Rrëfimi i Selmanllarit: Si na mori 20-përqind Dritan Avllaj

Dëshmia e plotë e Selmanllarit në prokurori

Biznesmeni Rrahman Selmanllari hedh dritë mbi aferën korruptive që Edi Rama bëri përmes leprit të tij, Driatn Avllaj, në zonën e Liqenit Artificial të Tiranës. Dritan Avllaj, i njohur ndryshe si Tan Lepuri, i ka kërkuar biznesmenit Rrahman Selmanllari 20% të kontratës në këmbim të miratimit të studimit dhe lejes së ndërtimit nga Bashkia e Tiranës. Kjo është dëshmia e bërë dje nga biznesmeni Selmanllari në prokurorinë e Tiranës. Burime nga kjo prokurori, biznesmeni Rrahman Selmanllari pohoi dje para prokurorëve Valentin Premçi dhe Ardian Braho se Dritan Avllaj i njohur ndryshe si Tan Lepuri i ka kërkuar atij 20% të kontratës në këmbim të miratimit të studimit dhe lejes se ndërtimit nga bashkia e Tiranës. Sipas dëshmisë së bërë kërkesa e Avllajt është pranuar nga bashkëpronarët e kompanisë “Vision”, pasi ai ishte prezantuar si miku i Edi Ramës dhe njeri i aftë për të hapur çdo derë në Bashkinë e Tiranes. Pyetjes nëse Dritan Avllai e kishte respektuar marrëveshjen për të kryer detyrat e tij, Selmanllari mësohet t’i jetë përgjigjur se janë shumë të kënaqur me kontributin e Avllajt pasi studimi i miratuar nga Bashkia e Tiranës e ka përqendruar intensitetin më të lartë të ndërtimit pikërisht në zonën e kontraktuar prej tyre.

Sa i përket pjesës tjetër të angazhimit për të marrë lejen e ndërtimit në bashki, Selmanllari ka deklaruar se kjo nuk është realizuar ende për shkak të mosmbledhjes prej më shumë se një viti të KRRT së Tiranës. Në ditët në vijim pritet të dëgjohen dëshmitë e Dritan Avllajt dhe Arjan Tartarit. Z. Avllaj e ka plotësuar pjesën e parë të detyrës se tij: Planin e Zhvillimit të Zonës me intensitet të lartë (pa limit nga bashkia) dhe kjo gjë është reflektuar në Draft-planin e Përgjithshëm Rregullues të Tiranës. Gazeta “standard” do të hulumtojë mbi intensitetet që Rama ka përfshirë në këtë zonë të shënuar me U12-07 sipas deputetit Mima dhe do të përpiqet të shikojë me kujdes se si nëse zonat e tjera urbane të rreshtuara nën U12 parashikojnë intensitete të njëjta apo jo. Arkitektë dhe urbanistë të njohur dyshojnë që në zonën e Avllajt, Rama ka shpërfillur çdo kriter dhe intensitet, për më tepër shihni numrin e nesërm të “standard”.

standart

Rrëfimi i Selmanllarit: Si na mori 20-përqind Dritan Avllaj

Rrëfimi i Selmanllarit: Si na mori 20-përqind Dritan Avllaj

Rrëfimi i Selmanllarit: Si na mori 20-përqind Dritan Avllaj :: Komentet