Maqedonia do te shkaterrohet ndaj Greqia, nuk ka pse te frikesohet nga Shqiperia e madhe apo Bullgaria e Madhe. Deklarata e papritur u be dje nga Ministri Grek i Kultures, Andonis Samaras. I sapo emeruar ne kete post, Samaras beri deklaraten e forte, kunder Maqedonise. Ai u shpreh me bindje se Maqedonia me te cilen Greqia ka konflikte per shkak te emrit, do te shkaterrohet dhe nuk do te ekzistoje si subjekt i vetem. Ndaj per kete arsye sipas tij, shteti helen nuk ka asnje motiv, se pse duhet te frikesohet nga Shqiperia e madhe, apo Bullgaria e madhe, te cilat per Samaras do te krijohen pas shkaterrimit te Maqedonise. "Besoj, se shume shpejt Shkupi nuk do te ekzistoje si subjekt i vetem. Kjo do te thote, se koha eshte ne anen tone, dhe praktikisht eshte ne anen tone, per shkak se mendoj se ata nuk do te kene sukses qe te ruajne unitetin, i cili tani nuk ekziston. Greqia eshte si force ne zhvillim dhe me popullsi me te madhe dhe me te forte dhe nuk ka pse absolutisht te frikesohemi nga ata", u shpreh ministri Samaras. Nga ana tjeter, ministri grek, i njohur per reagimet e tij radikale nacionaliste, u shpreh se Bashkimi Evropian, nuk do te heqe dore nga partneri i saj ne kufirin jugor te Evropes. Sipas tij, Greqia ne keto kushte, nuk duhet te pranoje qe ne propozimin per emrin si kompromis te ekzistoje nocioni Maqedoni dhe se per kete nuk duhet te heq dore Athina zyrtare. Ministri shtoi se, koha punon per Greqine dhe opinioni i brendshem sipas tij nuk duhet te frikesohet nga pozicionet e forta te Athines ndaj ceshtjes maqedonase. Samaras, njihet si nje zyrtar me qendrime radikale. Deklarata e tij e forte, u be dje ne nje interviste per televizionin shteteror grek ERT. Samaras eshte minister i sapo emeruar ne qeverine greke. Ai ka qene anetar i kabinetit te qeverise greke ne vitin 1993 dhe u largua nga Qeveria e kryeministrit Micotakis pikerisht per shkak te qendrimeve te tij te forta.

Ne samitin e NATO-s ne Bukuresht ne muajin prill pati disa turbullime pasi Uashingtoni ngulte kembe qe Maqedonia te pranohej si anetare e NATO-s edhe pa zgjidhjen e konfliktit per emrin mes Greqise dhe Maqedonise. Por Greqia ishte kunder. Meqenese pranimi i anetareve te rinj behet ne unanimitet, Shkupi mbeti jashte.

Emri ende i pazgjidhur

Prej kohesh dy shtetet, Greqi dhe Maqedoni jane ne negociata te vazhdueshme ne lidhje me zgjidhjen e ceshtjes se emrit. Greqia bllokoi ne muajin prill, anetaresimin e Maqedonise ne NATO dhe eshte e prirur te beje te njejten gje edhe per anetaresimin ne Bashkimin Evropian, nese nuk gjendet nje zgjidhje ne ceshtjen e emrit, qe te jete e kenaqshme per qendrimin grek, qe bazohet ne ate se perdorimi i fjales Maqedoni, ne emrin kushtetues te vendit fqinj, fsheh pretendime territoriale ndaj Greqise. Ministrat e puneve te jashtme te vendeve anetare te NATO-s konfirmuan konstatimet nga samiti ne Bukuresht, se Maqedonia do te behet anetare pas zgjidhjes se kontestit per emrin me fqinjin jugor. Greqia eshte shprehur e pakenaqur deri me sot dhe nga propozimet e bera nga negociatori Metju Nimic per zgjidhjen e mos marreveshjes per emrin e Maqedonise.
Koha Jone