Artan Cena
ABRUZO - Shenohet viktima e pare shqiptare ne Itali. Vajza 5-vjecare me emrin E. Boshti eshte gjetur ne oret e vona te mbremjes se djeshme. E mitura eshte gjetur gjate kontrolleve te shumta qe po behen per te gjetur personat e zhdukur. Nderkaq qe nuk ka informacione ne lidhje me prinderit e vajzes shqiptare. Ata jane shpallur te zhdukur qe ne mengjes, por kishte shpresa qe te gjendeshin te gjalle. Forcat qe jane ne terren shpresojne te gjejne gjalle prinderit e shqiptares. Nderkaq qe dhe kater persona, shqiptare nga Maqedonia, emigrante ne Abruzo prej disa vitesh, kane gjetur vdekjen gjate dites se djeshme. Sipas Ambasades se Maqedonise ne Rome, kane humbur jeten; 44-vjecari Refik Asani, Valbona Osmani 13 vjec dhe Alejna Zejnulla 11 vjece. Emri i personit te katert deri tani nuk eshte bere i ditur. Kater viktimat kane jetuar ne qytetin italian Aquila, ku ka qene edhe epiqendra e termetit. Nderkaq qe Ministria e Brendshme italiane dhe ajo e Mbrojtjes nuk njoftojne per viktima mes emigranteve shqiptare, nga termeti qe goditi Italine diten e djeshme. Ne zonen e Abruzos jetojne rreth 40 mije emigrante shqiptare.

Deshmite

"Ne oren 3:32 minuta te mengjesit, nje zhurme dhe nje tronditje e madhe beri qe te coheshim te gjithe dhe te dilnim jashte. Nga ora 3:30 deri ne oren 5:30 kur eshte gdhire, qendruam ne nje shesh te madh, se bashku me qindra qytetare te tjere, per t'u rikthyer me pas ne shtepite tona". Keshtu ka deshmuar gjate dites se djeshme, sopranoja e njohur shqiptare Lindita Hisku, e cila jeton tashme prej 11vitesh ne Sulmona te Italise, rreth 55 kilometra larg epiqendres se termetit. "Ne Sulmona, tregon ajo, ka disa qindra familje shqiptare, por ketu nuk ka pasur deme ne njerez, vetem deme te lehta materiale". Nje emigrant tjeter kosovar, Besmir Berisha, qe banon ne Bugnara, ne provincen e Aquilas, thote se ne qytetin e tij nuk ka viktima te qytetareve shqiptare, por vetem deme materiale. Nga burimet e medias italiane eshte bere e ditur se, eshte gjetur trupi i pajete i vajzes 5-vjecare nga Shqiperia, nderkohe qe deri ne oret e vona te mbremjes se djeshme nuk ishin gjetur prinderit e se mitures. Forca te shumta te shpetimit kane kerkuar gjate gjithe nates per te bere te mundur gjetjen e tyre. Shqiptaret

Nderkohe qe Italia mbulohet ne zi, me qindra te vdekur, dhjetera te humbur e mijera te plagosur nga fatkeqesia natyrore, edhe shqiptaret perjetojne me ankth keto momente. Te shumte jane ata qe interesohen per te afermit e tyre, emigrante ne Itali. Duke iu referuar Agjencise se Statistikave italiane mesojne se, ne zonen e goditur nga termeti ne Aquila, jetojne 1.325 shqiptare rezidente, ndersa ne gjithe rajonin e Abruzos, sipas te dhenave zyrtare jane 11.500 banore me kombesi shqiptare, ose 19.3 per qind e gjithe popullates. Deri ne oret e vona te dites se djeshme ishte raportuar nje viktime shqiptare. Ajo eshte vajza 5-vjecare E. Boshti, e cila u gjet e vdekur nga forcat e kerkimit. Kjo eshte viktima e pare shqiptare e termetit tragjik ne Itali.
Koha Jone