KLD shkarkon Gabajn, cenoi gjyqesorin

Redinalda Caushaj
E Premte, 01 Shkurt 2008

Keshilli i Larte i Drejtesise shkarkon nga te gjitha funksionet kryetaren e Gjykates se Apelit Vlore, per shkelje te renda ne detyre. Gjenovefa Gabaj, edhe pse e perfaqesuar me avokat gjate diskutimeve qe zgjaten per mese tete ore diten e djeshme, ka humbur postin pas votimit te anetareve me rezultatin tete vota pro shkarkimit dhe tre kunder. Nderkohe qe per dy gjyqtaret e tjere te Vlores, Vasil Hanxhari dhe Sokol Ngresi, Keshilli vendosi te diskutoje ne nje mbledhje tjeter pa caktuar date. Debate te ashpra pasuan mbledhjen qe pati iniciative propozimin e ministrit te Drejtesise, Enkelejd Alibeaj, per shkarkimin e pese gjyqtareve, kater ne Vlore dhe nje ne Tirane. Dje ne rendin e dites eshte perfshire diskutimi per Gabaj, Hanxharin e Ngresin, por vetem e para eshte votuar per largim, megjithese pati kontestime.

Per tete ore me radhe anetaret e KLD-se kane shqyrtuar te gjitha rastet e shkeljes se kryetares se Gjykates se Apelit Vlore, duke vendosur rreth ores 19:30 edhe shkarkimin e saj. Gjenovefa Gabaj, e cila eshte paraqitur se bashku me avokatin mbrojtes, nuk ka mundur dot te hedhe poshte akuzat per shkeljet. Dosja e cila eshte paraqitur ne mbledhje mesohet se ka patur nje numer te madh faqesh me shkeljet e evidentuara nga inspektoret e Ministrise se Drejtesise. Por pasi u degjuan te dyja palet, vete Gabaj dhe ministri i cili ka depozituar shkarkimin e saj, anetaret e KLD-se votuan per shkarkimin me tete vota pro dhe tre kunder. Motivacioni per shkarkimin ishte "cenimi i integritetit te gjyqesorit".

Shkarkimi i ish-kryetares se Gjykates se Apelit Vlore u be pas nje inspektimi ne kete gjykate nga ana e Ministrise se Drejtesise dhe njekohesisht pas raportit te OSBE-se, i cili parapriu edhe kerkesen e ministrit Enkelejd Alibeaj. Mbedhja e djeshme e KLD-se u drejtua nga nenkryetari Kreshnik Spahiu, i cili hodhi ne shqyrtim kater pikat e rendit te dites. Ne kete rend u perfshine edhe diskutimet e shkeljeve te tre gjyqtareve. Nderkohe qe vetem hedhja ne diskutim e shkeljeve rast pas rasti te Gjenovefa Gabaj, i ka kushtuar keshillit 8 ore kohe. Ne mbledhjen e radhes do te diskutohen propozimet per procedim disiplinor ndaj dy gjyqtareve te tjere te Gjykates se Apelit Vlore, Vasil Hanxhari dhe Sokol Ngresi.

Iken edhe Musta i Elbasanit

Mbledhja e Keshillit te Larte te Drejtesise ka patur edhe zhvillime te tjera diten e djeshme. Ndersa jane lexuar dy prej kerkesave te bera ne institucion, eshte miratuar largimi nga detyra i kryetarit te Gjykates se Rrethit Gjyqesor Elbasan, Bujar Musta. Vetem dy dite me pare Musta ka dhene doreheqjen e parevokueshme, pasi ka fituar llotarine amerikane dhe do te largohet me familjen e tij. Nderkohe qe keshilli vendosi qe puna ne kete gjykate te vazhdoje normalisht dhe deri ne emerimin e nje kryetari te ri, te jete zevedneskryetari aktual drejtues i institucionit. Po dje keshilli ka miratuar nje leje 6 mujore per gjyqtaren Brunilda Kasmi, e cila eshte shprehur se ka probleme familjare.