Une besoj se veprimi maqedonas eshte nje lloj frike nga shqiptaret tani qe kosova po fiton pavarsin por edhe nje lloj provokimi ndaj shqiptareve te maqedonise. Maqedonia nuk duhej te ishte njohur nga shteti yne perderisa tu plotesonte dhe tu garantonte te gjitha te drejtat shqiptareve.

Shqiptaret e Maqedonise nuk duhet te bien pre e nje provokimi te tille tani ne prag te pavarsimit te Kosoves nga ana tjeter Shqiperia duhet qe perveç veprimeve diplomatike te mbaje edhe nje qendrim te ashper ndaj ketij akti te shtetit Maqedonas.

Vizat, Maqedonia shtyn afatin për 1 mars


BLEDAR HOTI

Zëdhënësi i Ministrisë së Jashtme të Maqedonisë, Tasho Kukallanov, në një prononcim për median vendase ka bërë të ditur se qeveria ka marrë vendimin që kjo masë e marrjes së vizave të shtyhet për në muajin mars.
Pra, që nga data 1 mars, çdo qytetar që kërkon të kalojë në territorin e Maqedonisë duhet të aplikojë për vizë në ambasadën maqedonase në Tiranë dhe në kufi. Presionet e shumta të ardhura nga brenda Maqedonisë, nga faktori shqiptar, duket se kanë bërë që të reflektojnë qeverinë maqedonase. Zëdhënësi i Ministrisë së Jashtme, Kullakanov, bën të ditur gjithashtu se pala shqiptare është njoftuar për një vendim të tillë prej kohësh. Por pritet që në muajin mars të ketë edhe kontakte në nivele të larta mes Maqedonisë dhe Shqipërisë, që do të synojnë zhbllokimin e kësaj situate. Autoritetet maqedonase shtetërore në Shkup deklaruan se vendosja e vizave për 140 shtete, bëhet për shkak se Maqedonia si vend kandidat për anëtarësim në Bashkimin Evropian, ka filluar të zbatojë praktikat e reja të regjimit të vizave. Kjo është edhe arsyeja që lidhet me ndryshimin e regjimit të dhënies së vizave. Drejtori për çështje konsullore në Ministrinë e Jashtme të Maqedonisë, Savo Sibinovski, duke folur për agjencinë e lajmeve INA, theksoi se të gjithë të huajt që dëshirojnë të hyjnë në Maqedoni duhet të plotësojnë të gjithë kushtet e kërkuara, sikur në rastet e zbatimit të Shengen vizave për BE. “Ne kërkojmë njëlloj të gjitha kushtet që BE-ja kërkon nga vendet e treta”, theksoi Sibinovski. Ndërkohë që vizat nuk do të aplikohen për shtetasit e ish-republikave jugosllave, për shkak se një pjesë e tyre tani më janë vende kandidate, ndërsa pjesa tjetër kanë nënshkruar marrëveshjet për lehtësimin e regjimit të vizave. Nga 1 shkurti Maqedonia do të ndërpresë praktikën e dhënies së vizave në kufi për shtetasit e Shqipërisë, por ajo mundësohet vetëm në ambasadën në Tiranë. Sipas Ministrisë së Jashtme, Maqedonia i ofron Shqipërisë lehtësime vizash njëlloj sikur kushtet që ofron BE për kategori të caktuara të qytetarëve të Maqedonisë. Sipas këtyre kushteve, shtetasit shqiptarë duhet të ofrojnë dokumente, dëshmi dhe garanci për udhëtimet e tyre në Maqedoni.
Reagimi i shqiptarëve
Por vendimi i marrë ka sjellë reagimin e ashpër të partive shqiptare në Maqedoni, si dhe të kryetarëve të bashkive si Dibër, Ohër. Reagimi i tyre lidhet me faktin se si zona turistike mjaft shqiptarë hyjnë në dalin në këto vende. Gjithashtu ata kërkojnë që të mos merret një masë e tillë, pasi do të shkaktohet një dëm i madh në shkëmbimin e mallrave mes dy vendeve. Kryetari i komunës së Ohrit, Aleksandër Petrevksi, e cilësoi këtë vendim si të pamatur dhe të nxituar, pasi dëmtohet rëndë ekonomia dhe turizmi në Ohër dhe në Strugë. Ai theksoi se do t’i kërkojë kryeministrit Gru-evski anulimin e vendimit. Ndërsa kryetari i bashkisë së Dibrës, Argëtim Fida, i ka drejtuar një letër të hapur kryeministrit Gruevksi, duke paralajmëruar dhe me protesta dhe reagime të ashpra në rast se zbatohet një vendim të tillë. Ai e ka cilësuar këtë vendim si diskriminues, në një kohë që nga Shqipëria kanë mbërritur në Maqedoni gjatë vitit 2007 rreth 220 mijë shqiptarë, të cilët kanë shpenzuar në një vlerë rreth 15 milionë euro.

