Nikoleta Kovaçi
[i]Trupi gjykues dëgjon rrëfimin e dëshmitarit lushnjar që u mbajt në garazhin-komisariat
[/i][b]“Më morën për të treguar se ku ishte i fshehur Gramoz Selmani…”
[/b]I rrëmbyeri i 12 viteve më parë prej ushtarëve të Aldo Bares, ka nisur rrëfimin ditën e djeshme para trupit gjykues te Krimet e Rënda me fraza tronditës. “...Pasi më keqtrajtuan më hodhën në një përrua, por aty nuk mbaj mend asgjë se çfarë ka ndodhur”. Adem Arapi, është lushnjari i radhës që dëshmon para togave të zeza tmerret që përjetoi në momentin që u rrëmbye derisa përfundoi në garazhin e famshëm, që atëherë e deri sot, njihet me emrin: Komisariati nr 2 i Lushnjës.
Sipas dëshmisë së tij lushnjari është rrëmbyer me anë të një makine, është lidhur dhe më pas është izoluar në garazh. Aty ka nisur edhe keqtrajtimi, ndërkohë që në sallën e gjyqit ka treguar edhe emrat që kanë qenë present në momentin e rrëmbimit si dhe tregoi se në garazh ka shquajtuer zërin e Leonard Priftit, i cili sipas dëshmitarit ishte në rolin e xhelatit. Njëkohësisht lushnjari tregoi se u rrëmbye prej Ilir Stergut dhe Arben Boriçit.
[b]Kush ishte i kërkuari i bandës Gramoz Selmani?
[/b]Nga rrëfimi i dëshmitarit të djeshëm u mësua se Gramoz Selmani kishte lidhje krushqie me të, ndaj edhe u bë shkak që të ishte personi i duhur për t`i çuar “ushtarët” e Alfred Shkurtit në vendin ku strehohej i kërkuari i tyre. Sipas të dhënave që disponon hetimi, por edhe nga çka është dëshmuar jo pka herë në sallën e gjyqit për Krime të Rënda, është mësuar se Gramoz Selmani ishte shok me Artur Dajën. Nga lidhje kronologjike e ngjarjes, thuhet se kreu i bandës u hakmor ndaj Dajës për vrasjen e vëllait të vet. Skena e vrasjes së Tur Dajës, tregohet si një nga skenat e frikshme që mbart historia e një vendi. Hakmarrja e Alfred Shkurtit për të vëllain, u tha atëherë se nuk njihte kufi, derisa arriti të vriste edhe shokët e viktimës së tij.
Për Gramoz Selmanin, dëshmia e nipit të Idajet Beqirit, ish-punonjës policie, tregoi muaj më parë një tjetër dëshmi trodnitës. Sipas tij, Idajet Beqiri u vra teksa pritej për tu ekzekutuar Selmani. Sipas gjithçkaje që i kishte treguar Enver Rabi, i cili vdiq katër vjet më parë te “Don Bosko” me anë të një mine të telekomanduar, Enver Dondollaku me Priftin dhe dy te tjerë, ishin mërzitur duke pritur në rrugën e fshatit të vjehrrit të Gramozit, këtë të fundit dhe më pas kishin qëlluar mbi të parin që kishte dalë. Pas raportimit që kishin bërë në zyrën e shef Fredit për aktin e vrasjes, ku kishin treguar se i kanë vrarë shoferin Gramozit dhe ka mundësi të kishin vrarë edhe mësuesin, banda ishte nisur për të ngrënë drekë…
[b]Dëshmia e Arapit…[/b]
Më rrëmbyen dhe torturuan në mënyrë çnjerëzore, me urdhër të Afred Shkurtit sepse ushtarët e tij donin që unë tu tregoja ku ndodhej Gramoz Selmani, pasi me keqtrajtuan me të gjitha mjetet më hodhën në një përrua, por unë këtë pjesë nuk e mbaj mend. Më pas më lidhen dhe më goditen në garazhin që quhej edhe komisariati nr 2 në Lushnje, ndërkohë që kam shquajtur aty nga zëri praninë e Leonard Priftit. Më kanë goditur me mjete të forta dhe deri edhe me një lopatë, por pjesa më e keqe ishte kur unë nuk isha i zoti të ngrihesha dhe më vinin në shtëpi dhe me keqtrajtonin sistematikisht gruan.
[b]Si nisi konflikti[/b]
Ndoënse gjithçka vazhdon të konsiderohet ende si dëshmi njerëzish dhe të mbijetuarish, ajo çka vihet në themelin e krijimit të Bandës së Lushnjes, është mundësia për tu përballur me bandën e Artur Dajës. Ky i fundit u tha se vrau në një pritë vëllain e Aldo Bares vetë të dytin në një makinë dhe pak metra më larg vritet në një lokal edhe një tjetër person. Atë ditë, mësohet se nisi edhe përballja e madhe dhe Aldo Bare nisi të organizonte grupin që më vonë do të merrte Lushnjen dhe do të njiheshin si një prej organizatave më famëkeqe kriminale.
[b]Dëshmitë e krimeve të Bandës… [/b]
Janë të shumta rrëfimet që nisin që me momentin e vrasjes së vëllait të Alfred Shkurtit, i konsideruar koka e organizatës. Ka mbetur sot e asaj dite një prej personave më mistrioz për sa i përket implikimit të tij të drejtpërdrejtë në vrasje apo në akte të tjera kriminale. Dëshmitë që kanë dalë edhe nga vetë anëtarët e bandës si dhe, sjellja e rrëfimit të nipit të një viktime, ku gjithçka lidhej me të vërtetat e tregura prej Enver Rabisë, tregojnë se organizata funksiononte në mënyrë perfekte; me mjete policie e deri edhe me një godinë të huazuar në formën e komisariatit të policisë…
Tirana Observer