Tirane- Hiqej si kreu i nje shoqate emigrantesh, duke mashtruar qytetaret ne kembim te vizave, duke iu marre mijera euro. Prokuroria e Tiranes ka perfunduar hetimet dhe ka derguar per gjykim dosjen hetimore ne ngarkim te te pandehurit Hider Buci. Dosja mban numrin 1248. Prokuroria e akuzon Bucin per konsumin te vepres penale te "mashtrimit me shume se nje here". Pas hedhjes se shortit elektronik, dosja hetimore i ka rene per shqyrtim gjyqtarit Gerd Hoxha. Ne ditet ne vazhdim gjyqtari pritet qe te caktoje oren dhe daten e seances se pare te gjykimit ndaj te pandehurit, ndersa do te njoftohet dhe i pandehuri per te qene te pranishem ne seance. Sipas hetimeve te kryera nga Prokuroria e Tiranes, i pandehuri Hider Buci, duke perdorur emrin e shoqates se emigranteve "Unioni Kombetar i Emigranteve Shqiptare", u premtonte personave te ndryshem viza punesimi ne Australi dhe Kanada, ne kembim te shifrave nga 1000 deri ne 3500 euro. Per t'u dukur i besueshem, ne bashkepunim edhe me persona te tjere, te cilet jane duke u gjykuar ne kete gjykate, u kerkonin disa dokumente per plotesim. Ndersa me pas, pasi gjenin disa here pretekste per shtyrjen e dates se marrjes se vizes, te dyshuarit zhdukeshin pa gjurme. Mesohet se hetimet per kete dosje kane nisur ne prill te vitit 2009, pas disa kallezimesh penale ne Prokurorine e Tiranes dhe Shkodres. Ne keto kallezime qytetaresh, pohohej se i pandehuri ka pervetesuar shuma nga 1000 deri ne 3500 euro ne kembim te vizave per jashte shtetit, qe kurre nuk kishin mberritur ne doren e te demtuarve. Nga hetimet e kryera nga Prokuroria e Tiranes, rezulton se ne gracken e Bucit, kane rene mbi 25 persona. Prokuroria shpjegon se shoqata ka qene ne emer te te pandehurit. Ky i fundit, pasi arrinte t'i mashtronte qytetaret, iu merrte shumen e lekeve, e cila duhet te jepej e gjitha si parapagim, dhe jo pas marrjes se vizes. Te gjitha mashtrimet per viza jane kryer nga ana e te pandehurit ne emer te shoqates se tij, e cila ishte e regjistruar me vendimin gjykate.

Sipas organit te akuzes, per t'u bere i besueshem, i pandehuri pervecse u kerkonte dokumente shoqeruese, si pasaporte apo vertetime shendetesore, u jepte dhe nga nje karte, duke u thene se ishin bere anetare te shoqates se tij. Pas shtyrjeve te afateve per viza, Hider Buci zhdukej. Qytetaret e rene ne grace, iu drejtuan prokurorise se Shkodres dhe te Tiranes, duke denoncuar mashtrimin.

Redinalda Caushaj