Ja pazaret e Nanos me Ramën dhe Berishën për ndryshimet në k

Ja pazaret e Nanos me Ramën dhe Berishën për ndryshimet në kushtetutë

Ja pazaret e Nanos me Ramën dhe Berishën për ndryshimet në k Nano_fatos_8

Nga Përparim HALILI - Pas një mungese të gjatë, Fatos Nano njoftoi me SMS “miqtë” e tij brenda dhe jashtë PS e PD, se së shpejti vjen për një “vizitë” disa ditore në Tiranë. Kjo nuk është si ato kthimet e tij rutinë, pas vakancave dhe argëtimeve në buzukët e Europës, por është një kthim “historik”, që lidhet me skemat që kanë aplikuar së fundi, dy (ar)miqtë Sali Berisha i PD së vjetërëruar dhe Edvin Rama i PS së “rinuar”. Ish-lideri socialist Fatos Nano, i “stazhionuar” në këto 18 vjet, si ekspert shfrytëzues i politikës tranzitive shqiptare, për më tepër i naivitetit populist të shqiptarëve,ka tashmë në dorë disa “karta bixhozi”, të cilat ka vendosur të mos i lërë pa i hedhur në tavolinën e krerëve të dy partive simbolike. Sipas buirimeve nga të tre kampet politike që drejtohen nga Berisha, Rama e Nano, mësohet se ata, do të takohen “në drekë pune” të imponuar ëe të planifikuar, për të vënë pikat mbi “I”, jo për integrimin e Shqipërisë në NATO, as për të zgjidhur hallet e shqiptarëve të tejlodhur e të tallur prej tyre, por për të ndarë aksionet politike dhe financiare ekonomike. Troç, rikthimi Nanos dhe takimi i pritshëm mes tyre, ka lidhje me pazare të reja mes tre kapove të klaneve, të cilët edhe pse bëjnë sikur janë kundërshtarë, në fakt janë ortakë dhe miqë të ngushtë në shumë biznese të pista, të cilat kanë nisur që me ish-pasuritë e kooperativave bujqësore, që nga shkatërrimi i ekonomisë kombëtare, që nga piramidat e zeza, që nga mos hapja e dosjeve të ish-spiunëve të sigurimit të shtetit, që nga mos kthimi i pronave, që nga mos dëmshpërblimi i të përndjekurve politikë e deri tek tragjedia e Gërdecit në Vorë. Shkaktuar kjo, prej një afere të plotë korruptive, të bërë prej njerëzve të lartë të pushtetit, fijet e të cilit, shkojnë deri tek kryeministri dhe familja e tij, madje edhe deri tek sponsorizimet, që mafia e Gërdec-Delijorgj-Pinar-Trebickës të trafikut të armëve, ka bërë për bashkëshorten e Sali Berihës, për të prezantuar atë, si bamirëse ndaj shtresave në nevoja sociale. Këtu nis dhe pazari. Nano kthehet jo pa qëllim, fill pas ngjarjes së Gërdecit, të cilën e ka patur pjesë të axhendës korruptive të qeverisjes së tij dhe që ia la peng, pushtetit të Berishës dhe opozitës së Ramës. Fatos Nano i njohur me nofkën popullore “Buzuk-Greku”, kthehet në Shqipëri, jo se e morri malli për zhvillimet politike, as për të përshëndetur ftesën që u bë nga NATO, as për legalizimet, as për parlamentin, madje as për mungesën e aboneve në treg, të cilat kanë si bashkëautorë dy zvendësuesit e tij politikë në qeveri e në parti. Nano kthehet në këtë moment në Shqipëri, pasi ka përfudnuar qejfet e skive në Suedi, duke qënë pjesë e dëshirës së klikës Berisha-Rama, të cilët e pranojnë Nanon në tavolinën e pazareve ekonomiko-financiare, jo se e duan, por sepse nuk kanë mundësi ta shmangin, mbasi edhe ai ka dhënë “kontribut” sistematik e produktiv në lidhjet mes Berishës e Ramës, të cilat u bënë skutave, deri jashtë Shqipërisë. Edhe pse Rama, u vetëpublikua si “armik” i Fatos Nanos (Robert Çamçakizit), tashmë e ka qepur gojën. Nëse Berisha ia shtrëngoi “dorën e krimit” ish-të burgosurit të tij të Bënçës në mënyrë publike, Edvin Rama e ka bërë fshehurazi këtë “puthje”, ashtu siç e bëri me Berishën. Por që tani po kuptohet, përse është bërë. Çuditërisht, Edvin Rama “feston” sot 8 muajt e heshtjes totale ndaj “shefit të trafiqeve” Fatos Nano. Pra, ai nuk po flet më kundër Nanos asnjë fjalë dhe kjo heshtje, vjen pas një sulmi për akuza dhe kundërakzua korruptive e psikologjike mes palëve, madje edhe morale. Goja e mbyllur në mënyrë reciproke mes akuzave Nano-Berisha-Rama, ose më saktë, pakti i tyre i heshtur, ka tregues që lidhen me aferat korruptive. Berisha gënjeu për tragjedinë e Gërdecit. Rama belbëzoi disa fjalë pa kuptim kundër Berishës dhe qeverisjes së tij “banditeske e kriminale” në rastin konkret, duke hedhur jo “predha opozitare aktive” ndaj krimit shtetëror që vraiu 30 njerëz dhe që shkatërroi një zonë të tërë, duke e khyer në gërmadhë, por duke duke “qëlluar” me një dorë “kokoshka”, të cilat duket se janë pjesë e marrëveshjes mes këtyre dy tramaxhinjëve politikë. Këta kanë kohë që bëjnë biznes privat ekonomiko-financiar me fatet e shqiptarëve dhe të këtij vendi. Ndërsa Fatos Nano, nuk ka folur dhe nuk po thotë asnjë fjalë për Gërdecin, sikur të jetë ndërtuar ndonjë kamping luksoz e jo sikur të jetë hedhur në erë shteti, për më tepër kur këtë shtet, këtë pushtet, këtë qeverisje e drejton PD dhe lideri i saj i piramidave, për të cilat Nano, tha se do t’i kthente 100% lekët, duke ua sekuestruar pasuritë e vjedhura njerëzve të ish-pushtetit të parë kriminal të Berishës, të viteve 1992-1997. Nano kthehet në momentin e duhur për interesat e tij. Nano ka heshtur për gjithçka, duke mbajtur parasysh interesat e tij, të cilat nuk kanë lidhje me çështjen kombëtare, as me futejn në NATO, as me luftën kundër pushtetit të “duarve të pastra” Berishës, por me interesat dhe llogaritë e tij financiare. Dhe këto interesa i kanë zgjidhur dy shefat aktualë të politikës së re, pensionisti Sali Berisha dhe “djali i Sorrosit” Edvin Rama, të cilët tashmë, janë pjesë e një “shtrati” të qelbur politiko-ekonomik me pamje korruptive në mirëkuptim. Fatos Nano, me firmën e “at” Ramës dhe me bekimin e “uratë” Berishës, ka marrë një leje ndërtimi në qendër të Tiranës, fitimet prej të cilës janë tepër të mëdha dhe që menaxhohen nga klikat e tij të njohura në këtë biznes të pisët. Po kështu, ai kontrollon po nëpërmjet përkujdesjes Berisha-Rama, biznese pa asnjë detyrim fiskal, disponon dhe vjel përfitime prej shumë lejesh ndërtimi në disa pika të privilegjuara të kryeqytetit e të zonave turistike të vendit. Nano i ka arritur këto, duke kërcënuar pozitat e Berishës dhe të Ramës në politikë. Nano, vërtetë dha dorëheqjen, por koha dhe provat, po tregojnë se ai nuk ka hequr dorë. Sa herë që Nano synon të shtojë fitimet financiare, vjen me “leje” 10 ditore