Nëse mendoni të forconi muskujt atëherë duhet të njihni pikën më të rëndësishme, për të cilën ka nevojë trupi juaj. Kjo është proteina. Lind pyetja se sa proteina përmbajnë ushqimet dhe cilat prej tyre përmbajnë më shumë për të pasur muskujt sa më të fortë?
Sipas lajmit në adresën “AskMen” shumë meshkuj janë të informuar për rëndësinë e proteinës kur zhvillojnë aktivitete sportive. Kur bëni ushtrime, tërheqja e krijuar nga ngrija e peshave dëmton fijet muskulore. Ky lloj dëmtimi vë në lëvizje një proces të veçantë riparimi i cili forcon zhvillimin e qelizave muskulore individuale.

Gjatë kohës së zhvillimit përdoret baza jetësore që janë aminoacidet. Por zhvillimi muskulor kërkon më shumë proteina. Në të njëjtën kohë ngritja e peshave djeg energji, prandaj ju duhet të konsumoni karbohidrate të shëndetshme gjatë ushqyerjes.

Ja 9 produktet e nevojshme për zhvillimin muskulor:

1. Peshku: peshku zë vendin e parë në zhvillimin muskulor. P.sh në 100 gramë peshk salmon, gjenden 25 gramë proteina. Krahas kësaj, tek peshku gjenden dhe përbërës të tjerë të shëndetshëm. Me yndyrën e pangopur dhe acidet omega - 3, peshku Salmon është miku i zemrës. Përveç kësaj Salmoni është burim i rëndësishëm i vitaminës D. Nëse e analizojmë në vija të përgjithshme, peshku Ton apo Salmon është peshku më i mire.

2. Pula: një produkt tjetër që ndikon në zhvillimin muskulor është pula. 100 gramë mish i bardhë pa yndyrë pule përmban 31 gramë proteinë dhe vetëm 4 gramë yndyrë. Prandaj nëse mendoni të forconi muskujt, mos harroni të hani shumë mishin e pulës.

3. Veza: e lehtë dhe e shpejtë për t’u përgatitur, e shijshme dhe e këndshme për t’u ngrënë, veza është produkti tjetër forcues. Tek çdo vezë ka afërsisht 5-6 gramë proteina dhe 60 kalori. Me vlerat biologjike, proteinat që gjenden tek veza janë proteinat më të lehta për t’u përdorur. Kjo do të thotë që proteina e vezës është proteina më efektive në forcimin e muskujve.

4. Soja: nëse keni dëshirë konsumoni sojën e fasules së freskët ose atë të qumështit, por mos harroni se soja e fasules është më efektive. Në një tas të këtij produkti të pasur me proteinë gjenden 20 gramë aminoacide. Si një nga alternativat më të suksesshme dhe si forcuese e muskujve, soja është e pasur me vitamina dhe minerale.

5. Bifteku i rrahur pa yndyrë: ky lloj mishi është një burim i paparë proteinash. Vetëm në 100 gramë biftek të rrahur gjenden me shumë se 27 gramë proteina. Krahas kësaj, bifteku është i pasur me vitaminën B12, zink dhe hekur. Të gjitha këta janë të rëndësishme në forcimin muskulor.

6. Qumështi me çokollatë: qumështi është i pazëvendësueshëm në procesin e rritjes së trupit, pasi është një produkt shtazor dhe me pak yndyrë mundëson të gjitha aminoacidet e mundshme. Edhe çokollatat e prodhuara me qumësht 100 për qind natyral përmbajnë proteina të shumta.

7. Djathë i filtruar: edhe pse mund të duket e habitshme, djathi i filtruar përmban ilaçe të cilat ndikojnë në zhvillimin e trupit. Për ta kuptuar këtë mjafton të lexoni etiketën e djathit me pak yndyrë ose pa yndyrë . Në gjysmë tasi djathi të filtruar pak të yndyrshëm gjenden 14 gramë proteina dhe 80 kalori.

8. Bajamet: bajamja është një produkt tjetër bimor i pasur me proteina. Vetëm një çerek tasi me bajame përmban afërsisht 8 gramë proteina. Krahas kësaj bajamet janë të pasura me yndyrë të pangopur dhe magnez, të cilët përmirësojnë shëndetin e zemrës. Magnezi është një mineral i mire, i përdorur në më shumë se 300 reaksione biokimike. Në të njëjtën kohë magnezi është i rëndësishëm në prodhimin e energjisë dhe sintezës proteinike.

9. Kinoa: të gjithë burrave nuk u pëlqen mishi. Po si mund ta merrni këtë proteinë pa konsumuar mish? Në kinoan e pasur me proteina dhe të kultivuar në Amerikën e Jugut gjenden edhe 9 aminoacide të nevojshme. Tretja e këtij lloj ushqimi që nuk përmban glutinë është shumë e lehtë dhe kinoa përmban shumë magnez, hekur dhe fibra./Start/Aisa Kokiçi/