Bashkia e Tiranes me miratim te Keshillit Bashkiak, e ka rritur taksen e pastrimit me me shume se 30 per qind per qytetaret dhe me rreth 20 per qind per bizneset kete vit, krahasuar me 2008. Gjithashtu Keshilli Bashkiak ka votuar rritjen e kesaj takse edhe per vitin 2010 me rreth 10 per qind ne krahasim me vitin 2009, per te gjithe taksapaguesit, duke perfshire edhe familjaret. Tarifat e reja jane publikuar ne faqen zyrtare te bashkise dhe bashke me to, edhe modalitetet per secilen kategori, qe nga familjaret dhe te gjitha llojet e biznesit. Gazeta "Koha Jone" po boton te plota tarifat e reja te bashkise se Tiranes per taksen e pastrimit. Keshtu sipas vendimit te Keshillit Bashkiak, familjaret duhet te paguajne nje takse vjetore per pastrimin, 4.500 leke te reja nga 3.600 leke qe ishte vitin e kaluar. Ndersa vitin qe vjen kjo takse, eshte llogaritur te jete 5.000 leke. Gjithashtu nje biznes i vogel qe ka paguar 20 mije leke takse per pastrimin vitin qe shkoi, kete vit do te paguaje 25 mije leke, ndersa vitin tjeter 300 mije leke te reja. Pagesen me te larte ne kete drejtim e kane firmat e ndertimit, te cilat kete vit do te paguajne 200 mije leke takse pastrimi nga 180 mije qe kishin paguar ne 2008, ndersa ne vitin 2010 eshte parashikuar qe te paguajne 225 mije leke. Tarifes se pastrimit i nenshtrohen te gjithe familjet, personat fizike ose juridike, vendas ose te huaj, qe banojne dhe ushtrojne veprimtari ekonomike ose jo, brenda territorit te bashkise se Tiranes. Tarifa e pastrimit paguhet per cdo njesi ku subjekti zhvillon aktivitetin, dhe eshte tarife vjetore. Per familjaret detyrimi paguhet ne 2 keste. Kesti i pare paguhet brenda dates 30 prill, kesti i dyte paguhet brenda dates 30 shtator. Per cdo familje te krijuar rishtas, afati i pageses se tarifes se pastrimit do te jete 30 dite nga dita e regjistrimit te saj, ne Zyren e Gjendjes Civile te njesise bashkiake. Ndersa biznesi e paguan kete detyrim, brenda dates 20 prill. Afati i pageses per detyrimet e lindura pas dates 20 prill, eshte 30 dite pas lindjes se detyrimit. Per subjektet e regjistruara rishtas, detyrimi tatimor do te llogaritet per cdo njesi ku subjekti kryen aktivitet nga muaji korrent i regjistrimit prane QKR. Per subjektet e ndertimit llogaritja e takses behet per periudhen nga momenti i ngritjes se kantierit te ndertimit, deri ne momentin e dorezimit nga subjekti prane bashkise se Tiranes, te kerkeses per leje shfrytezimi. Ketu perjashtohen kantieret e ndertimit qe perbejne vepra publike dhe financohen nga buxheti i baskise, apo buxheti i shtetit.
koha jone