në Shqipëri, hedh disa shashka kundër Ramës e Berishës dhe këta i shtrihen barkas, duke e “ushqyer” financiarisht, mbasi sapo ai vjen, të dy “trimat” e PS e të PD, vihen në siklet, aq sa u bie edhe të fikët, ndaj dhe e joshin me çfarë të munden. Por këtë rradhë, Nano ka të tjera synime, madje që kanë lidhje me forcimin e pozitave të tij, deri në kupolën e drejtësisë shqiptare dhe kjo, me synimin për të “shtruar qilimin” e rrugës drejt presidencës e për të patur monopolin e kontrollit të pushtetit gjyqësor, të cilin kërkon ta përdorë për presione sundimi mbi “luanin plak Berisha” dhe mbi “kecin kërthi Rama”. Po sipas burimeve tona, Nano synon marrjen në kontroll të gjykatës së Lartë, duke i ofruar Berishës dhe Ramës, kandidaturën e Evelina Qirjakos, ndërkohë që Berisha ka projektuar në këtë post, Neshat Fanën, avokatin e tij, i cili kohët e fundit është parë shpesh të qëndroj poshtë tendës së shtëpisë së Berishës në qendër të Tiranës, por edhe duke e shoqëruar Berishën, kudo ku ai shkon, madje edhe në mitingun e pardjeshëm me 10 vetë në Qafë Botë të Sarandës. Tashmë dihet, që posti i kreut të gjykatës së Lartë, duhet të ketë tjetër person, mbasi kreut aktual “hirësisë së tij” komunisto-kapitalistit Thimjo Kondi i ka përfunduar mandati. Ndaj dhe ai, ka kohë që ka nisur një shëtitje jo nga kodrat e liqenit të Tiranës, por në SHBA, natyrisht jo si inkursion pune, por si ekskursion pensionisti dhe si shpërblim nga Berisha, të cilit Thimjo Kondi, i ka bërë shumë shërbime. Mrëpo, dy kandidaturat e hedhura në treg prej Berishës dhe Nanos, pra Qirjako dhe Fana, janë bllokuar nga presidenti Bamir Topi, i cili nuk po i dekreton, madje as po ua shikon fytyrën dhe kjo mesa duket, ka lidhje me faktin, që Topi i njeh dy “fytyrat” e vjetra të PD e të PS, ndërkohë që Edvin Rama e di këtë bllokazh dhe tejkalim mandati të këtij posti, por hesht në “emër të paqes” mes dy ish-shefave të tij, prej njerit i qëlluar me levë në kokë, ndërsa prej tjetrit i emëruar ministër kulture. Dhe në funksion të miqësisë, ose më saktë të “orgjisë” treshe mes tre muskutjerëve të fosilizuar tashmë politikisht Berisha-Nano-Rama, ekiston edhe një pakt tjetër për të mbajtur njeri-tjetrin në “fushën e lojës politike”. Edvin Rama, sipas burimeve nga PS, po projekton dhe ka marrë përsipër, të paraqes Fatos Nanon, si deputet në zonën e Parë Operative Vlorë-Tepelenë-Gjirokastër. Nano, ka ardhur për “vizitë” në Shqipëri, me bindjen e plotë dhe me paktin e nënshkruar me SMS, në telefoninin e Berishës e të Ramës, për të mos i hapur telashe, as për vazhdimin e biznesit të ndërtimit, as për bllokimin e kandidaturës së tij të gjykatës së Lartë dhe as për kundërshtimin për zonën e kandidimit si deputet. Dhe ka të drjetë të kërkojë e të fitojë këto të drejta, mbasi nuk ka thënë asgjë për Gërdecin. Nuk po thotë asgjë për “orgjinë” e rradhës, mes Berishës e Ramës.

SOT

Ja pazaret e Nanos me Ramën dhe Berishën për ndryshimet në k

Ja pazaret e Nanos me Ramën dhe Berishën për ndryshimet në k

Ja pazaret e Nanos me Ramën dhe Berishën për ndryshimet në k :: Komentet