Tensionet e tashme greko-turke, Shqipëria jashtë vëmendjes, apo ka kaluar në plan të dytë për Athinën zyrtare? – Ndërkallje e 360 Gradë

Situata mes Greqisë dhe Turqisë është shfaqur me tensione dhe fërkime të vazhdueshme. Janë gjithnjë e më të shpeshta rastet e konfrontimit në distancë të forcave turke dhe atyre greke në det e në ajër.
Kjo, pasi grekët e turqit nuk kanë ndarë ende llogaritë mes tyre për disa ishuj në Egje. Këtë fillim viti, tensionet mes Athinës dhe Ankarasë jane rindezur serish.
Grindja për gazin natyror para brigjeve të Qipros dhe veprimi i pavarur i Ankarasë me Libinë, e përkeqësojnë edhe më shumë atmosferën e këtyre marrëdhënieve, shkruan Dojçe Vele. Athina u kap në befasi kur Turqia njoftoi se kishte nënshkruar një marrëveshje me Libinë, duke i çuar kufirin detar afër Kretës.
Qeveria Greke e konsideron kapjen e detit, një lojë për të shtënë në dorë burimet e naftës në Detin Mesdhe. Marrëveshjen e nënshkruar midis Turqisë dhe Libisë, kryeministri grek Micotaqis e konsideroi cënim të të drejtave sovrane të Greqisë.
Ndaj muajin e kaluar gjatë vizitës në Shtetet e Bashkuara të Amerikës, ai i kërkoi mbështetje Presidentit Donald Trump që kjo marrëveshje të mos zbatohet. Por kjo nuk ndodhi. Një zyrtar i lartë i administratës amerikane dërgoi një sinjal se Presidenti amerikan nuk do të ndërhynte në përplasjet mes Turqisë dhe Greqisë, duke thënë se të gjitha palët duhet të punojnë së bashku për të zgjidhur dallimet mes tyre.
Frika e përgjithshme e Greqisë ndaj Turqisë, ka bërë që Athina të rrisë shpenzimet ushtarake nga viti në vit. Greqia dhe Turqia ndahen nga një kufij tokësor në veri, por konfliktet kufitare vijnë për shkak të qindra ishujve në detin Egje, që ndodhen më pak se 72 km nga territori turk.
Si Greqia, ashtu edhe Turqia kanë investuar në shuma të mëdha parash për fuqizimin e ushtrisë dhe flotës detare. Buxheti i mbrojtjes së Turqisë arriti në 19 miliard dollarë në vitin 2019, një rritje prej 24 për qind në krahasim me një vit më parë.
Ankaraja gjithashtu shpreson të ndërtojë një bazë detare në Qipron Veriore, e një rëndësie të veçantë, pasi do t’i lejonte të zgjeronte logjistikën e saj detare në Mesdhe. Nga ana e saj Athina po forcon praninë ushtarake në kufirin e lumit Evro.
Pavarësisht se janë aleatë në NATO, Greqia dhe Turqia kanë pasur një histori të gjatë konfliktesh, të cilat disa herë kanë qenë duke shkuar drejt perplasjes. E në këto kushte duket se pas ardhjes së Micotaqisit në krye të qeverisë greke, Greqia po tenton ti zgjidhe mosmarreveshjet me Shqiperine, kryesisht për kufijtë detarë me marreveshje.
Kryeministri Micotaqis dhe partia e tij Demokracia e Re kërkojnë vënien në zbatim të plotë të marrëveshjes detare të nëshkruar në vitin 2009 nga e njëjta parti, që në atë kohë drejtohej nga Karamanlis, ndërsa u nënshkrua nga ministrat e kohës Dora Bakojani dhe Lulzim Basha.
Kjo marrëveshje u dërgua në Gjykaten Kushtetuese, e cila vendosi nje kornizë të qartë mbi mënyrën se si duhet të negociohet kufiri detar me shtetin fqinj. Bisedimet për këtë rifilluan 4 vjet më parë, por deri tani ato kanë mbetur pezull.
Duket se Greqisë nuk i leverdis edhe një konflikt i hapur me Shqipërinë për kufirin detar, ndaj nuk heq dorë nga presioni i vazhdueshëm mbi qeverinë shqiptare duke përdorur minoritetin si kartë e duke i rikujtuar në çdo rast hapjen e negociatave me BE, ku jo në pak raste ka luajtur me fjalët duke nënkuptuar mes rreshatave nje veto te Greqisë.

360grade.al

Tensionet e tashme greko-turke, Shqipëria jashtë vëmendjes, apo ka kaluar në plan të dytë për Athinën zyrtare? – Ndërkallje e 360 Gradë

Tensionet e tashme greko-turke, Shqipëria jashtë vëmendjes, apo ka kaluar në plan të dytë për Athinën zyrtare? – Ndërkallje e 360 Gradë

Tensionet e tashme greko-turke, Shqipëria jashtë vëmendjes, apo ka kaluar në plan të dytë për Athinën zyrtare? – Ndërkallje e 360 Gradë :: Komentet