FSHF i jep disa opsione. Ai largohet me një shumë eurosh dhe “happy-end”

Gjergj Memo

Komunikimi mes trajnerit dhe
institucionit të futbollit gjithashtu është mohuar, por që në të
vërtetë ai ka qenë i vazhdueshëm, nëpërmjet një personi të
tretë, i cili ka bërë rolin e ndërmjetësit. Ari Han nuk është më
trajneri i kuqezinjve dhe si për ta mbyllur këtë histori, do të
duhej një marrëveshje xhentëlmenësh me presidentin e FSHFsë,
Armand Duka. Federata do t’i japë holandezit një shumë
eurosh, kesh në dorë, sepse ajo që i takon atij deri në fund të
kontratës, kurrsesi që nuk ka për të ndodhur. Megjithatë, pritet
të jetë një “happy-end”.
I kërkohet dorëheqja
Duke zbardhur komunikimin midis trajnerit dhe FSHFsë,
në ditët pas ndeshjes me Danimarkën, kjo nëpërmjet një
personi të tretë, holandezit i janë bërë të ditura edhe kërkesat.
Së pari, atij i është kërkuar të japë dorëheqjen dhe që të zgjidhet
me mirëkuptim çështja e kontratës. “Nesër (sot) trajneri
do të japë përgjigjen përfundimtare,
sepse ne i kemi ofruar
disa variante në lidhje
me kontratën. Kështu që ai do
të zgjedhë kë dëshiron, pasi
gjithçka ka mbaruar për sa i
përket së ardhmes së tij. Gjithashtu
i kemi kërkuar që javën
tjetër të vijë në Shqipëri
dhe të japë dorëheqjen zyrtarisht
nga Tirana. Ndërmjetësi
ka bërë bisedimet me
Hanin dhe këtij të fundit i
është bërë i ditur vullneti i federatës. Holandezi e di që nuk
do të jetë më trajner i Shqipërisë, pavarësisht se është munduar
të mos e pranojë. Është një heshtje diplomatike, me kompromis
nga të dyja palët”, konfirmojnë burime në federatë.
Qëllimi i federatës
Institucioni i futbollit shqiptar nuk do që të humbasë 102
mijë euro, të cilat i kanë ngelur trajnerit Ari Han pa marrë, në
bazë të kontratës që ka nënshkruar në fillim. Qëllimi i FSHFsë
është të shpëtojë ca para. “Kemi gjetur formën dhe mënyrën
e duhur që mos t’i humbasim të gjitha këto para të mbetura.
Ideja është që federata të fitojë sa më shumë. Ajo kërkon të ulë
pazarin deri në maksimum. Më pas, t’i jepet një shumë holandezit
dhe ai të shikojë punën e tij. Edhe Hani është i
ndërgjegjshëm që nuk ka shanse t’i marrë të gjitha lekët”,
bëjnë të ditur në FSHF. Nga ana tjetër, mësohet se edhe holandezi
ka dhënë opsionet e veta më përpara, për sa i përket
çështjes së kontratës. Ndërkohë, FSHF–ja ia ka bërë të qartë
mundësinë, duke i thënë se, kaq ka në dorë, ndryshe të bëjë
çfarë të dojë dhe ta çojë çështjen në FIFA. Pasi të vijë në Tiranë
dhe të deklarojë dorëheqjen, institucioni i futbollit do t’i japë
atij një shumë parash, shifër kjo që ende nuk dihet.

Rreziku i dënimit, FIFA jep vendimin më 15 prill
Një vendim për sendet e hedhura në fushë në ndeshjen Shqipëri-Hungari,
pritet të merret më 15 prill nga Komisioni Disiplinor i FIFA-s. Lajmi
bëhet i ditur për “Panorama Sport” nga burime pranë FSHF-së, që së
fundmi kanë marrë kontakte zyrtare me institucionin më të lartë të futbollit.
“Këtë herë, zor se shpëtojmë”, tregojnë në federatë. Ka qenë vetë
sekretari i përgjithshëm, Roland Mici, i cili pas ndeshjes me Hungarinë,
ka thënë për gazetën se, pas asaj që ndodhi, nuk dihet çfarë pritet për
Shqipërinë. Ky është një rast i përsëritur dhe që mund të dënohet rëndë,
çka do t’i kushtonte shumë Federatës Shqiptare të Futbollit. Në këtë të
fundit janë me dorën në zemër, duke shpresuar që vendimi të jetë sa më
i ulët. Madje, arrihet deri në atë pikë, saqë thuhet se gjysma e së keqes
do të ishte sikur të luanim pa spektatorë kundër Portugalisë, më 6 qershor
në Tiranë. Kjo, natyrisht, do të ishte “krim” për tifozët shqiptarë, që
këtë herë do të kishin mundësinë të ndiqnin “yjet” e kombëtares luzitane
në “Qemal Stafa”. Por një vendim i tillë, që cilësohet si gjysma e së
keqes, është për faktin se shmanget ndeshja në fushë neutrale. Pezullimi
i fushës do të ishte me pasoja shumë të mëdha për FSHF-në nga
ana financiare. Vlera e një ndeshjeje të tillë kushton dyfish. Frika ekziston,
nisur edhe nga fakti që delegati i takimit Hungari-Shqipëri ka shkruar
gjithë çfarë ka ndodhur. Menjëherë pas golit të hungarezëve, u
hodhën sende në fushë. FIFA këtë herë mund të tregohet e ashpër me
Shqipërinë, nisur edhe nga fakti që kuqezinjtë do të përballen me një
emër të madh të futbollit, si Portugalia. Janë të njohura rastet kur ekipeve
të tilla u janë krijuar kushte lehtësuese për zhvillimin e një ndeshjeje.
Megjithatë, ngelet për t’u parë se çfarë vendimi do të japë disiplinori i
FIFA-s, të mërkurën e ardhshme.