procedura

Me regjimin e vjetër të vizave
Viza në ambasadën maqedonase në Tiranë kushtonte 5 euro
Viza maqedonase në kufi kushtonte 10 euro (kalimi)
Nuk paraqitej asnjë kërkesë, pasi këto viza ishin me një kalim

Regjimi i ri i vizave
Parashikon shtim të procedurave për marrjen e vizave, pasi do të cilësohet tip Shengen
Kërkohet garanci për vizitën, arsyet e vizitës
Kërkohet siguracioni i jetës
Nuk dihet çmimi që do të aplikohet për vizat e reja

Turizmi dhe ekonomia
Në bazë të të dhënave gjatë 2007 drejt Maqedonisë kanë lëvizur 220 mijë shqiptarë Shumë prej tyre kanë qenë turistë dhe biznesmenë Vlera e shpenzuar llogaritet në rreth 15 milionë euro


BDK, Shaqiri: Vendimi, antishqiptar
Kreu i Bashkimit Demokratik Kombëtar, Hysni Shaqiri, vlerëson se ky vendim e vështirëson komunikimin ndërshqiptar, meqë siç thuhet se një e treta e popullsisë në Maqedoni janë me përkatësi shqiptare. Ky vendim për të është antishqiptar, sepse regjimi i ri nuk do të përdoret për Serbinë, si dhe bie ndesh edhe me përcaktimet e vendeve të Kartës së Adriatikut, ku bëjnë pjesë Shqipëria dhe Maqedonia.

Ohër, Petrevski: Vendimi, i pamatur
“Është vendim i përshpejtuar dhe i pamatur, sepse nëse i referohemi të dhënave të hotelierëve, shqiptarët janë në numër të madh dhe shpenzues të mëdhenj, dhe kjo masë do të reflektohet dukshëm në Ohër. Si kryetar i Bordit të bashkëpunimit ndërkufitar do të kërkoj nga Qeveria dhe Ministria e Jashtme të pezullojë këtë vendim, sepse kur Maqedonia të bëhet anëtare e BE-së dhe NATO-s, atëherë nuk do të ketë nevojë për viza”, tha Petrevksi.

Dibër, Fida: Vendimi, racist
“Rreth 380.000 njerëz jetojnë në zonën kufitare mes Shqipërisë dhe Maqedonisë. Ata shkojnë me pushime në Dibër. Regjimi i vizave është racist dhe i patolerueshëm, sepse qytetarëve shqiptarë u kërkohen viza, ndërsa maqedonasve në Shqipëri jo. Një sjellje e tillë është diskriminuese. Maqedonia deklaron se është plotësisht e vendosur për marrëdhënie të mira në politikën fqinjësore, por duhet ta zbatojë këtë politikë”, tha kreu i komunës së Dibrës.

Vizat, terhiqet Maqedonia

E Diele, 13 Janar 2008


Qeveria maqedonase deklaron zyrtarisht se eshte duke rishikuar vendimin qe detyron shtetasit shqiptare te pajisen me viza ne ambasaden e saj ne Tirane, duke nisur nga 1 shkurti. Ivica Bocesku, zedhenes i kabinetit qeveritar te shtetit, qe njihet me se shumti si FYROM (ish-Republika Jugosllave e Maqedonise), tha dje se po synohet kapercimi i situates se krijuar me Shqiperine. Duke folur per mediat, Bocesku nenvizoi se “brenda kornizes ligjore te krijuar me ligjin e ri per te huajt dhe qendrimin e tyre ne Maqedoni, ka shume zgjidhje te mundshme per te zgjidhur problemin. Grupet e punes jane duke ripare ligjin dhe rregullime te tjera qe kane lidhje me kete ceshtje”. Zedhenesi siguroi se ne diten e dyte te javes qe vjen do te shpallet nje mase konkrete e qeverise se Shkupit. Sakaq, ekzekutivi maqedonas shpreson se nje marreveshje perfundimtare mbi kete ceshtje, te arrihet ne shkurt, kur kryeministri Gruevski te takoje homologun Berisha. Pala maqedonase, dje shprehu sigurine se “po punohet per nje zgjidhje te qendrueshme”.

Vendimi i Shkupit percakton se Shqiperia perfshihet ne listen e 140 shteteve ndaj te cilave, prej 1 shkurtit te ketij viti, do te zbatohet regjimi i vizave