Rozeta Rapushi
Propozimet e Partise Socialiste per dhenien e kartave te identitetit pa leke per zgjedhesit, moren kritika dje dhe nga delegacioni i Parlamentit Evropian. Kryetarja e ketij delegacioni Doris Pak, tha dje se cmimi i percaktuar per dokumentet e identitetit qe do te vlejne per te gjithe jeten, nuk eshte i larte por i perballueshem. Duke folur gjate mbi kete ceshtje, ne deklaraten e perbashket me palen shqiptare, Pak tha se duhet lene menjane ceshtja e cmimit, por t'u behet thirrje shqiptareve, te pajisen me to. "Kartat e identitetit jane shume te lira, krahasuar me cdo vend tjeter evropian. Ato kushtojne 10 euro dhe per disa kategori, si pensionistet apo personat qe marrin ndihme sociale, ka lehtesira 4 deri ne 6 euro", u shpreh Pak. Sipas saj, me nje perllogaritje te thjeshte, nese mbledh parate qe harxhon nje shtetas, per te marre certifikata gjate vitit, i shkon shume me shtrenjte se sa blerja e kartes se identitetit, dokument qe e ka per tere jeten. Indirekt, Doris Pak u beri thirrje te gjithe shtetasve shqiptare, qe te pajisen me karta identiteti dhe te mos i neglizhojne ato. Duke i kujtuar keshtu dhe opozites se majte, qe te beje thirrje per marrjen e kartave, jo te kerkoje heqjen e cmimit per pajisjen me to. "Nese vertet, dikush nuk ka 4 euro, ai duhet te shkoje te aplikoje dhe te provoje, se nuk ka mundesi te paguaje. Nese kjo eshte e mundur, por nuk duhet dhene pershtypja se kjo behet falas. Karta identiteti falas, nuk ka askund ne bote. Ne ftojme te gjitha partite edhe mediat te thone: Njerez, shkoni dhe aplikoni per kartat e identitetit. Te thuash qe per disa muaj keto do te jepen falas, kjo nuk eshte korrekte", kritikoi Pak, propozimet me te fundit te Partise Socialiste. Ne deklaraten e djeshme, Pak nuk harroi t'ju kujtoje dhe nje here autoriteteve shqiptare, se zgjedhjet parlamentare te 28 qershorit jane pike kyce, per te ardhmen e Shqiperise ne Bashkimin Evropian. Pak permendi se ne kete proces zgjedhor, shume e rendesishme vleresohet pajisja e zgjedhesve me karta identiteti, si nje standard i kerkuar. Ne fakt, ne deklaraten e perbashket, delegacioni i Parlamentit Evropian beri te ditur se standardi ne baze te te cilit do te zhvillohen zgjedhjet parlamentare te 28 qershorit, eshte dhe celesi per Shqiperine ne ceshtjen e marrjes se statusit si vend kandidat, por dhe per procesin e liberalizimit te vizave me vendet e Bashkimit Evropian. Delegacioni i Parlamentit Evropian, mberriti dy dite me pare ne Tirane dhe zhvilloi takime te shumta me kreret e shtetit. Tema kryesore e bisedimeve, ishte organizimi dhe zhvillimi i zgjedhjeve te lira dhe te ndershme ne 28 qershor. Pak jave me pare, qeveria miratoi uljen e cmimeve per kategori te caktuar per sa i perket kartave te identitetit. Keshtu ajo vendosi uljen e cmimit me 20% per studentet, 35% per pensionistet dhe 46% per ato familje, qe trajtohen me ndihme ekonomike.

"Procesi i zgjerimit te BE, nuk do te ndalet"

Ne perfundim te vizites se saj ne Tirane eurodeputetja Doris Pak, ritheksoi qendrimin e pandryshueshem te BE-se, se zgjerimi i vendeve te Ballkanit Perendimor drejt familjes evropiane eshte nje proces qe nuk do te ndalet. Ky qendrim i Pak, u be pas miratimit te deklarates se perbashket te miratuar mes dy delegacioneve ne takimin e 16-te nderparlamentar Shqiperi-BE. "Procesi i zgjerimit po vazhdon dhe gjithcka po shkon si tani. Eshte fakt qe gjate viteve te ardhshme do te vazhdoje ky zgjerim, askush nuk ka thene se ky proces do te ndalet. Ju po i afroheni anetaresimit ne BE, por eshte nje rruge e gjate per t'u integruar ne Bashkimin Evropian dhe per kete ju duhet te investoni ne te gjitha fushat, duhet te vazhdoni te punoni", deklaroi Doris Pak. Integrimi ne NATO, ka qene nje tjeter pike ku eshte ndalur deputetja evropiane. Sipas saj shqiptaret duhet te ndihen krenare per kete proces qe do te finalizohet ne muajin prill, pasi kjo deshmon, ka theksuar Pak, se Shqiperia i ka permbushur tashme te gjitha standardet per te qene anetare me te drejta te plota, ne strukturen e Atlantikut te Veriut.
Koha Jone