ka shume thyerje dhe nje objekt te percaktuar mire. Ai eshte nje mozaik, mes habise para tabelave te ndryshme, qe gjithmone cuditerisht njesiti i vogel i gjen ne te njejtin vend dhe qe tregojne formacione organizmi shqiptaresh gjithefarellojesh. Duhet thene se regjisori eshte treguar shume i kujdesshem dhe ne perplasjen e religjionit. Me shume se sakrifice, ai ka treguar se religjionin shqiptaret e shikojne si nje akt per t'u prehur perkohesisht. E perkryer zgjidhja, por me shume koncepti i autorit, per te treguar mentalitetin e shqiptareve. Gezojne ne pamundesi dhe nuk u ben pershtypje e kobshmja. Duket se i gjithe jeta e tyre eshte nje qerthull, ku kobi dhe hareja jane fare afer.

Filmi, sipas organizatoreve- eshte derguar ne disa vende te Evropes, Azise dhe Amerikes, nderkohe qe nuk eshte pranuar ne Festivalin e Venecias ne Itali. Filmi ka qene premiere edhe ne Prishtine me 2-3 shtator dhe me pas ka udhetuar drejt Maqedonise per tu rikthyer ne Tirane. B.an
Koha Jone