Speciale/Personat që rrinë prapa “kuintave” të qeverisë dhe që kanë një një rol vendimtar në marrjen e vendimeve. Prapa “kuintave” të qeverisë, gjithnjë qëndrojnë disa presona të cilët luajnë rol vendimtarë në marrjen e vendimeve. Çdo nismë, reformë apo miratim nuk e ka fillesën vetëm në fjalën e thënë nga kryeministri. Veprimi më i zgjuar, i çdo udhëheqësi është që të zgjedhë me kujdes këshilltarët e tij, pasi fjala e tyre peshon shumë më tepër se çfarë duket. Kryeministri Sali Berisha merr këshilla nga 15 persona të specializuar në fusha të ndryshme, të cilët përgjigjen dhe japin shpjegime për çdo fushë respektive. Nga këta, 6 janë këshilltare femra, ndërsa pjesa tjetër janë meshkuj. Një veçori e kryeministrit shqiptar është përzgjedhja e një kabineti stabël, në të cilin nuk bëhen lëvizje të herë pas hershme.
Këshilltarët
Duket se deri më tani, çdo fjalë e thënë nga ata ka funksionuar, pasi Kryeministri Berisha sapo ka “korrur” suksesin e radhës në karrierën e tij politike. Berisha ka rreth tij, plot 15 këshilltarë me të cilët diskuton çdo çështje dhe merr mendime për mirëfunksionimin e reformave dhe nismave. Personi që gjendet kurdoherë pranë shefit të qeverisë është zëdhënësja e tij, Juela Meçani, me të cilën diskuton fjalimet, deklaratat etj. Ndërsa këshilltar për Rendin dhe Sigurinë, është Avenir Peka, një figurë stabël në kabinetin qeveritar i cili informon kryeministrin për çdo gjë rreth fushës së tij. Ndërsa për çështjet ligjore Berisha konsultohet me Admir Dragon dhe Ednira Bushatin, të cilët janë të specializuar dhe kanë një kurrikulum mjaft të ngjeshur. Kujtim Xhani mban detyrën e shefit të protokollit në Kryeministri, ndërsa Flamur Kuçi këshillon kryeministrin për çështje të rëndëishme siç janë ato të pronave, të cilat kanë qenë debat i përhershëm në seancat parlamentare. Ndërsa këshillat për çështjet e Integrimit Euroatlantik Berisha i merr nga Glori Husi. Duke qenë se kryeministri i jep prioritet të veçantë çështjeve ekonomike e buxhetit, ai ka zgjedhur të ketë dy këshilltarë ekonomie, dhe të dy me grada, prof. Petraq Milon dhe Suzana Guzhollin. Pjerin Marku është këshilltar për Shoqërinë e Informacionit, Valdete Vorpsi, këshilltare për Bujqësinë dhe Agroindustrinë, Ylli Asllani është këshilltar për Pushtetin Vendor, Enkelejda Gjinali këshilltare për Çështjet e Ujit. Ndërsa si ndihmës të Kryeministrit është Edlira Hyka dhe Edvin Kulluri.
Ndryshimet
Riformatimi i kabinetit të ri qeveritar, përveç ndryshimeve në portofolat ministrore, nuk ka pasur zëvendësime në rang këshilltarësh. Të vetmet ndryshime që kanë ndodhur, janë bërë për shkak të lëvizjes së posteve. Kështu, drejtori i kabinetit të kryeministrit, Arben Imami, ,dha dorëheqjen nga ky post për tu bërë deputet dhe me pas ministër i Drejtësisë. Po ashtu, këshilltari për arsimin, Myqerem Tafaj, tashmë është ministër i Arsimit në qeveri. Këto dy poste për momentin janë vakant, derisa kryeministri Sali Berisha të emërojë emrat e rinj.

Juela Meçani – Zëdhënëse e Kryeministrit
Avenir Peka- Këshilltar për Rendin dhe Sigurinë
Admir Drago- Këshilltar për Çështjet ligjore
Endira Bushati- Këshilltare për Çështjet Ligjore
Kujtim Xhani- Shef i Protokollit
Flamur Kuçi- Këshilltar për Çështje të Territorit dhe Pronave
Glori Husi- Këshilltar për Integrimin Euroatlantik
As.Prof Dr. Petraq Milo- Këshilltar për Ekonominë
Pjerin Marku- Këshilltar për Shoqërinë e Informacionit
As.Prof Dr. Suzana Guxholli – Këshilltare për Ekonominë
Valdete Vorpsi – Këshilltare për Bujqësinë dhe Agroindustrinë
Ylli Asllani- Këshilltar për Pushtetin Vendor
Dr. Ing. Enkelejda Gjinali- Këshilltare për Çështjet e Ujit
Edlira Hyka(Sejdo)- Ndihmëse e Kryeministrit
Edvin Kulluri- Ndihmës i Kryeministrit

Elisabeta Dosku

tirana observer