Presidenti i Nderit i Partise Republikane, Sabri Godo, vleresoi dje se dalja e ish-Presidentit, Ramiz Alia, ishte per te bere nje apologji te vitit 1985, per te mirat qe na ka sjelle komunizmi, ishte krejt e habitshme. Ne nje interviste ne emisionin "Fakt", ai tha se duke e degjuar ate, pyeste veten se a beson ne ate qe thote. "Ramiz Alia del e thote qe pergjegjesine e kemi te perbashket. Edhe ti je pergjegjes per Koco Teodhosin, njerez qe nuk shquheshin per ndonje komprometim te rende?. A ka pergjegjesi te barabarte me Enver Hoxhen, per mijera njerez qe u vrane etj., etj., nese ka ndare pergjegjesite, ai nuk ka vend te dale e te thote, por te gjeje vend e te futet", u shpreh Godo. Sipas tij, Alia i dha vetes goditjen e fundit per ate qe beri. "Degjuam nje agjitator fshati i vitit 1985, qe thoshte se partia na beri me rroga. Si mund te genjente aq paturp nje njeri qe ka nje lloj respekti per veten e vet. E di tere Shqiperia qe Enver Hoxha ishte i plotfuqishem, i kishte keto si kukulla neper duar. Asnje diktator tjeter ne lindje, mbase Stalini, nuk ka pasur dore aq te lire te beje ate qe mendonte dhe c'deshironte ai", tha me tej Presidenti i Nderit i PR, i cili per sa i perket ceshtjes se Tivarit eshte shprehur se pak mbante mend, por ajo qe ai di eshte se Ramiz Alia s'ka qene ne Bosnje, por divizioni ku ishte ai ka hyre ne Kosove. Nga ana tjeter, ai theksoi se Ramiz Alia ka pasur merite ne ndalimin e gjakderdhjes gjate kalimit ne periudhen pluraliste. "Une di mire, kam pasur telegrame ne zyre nga divizioni i Korces, Beratit etj., ku thoshin "Na dorezoni tradhtarin Ramiz Aline qe ta varim". Ai kete lloj roli e ka bere, vecse u vonua dhe e beri keq", theksoi Godo. Sipas tij, Ramiz Alia mund te kete nxitur krijimin e partive te reja dhe qellimi i tij ishte qe ne ato parti te futeshin njerezit qe i duheshin atij, per ta mbajtur ne kontroll, ne menyre qe te zhvillohej nje lloj pluralizmi i krijuar prej tij, kjo ishte nje gje naive.

koha jone