Socialistët e Korçës kërkuan kandidimin e Ben Blushit për kreun e PS. Petro Koçi mbështet Edi Ramën, pasi ky i fundit e përjashtoi nga partia. Klosi doli sërish kundër LSI, duke kërcënuar me largimin nga kjo parti. Dritan Ylli deklaron se këto janë pazaret e fundit të sekserit Klosi. Gëlbaza Veliaj hodhi sërish gëlbazën e Edi Ramës me gojën e tij të shpifjeve kundër Ilir Metës, e kështu me radhë, epiqendra e lajmeve vjen nga Partia Socialiste, ku dështaku Edi Rama vazhdon të iniciojë sulme dhe kundra-sulme, intriga dhe diversione nëpërmjet të cilave kërkon të largojë vëmendjen nga disfata e turpshme e zgjedhjeve të 28 Qershorit. Tashmë, partia e madhe e socialistëve është shndërruar në një fushë të vogël mesazhesh celulari, ku vërshojnë intrigat dhe pazaret e vogla të Edi Ramës me merkaton e renegatëve dhe prostitutave politike, që shiten e blihen ku me pak para dhe ku me ndonjë leje ndërtimi. Tutori Rama menaxhon situatat duke përcaktuar semaforët, ku do të qëndrojnë këto prostituta politike. Tashmë partia e madhe e socialistëve është shndërruar në një qendër të vogël trajtimi të prostitutave, të cilat lëvizin dhe vijnë sipas pazareve të ofruara nga tutori humbës i socialistëve. Në PS, deputetët presin në radhë për të marrë nga një post në parlamentin e ri, ku dikush kërkon kreun e grupit, dikush kërkon sekretarin e grupit, dikush tjetër kërkon ndonjë komision, mjaft që të kenë mundësi për ndonjë pazar të vogël apo për ndonjë dietë më shumë. Shumë pak mendojnë për fatin e PS. Fati i kësaj partie ka ngelur te fusha e mesazheve të celularit të Ramës. Nga aty lëshohen titujt e faqeve të para të gazetave, të edicioneve të lajmeve, intrigat e radhës për të larguar vëmendjen nga humbja e PS. Dështaku Rama vazhdon të rrudhë PS. Megjithëse në një dorë mban celularin me numrin “272” dhe në dorën tjetër mban pompën e oksigjenit, për të mbushur mushkëritë e tij, Edi Rama po lë pa frymëmarrje Partinë Socialiste, duke e kthyer në një kolos të shembur buzë rrugës, një kolos të kthyer në kërmë që shumë shpejt nuk do i afrohet njeri nga era e qelbur që do të lëshojë. Partia Socialiste nuk ka më seli.

Selia e saj është te Kullat e sekuestruara të Arabit, ku Edi thërret ushtarët dhe prostitutat politike, të cilat venë dhe vijnë sa në një parti në tjetrën, duke shitur veten sa më shtrenjtë të jetë e mundur sipas peshës specifike që kanë në partitë e tyre. Sot, peshën më të madhe e kanë prostitutat që vijnë nga LSI. Ato janë në pjacën më të lartë në tregun e Kullave të Arabit. Dikujt i janë ofruar 45 mijë Euro. Dikujt tjetër një zyrë te Kullat e Arabit, dikush tjetër pret të jetë në kryesinë e radhës së PS dhe kryeprostituta kënaqet me pazarin e majmë që ka marrë nga tutori Rama. Bursa e prostitutave është rritur. Më të preferueshmet janë ato që vijnë nga Partia e Punës. Më pas vijnë ato që kanë ardhur nga fshati. Nuk dinë të shkretat, gënjehen me pak gjë. Pas LSI, mesa duket do vihet në radhë te semafori i Kullave të Arabit edhe ndonjë tjetër nga ndonjë parti tjetër. Sytë janë hedhur nga PSV 91. Socialistët duhet të jenë të lumtur, hynë në qendër të vëmendjes me bursën e kurvave, pavarësisht se humbën zgjedhjet e 28 Qershorit.

SOT