Një nga pretendentët kryesorë të këtij viti për Oskarët e zhanrit të dokumentarëve, "Garbage Dreams" i regjisorit Mai Iskander, është i destinuar të përfitojë nga pasioni aktual për mbrojtjen e ambientit. Ky portretizim i Zaballin-ëve, "njerëzit e plehrave" që për vite me radhë kanë jetuar me plehrat e prodhuara nga qyteti i Kajros, është një ekzaminim evokues i përplasjes së traditës dhe modernizmit, në trajtimin e këtij problemi shumë të vjetër.
Për dekada me radhë, Kajro s’ka pasur sisteme të organizuara sanitare, duke u mbështetur kështu te Zaballinët, të cilët nuk i marrin të ardhurat e tyre nga qyteti por nga riciklimi. Të bazuar në një fshat aty pranë, ata kanë një sjellje aq të “blertë”, që është për t’u patur zili dhe nga shoqëritë moderne.