Tiranë -Ambasadori britanik në Tiranë Fraser Wilson, gjatë një takimi me një kryetar partie, deklaroi se zgjedhjet parlamentare të qershorit kanë një rendësi jetike për të ardhmen evropiane të Shqipërisë. Wilson u ka kërkuar të gjitha partive politike që të angazhohen për garantimin e standardeve evropiane në këto zgjedhje.

Ambasadori britanik, ka zhvilluar një takim me Nard Ndokën, kryetar i Partisë Demokristiane. Takimi është zhvilluar një ditë më parë, pa praninë e mediave. Nuk dihet saktësisht, se cilat ishin arsyet e këtij takimi, megjithëse zyra e shtypit pranë kësaj partie, thotë se takimi është zhvilluar pas interesimit të diplomatit britanik për ecurinë e përgatitjes së zgjedhjeve të reja, si dhe për bashkëpunimin midis partive të djathta të grupuara në koalicionin e ri politik, “Poli i Lirisë”.

Duket se interesimin i Wilson, për Polin e Lirisë” është i madh, megjithëse ky pol deri më tani ka të grupuar parti pa ndikim, dhe “pjesëza të shkëputura” nga parti të tjera politike. Gjithsesi, zgjedhjet do të “nxjerrin në dritë” edhe këtë pol në politikën shqiptare, ku gara midis partive të tjera, duket se nuk do t’iu lë shumë hapësirë.
start