Kur nuk e heq dorën dot nga tepsia e bakllavasë dhe sheqerpares?

Fehmi Tançi
Kur nuk e heq dorën dot nga tepsia e bakllavasë dhe sheqerpares?
Po bëhet një vit që PD me pjesën tjetër të opozitës kanë marrë aktin më ekstrem politik, të diegies së mandateve, dhe akoma nuk artikulohen dot/nuk j'ua nxë goja, se janë për një sistem të ri zgjedhor.
Dhe në krye të kësaj liste të urryer është kryetari i opozitës Basha, me deklaratën e tij më të freskët dje për këtë gjë.
Jo rastësisht zgjodha këtë bisedë të djeshme prej rreth 4 minutash ku shikohet qartë sesa i çliruar dhe i qartë është një aktivist i ri, pa asnjë ditë përvojë politike, si Endrit Shabani, përballë një juristi shumë të artikuluar dhe politikan karriere tashmë si Bylykbashi.
Dhe biseda është pikërisht për sistemin zgjedhor kryesisht, dhe pastaj Shabani e poshtërron fare kur ja përsërit rreth 10 herë që Bylykbashi të përmendë emrin e oligarkut Saimir Mane dhe rastin e protestave të minatorëve Bulqizë.
Dhe shikohet sesa i zënë keq është Bylykbashi sikur të jetë pjesë e Rilindjes dhe jo e opozitës që ka 6 vite në opozitë.
Nuk ka më shumë se dy muaj besoj se në njëjtën pozitë e kam parë Bylykbashin në një Opinion të Fevziut që i kushtohej sistemit zgjedhor, ku të gjithë që ishin në studio (përfshirë edhe gazetarë të majtë) argumentonin se sistemi proporcional rajonal vrau vlerën e votës, të konkurencës dhe rriti autoritetin e kryetarëve.
Vetëm Bylykbashi (kuptohet jo nga mendja e tij) argumentonte se nuk është problem sistemi zgjedhor, por vjedhja e votës nga pushteti.
Nuk kishte gjë më të ulët dhe të pështirë, sipas meje.
Në kushtet ku gjendet vendi me një pushtet që i ka kapur të gjitha dhe po e dërgon vendin drejt një narkodiktature të rrezikshme, gjëja më jonormale duket dhe është të merresh me opozitën.
Por unë, duke qenë se jam anëtar i saj nga dita e krijimit, madje disa ditë përpara si student i Dhjetorit '90 (por jo nga soji i Majkos dhe Metës), deri ditën që jam larguar nga vendi kam dhënë kontributin tim modest brenda saj, madje duke bërë beteja brenda forumeve për zbatimin e statutit dhe demokracisë së brendshme, i jap vetes të drejtë të bëj kritikun e saj.
Kush e ka kuptuar se pse e nisi PD-ja dhe Basha vjeshtën me atë "zbythje" dhe strukje, pas atyre protestave madhështore pranverë-verë, dhe të cilat u shoqëruan me qindra të arrestuar, gaz lotsjellës, dhunë dhe represion policor?
Sa herë i kanë vënë Bashës epitetin #shuarës_i_protestave, dhe jo pa shkak?
Mirë protestat që i fshiu nga lista e opsioneve për të rrëzuar një pushtet që nuk e ka dhe nuk e njeh moralin e dorëheqjes, të krizës, të dështimeve, por një vit pasi ka dalë në rrugë dhe jashtë të gjithë institucioneve, Basha dhe PD nuk artikulohet dot kundër sistemit aktual zgjedhor??
Madje akoma nuk ka një draft përfundimtar të reformës në drejtësi.
Dhe nga përdredhjet që bën, duket hapur tashmë që nuk don të prekë sistemin vrasës elektoral të emërimit të deputetëve nga firma e dy tre kryetarëve dhe jo nga vota e qytetarëve, ndaj dhe e shtyjnë me muaj paraqitjen e një drafti për "reformën"
Dhe thonë pastaj se nuk i bëhet opozitë opozitës.
Po çfarë t'i thuash kësaj opozite kur edhe pasi janë mbledhur 50 000 firma për ndryshim sistemi thotë nuk e ka fajin sistemi?
Rikthejuni edhe një herë kësaj bisede dhe të shikohet se pse është thënë gjithë këto kohë se kjo opozitë nuk frymëzon.
Ky rast është shumë domethënës për të kuptuar se në çfarë ujrash ka rënë PD-ja.
Janë në pikën e vdekjes politike dhe përsëri nuk janë të sinqertë dhe të drejtpërdrejtë sa një aktivist i lirë si Endri Shabani në këtë bisedë që të ngjallin besim dhe shpresë tek shqipëtarët se ka një pushtet që duhet shkulur me rrënjë, por ka një opozitë që në rastin e parë që të krijohet e meriton të marrë në dorë fatet e vendit.
Qofsha unë i gabuari, dhe uroj të jem, por unë shikoj që Basha siç zhvilloi në errësirën e 17-18 Majit 2017 të zhbëjë një qëndresë mbi tre mujore, tani duket se ka zgjedhur të presë që kur Rama të bjerë vetë🤮🤯🤔, ky do bëhet kryeministër, pavarësisht sistemit zgjedhor siç artikulohet vetë.
Pra ka zgjedhur që njërën dorë t'a ketë në #bakllava (të bëhet kryeministër kur të mbetet vendi bosh) dhe një dorë në #sheqerpare (të bëjë akoma listat e deputetëve).🤡👺
F.T.

Kur nuk e heq dorën dot nga tepsia e bakllavasë dhe sheqerpares?

Kur nuk e heq dorën dot nga tepsia e bakllavasë dhe sheqerpares?

Kur nuk e heq dorën dot nga tepsia e bakllavasë dhe sheqerpares? :: Komentet