F.Mejdini
Presidenti francez ka deklaruar dje nje mbeshtetje te forte sic tha, per qeverine shqiptare dhe kreun e saj Sali Berisha. Ne pallatin "Elize", Nikolas Sarkozi, falenderoi Berishen per mberritjen dhe e siguroi se integrimi i Shqiperise ne Bashkimin Evropian eshte i sigurt, madje i afert. Sarkozi nxiti qeverine shqiptare te dergoje aplikimin per vend kandidat te BE, sa me pare, duke theksuar se "nuk do te kete kthim prapa". Kurse nenvizoi se plani per liberalizimin e vizave per shqiptaret, gjen mbeshtetje te palekundur nga Parisi zyrtar, duke rritur shpresat se vendimi per vendin tone eshte ceshtje muajsh.

Sarkozi

Ne pallatin "Elize", Presidenti Sarkozi i shprehu Kryeministrit Berisha mbeshtetjen e fuqishme te Frances per integrimin e Shqiperise ne Bashkimin Evropian. "Shqiperia, ne menyre te qarte, do te jete anetare e BE-se dhe nuk ka kthim mbrapa ne procesin e integrimit te saj ne BE", deklaroi Sarkozi. "Franca, - u shpreh Presidenti, - e mbeshtet kandidaturen e Shqiperise per statusin e vendit kandidat ne BE. Sarkozi u shpreh se te gjitha arritjet e Shqiperise jane plotesisht te merituara, "pasi asnje vend tjeter sa Shqiperia, nuk ka vuajtur nga nje diktature aq mizore". Kurse premtoi se "qeveria franceze do te punoje dore me dore me qeverine shqiptare dhe ju do te keni gjithmone ndihmen dhe mbeshtetjen tone". Presidenti premtoi dhe mberritjen ne Shqiperi: "Se shpejti do te vizitoj vendin tuaj te mrekullueshem dhe do te shoh nga afer ndryshimet e medha te Shqiperise".

Berisha

Kryeministri yne, theksoi faktin se 96 per qind e shqiptareve e mbeshtet integrimin ne BE dhe vleresoi se kjo ben qe ky proces te jete i vazhdueshem dhe i pakthyeshem. Ketu ai beri dhe nje kujtese: Shqiperia eshte nje vend qe ka vuajtur shume nga mungesa e sigurise nder vite. Duke dale nga nje diktature e eger, eshte nje nga vendet qe e ka vuajtur me shume mungesen e sigurise, ndaj anetaresimi ne NATO ben qe Shqiperia te ndertoje lirine dhe demokracine e saj, duke u ndjere edhe me e sigurt", - pohoi Berisha. Ky eshte nje inkurajim i ri per te vazhduar thellimin e reformave dhe ju siguroj, - vijoi Kryeministri - per vendosmerine e qeverise shqiptare per te vazhduar ne kete rruge. Nga ana tjeter, Berisha pranoi se per realizimin e ketyre dy projekte te medha dhe per t'i ndryshuar faqen Shqiperise, jane ndermarre reforma te thella, shpesh here te veshtira, por shtoi se "kjo ishte rruga e vetme qe shqiptaret te shohin te realizuar endrren e tyre per integrimin ne NATO dhe ate ne BE". Sakaq, Berisha premtoi se qeveria do te beje te gjithe hapat e nevojshem qe zgjedhjet te jene te lira dhe te ndershme.
Koha Jone