"Shqiperia, drejt statusit te kandidatit per BE"

BERLIN - Anetaresimi i Shqiperise ne BE tani eshte vetem ceshtje kohe, pasi ky vend, i ka plotesuar kriteret, per t'iu afruar statusit te kandidatit. Deklarata eshte bere dje nga deputeti i Bundestagut gjerman Peter Ramsauer. Ne nje interviste dhene Deutsche Welles ne Berlin, z. Ramsauer e konsideron "tejet konstruktiv rolin qe luan Shqiperia per stabilizimin e situates ne rajon".

Kryetar i Grupit parlamentar te CSU-se ne Bundestag, Ramsauer, vlereson madje, se "Shqiperia luan nje rol me se konstruktiv, i cili ka dallim te madh nga ai i vendeve te tjera ne Ballkan". Sipas deputetit, "ky vend po ben ate qe eshte brenda mundesive njerezore dhe politike, per t'iu afruar standardeve evropiane". Duke kerkuar te kihet parasysh se Shqiperia eshte nje vend i vogel me tre milione e gjysme banore, me nje aftesi te kufizuar zhvillimore, z.Ramsauer evidenton se "ka dhe burime, te cilat mund te shfrytezohen dhe zhvillohen me se miri, si per shembull, ne sektorin e energjetikes, hidrocentraleve, turizmit".

Ramsauer, i cili javen e kaluar ishte per nje vizite ne Shqiperi, ka pershendetur ftesen qe ka marre Shqiperia per anetaresim ne NATO ne fillim te prillit: "Ko eshte nje shenje pozitive per integrimin ne bashkesine nderkombetare dhe per ta cuar kete vend ne planin afatgjate dhe afatmesem ne nje rruge te mire", tha ai. Ne kete kuader, politikani gjerman ka pohuar se Shqiperia i ka plotesuar kriteret, per t'iu afruar statusit te kandidatit. "Anetaresimi i Shqiperise ne BE eshte ceshtje kohe". Politikani bavarez pranoi se nuk dihet se a do te hyjne vendet e Ballkanit se bashku apo vec e vec, por, per te, nje gje eshte e qarte: "Pa u sqaruar ceshtja e anetaresimit deve te Ballkanit Perendimor, nuk mund ta zgjidhim ate te Turqise".

Kritika te forta ndaj Serbise

Turneu i deputetit gjerman, Peter Ramsauer, ne Ballkan, perfshiu javen e kaluar dhe Serbine. Atje ai kritikoi qendrimin e Serbise ndaj BE-se: "Mendoj se serbet kane nje perfytyrim te gabuar per ate, se kush ka nevoje per ke. Nganjehere thone qe t'i pranojme pa kushte, sepse sipas tyre jemi ne ata qe kane nevoje per ta, jo ju qe keni nevoje per ne". Ramsauer, deklaroi se serbet duhet te zgjedhin mes nje te ardhmeje me te mire apo gjendjes bllokuese: "Une u bera te qarte kur u thashe: Ju, serbet, keni nevoje per Evropen, po te jete ndryshe, atehere mund te presim edhe ca kohe".
Koha Jone