Motër e vëlla vriten në pritë për gjakmarrje

Hajdar Puci, vret Bilbil e Mimoza Ferhatin, hakmerret për dy djemtë
Motër e vëlla, vriten
në pritë për gjakmarrje.
Autori lëshon në
vend armën e krimit
dhe largohet i qetë
për në postën e policisë
së Institutit
Bujqësor në Kamzë.
Autori i krimit, Hajdar
Puci, 65 vjeç, është kapur
nga postblloqet e policisë që
ishin ngritur pas ngjarjes.
Bilbil Ferhati, 35 vjeç emigrant
në Angli, dhe e motra
e tij, Mimoza Ferhati 24
vjeçe, banorë të lagjes nr.6
në Bathore, kanë mbetur të
vrarë me armë zjarri dje
pasdite rreth orës 16:30, pas
një prite të gjakësit të tyre
Hajdar Puci. Motër e vëlla
kanë mbetur të vdekur në
vend, ndërsa po udhëtonin
me një automjet të markës
"Audi", në lagjen nr.1 të
Bathores për të shkuar tek
halla e tyre, e ta uronin për
dasmën e vajzës së saj që
martohej të dielën. Vrasësi
ka marrë hak për humbjen
e dy djemve të tij, Ferit e
Sefedin Puci, të vrarë me 16
prill të vitit 2004, në afërsi
të banesës së tyre në lagjen
nr.6 në Bathore. Si autorë të
krimit, policia kishte arrestuar
vëllezërit, Kujtim e
Petrit Gjeta, si dhe ishte
shpallur në kërkim kushëriri
i tyre, Bashkim Ferhati.
Ky i fundit është vëllai i viktimave
të vrarë pasditen e
djeshme nga Ferhat Puci.
Më tepër se 6 herë mësohet
se ka qëlluar ndaj Bilbil Ferhatit
dhe motrës së tij, Hajdar
Puci, ndërsa sipas policisë,
Bilbili është munduar
të reagojë për t'u mbrojtur.
Ai ka nxjerrë armën e tij të
markës "TT", por nuk ka
mundur të qëllojë, ndërsa i
ka rënë nga dora në rrugën
me baltë. Pasi kreu vrasjen
ai ka lënë pas viktimat në
automjetin e tyre që udhëtonin
bashkë me prindërit e
tyre. Pas vetë dorëzimit të
tij në një nga postblloqet e
ngritura nga policia, blutë i
kanë gjetur gjatë kontrollit
një pistoletë të markës "TT",
e cila dyshohet të jetë arma
me të cilën është kryer vrasja
e dyfishtë. Dëshmitarë të
ndryshëm në vendin e ngjarjes,
thanë dje për "Panoramën"
se kishin dëgjuar
katër të shtëna rresht, pranë
një autoveture që ishte në
kryqëzimin e një prej
rrugëve të lagjes. Një burrë
rreth të 50-ve tha se kishte
parë një motor me dy persona
që ecnin në rrugë
pranë vendit të ngjarjes.
"Një prej tyre u kthye pas në
këmbë ndërsa motorin nuk
e pamë më", thotë burri.
Policia ka arrestuar në flagrancë,
Hajdar Pucin, me
akuzën e vrasjes në rrethana
cilësuese për motive
gjakmarrjeje dhe armëmbajtje
pa leje.
VRASJA
Viktimat sipas banorëve
të lagjes, ktheheshin nga një
vizitë dhe po shkonin tek
një i afërm i tyre, për urim
në familjen e Ymer Billës,
(burri i hallës së tyre), pasi
javën e ardhshme martohej
e bija. Paralelisht në këtë
kohë, është afruar në kryqëzim
edhe Hajdar Puci, që i
ka ndërprerë rrugën automjetit
të markës "Audi". Autori
65-vjeçar, ka drejtuar
menjëherë armën nga drejtuesi
i mjetit duke qëlluar
në drejtim të tij së paku tri
herë, ndërsa më pas ka
kthyer armën nga e motra e
tij, Mimoza që ndodhej në
sediljen e parë përkrah të
vëllait. Me gjithë plagët e
marra, Bilbil Ferhati, është
munduar të reagojë. Ai ka
nxjerrë armën nga sedilja e
automjetit, por nuk ka mundur
të qëllojë për shkak të
plagëve të rënda, ç'ka nuk i
kanë dhënë mundësinë të
mbijetojë. Po kështu edhe
motra e viktimës, e cila ka
mbetur e vdekur vetëm pak
minuta pasi ishte qëlluar
nga Hajdar Puci. Policia ka
mbërritur në vendin e ngjarjes,
vetëm pak minuta
pasi është informuar për
krimin dhe ka nisur kryerjen
e veprimeve hetimore
dhe këqyrjen e vendit të ngjarjes.
Në pak minuta, policia
ka identifikuar si autor
të vrasjes së motër e vëlla,
Hajdar Pucin. Ai është
ndaluar dhe më pas është
arrestuar disa minuta pas
krimit, në rrugën kombëtare
Kamzë-Tiranë,
pranë një karburanti. Policia
ka administruar në vendin
e ngjarjes gëzhojat e
nxjerra nga pistoleta e autorit.
Po kështu janë shoqëruar
në komisariatin e
policisë së Kamzës dhe në
Drejtorinë e Tiranës për të
sqaruar rrethanat dhe detajet
e ngjarjes.

Motër e vëlla vriten në pritë për gjakmarrje

Motër e vëlla vriten në pritë për gjakmarrje

Motër e vëlla vriten në pritë për gjakmarrje :: Komentet