Genc Ruli falsifikon projektligjin

Genc Ruli falsifikon projektligjin e qeverisë, për të krijuar monopol mbi kazinotë

Genc Ruli falsifikon projektligjin Ruli_genc_3

Ministri i Ekonomisë, Tregëtisë dhe Energjetikës Shqiptare, Genc Ruli, fut në “ditarin” e tij dhe në lsitën e skandaleve të qeverisë, një tjetër skandal në përmasa kushtetuese, që lidhet me lojërat e fatit. Këtu nuk është fjala, thjeshtë për ato dhomat e lojërave të fatit dhe bixhozit, me dhe pa liçensë, të ngritura në garsoniere dhe kisoka lagjesh të Tiranës, apo Peqinit, por për lojërat e fatit me kazinotë, që kuptohet dhe dihet tashmë nga të gjithë, se çfarë janë dhe se ç’behët brenda tyre.
Që të ketë kazino, kjo është normale, por që të “luhet” edhe me ligjin për to, kjo është skandaloze, për më tepër, kur këto “zare” abuzimi dhe falsifikimi bëhen nga ministra të qeverisë së “duarve të pastra” të zotit Berisha. Se çfarë ka bërë Genc Ruli në “mbretërinë e parë” të Berishës, kjo dihet, sepse sa herë flitet për të, kujtohet skandali me drurin e arrës dhe skandali me minerat. Mirëpo ky “inventar” skandalesh të bëra prej tij, vazhdon të shtohet.
Skandali i rradhës, i zbuluar që mbanë emrin e ministrit të babëzitur Genc Ruli, ka lidhje me ligjin e kazinove. Pasi ka “zgjidhur gjithë problemet social-ekonomike” të shqiptarëve, Këshilli i Ministrave të Republikës së Shqipërisë, me Vendimin nr.194, datë 28.03.2007, i propozon Kuvendit të Shqipërisë, pra legjislativit, të bëhen ndryshime në ligjin për lojërat e fatit në Shqipëri. Konkretisht, në mbështetje të nenit 81, pika 1 dhe të nenit 100 të Kushtetutës, qeveria “Berisha”, i kërkon parlamentit, të bëhen disa shtesa në Ligjin Nr. 8701, datë 1.12.2000 “Për lojërat e fatit, kazinotë dhe hipodromet, të ndryshuar”. Ky vendim është firmosur nga kryeministri Sali Berisha dhe ka hyrë në fuqi menjëherë, pra që minutën kur është firmosur. Poshtë firmës së kryeministrit është dhe firma e ministrit të Ekonomisë, Tregëtisë dhe Energjetikës, Genc Ruli, që në rastin konkret është ministër i linjës dhe titullar përgjegjës për zbatimin e tij.
Ky vendim është protokolluar dhe është pranuar për veprim, në sekrtarinë e Kuvendit, në datën 20/04/2007. Vendimi shoqërohet me relacionin përkatës shpjegues dhe me projektligjin e propozuar për ndryshimet përkatëse.
Mirëpo, pasi Berisha e ka dorëzuar këtë projektligj në parlament, ministri Ruli i ka bërë privatisht ndryshime të tjera atij, që duket se i interesojnë në lidhje me kazinotë, që të ketë në dorë një ligj personal, me objeksion përmbushjen e interesave të tij. Ministri Ruli, duke shfrytëzuar mesa duket “gjumin” e deputetëve dhe “heshtjen’ e Berishës, ka shtuar një pragraf më tepër, në projektligjin që ka paraqitur për diskutim dhe miratim gjatë diskutimit në parlament. Në projekligjin e qeverisë, të firmosur nga Berisha, neni 2 ka vetëm dy pika dhe 2 gërma. Ndërsa ministri Ruli, në projektin privat, të paraqitur në parlament dhe që është bërë ligj, i ka shtuar nenit 2 edhe pikën 3.
Jja se çfarë ka shtuar Ruli privatisht, pa miratimin e Këshillit të Ministrave, duke mashtruar edhe parlamentin, deputetët e të cilit e kanë votuar dhe e kanë bërë ligj, sipas variantit skandaloz të Rulit.
Pika 3, e shtuar në nenin 2:
3. Në fund të pikës 4 shtohet një paragraf me këtë përmbajtje:
“Nuk konsiderohen lojëra elektronike me fitim në çast, makinat elektronike apo kompjuterat elektronikë, të cilët kanë më shumë se një pozicion loje. Lojëra elektronike me fitim në çast sipas këtij ligji, konsiderohen vetëm makinat e tipit sllot.
Personat të cilët kanë instaluar makina elektronike, apo kompjutera elektronikë, të cilët nuk konsiderohen si të tillë nga paragrafi i mësipërm, detyrohen t’i heqin ato brenda 6 muajve nga hyrja në fuqi e këtij ligji”
Kjo është shtesa tinzare dhe skandaloze që ka bërë Ruli. Përveç kësaj, kjo shtesë prej mafiozi pa miratim qeverie dhe duke falsifikuar vendimin dhe projektin e qeverisë të paraqitur e të regjistruar në Kuvend, parashikon asgjësimin e të gjithë lojrave të vogla të fatit, duke i dhënë akses monopolit të kazinove. Me këtë shtesë, ai eleminon gjithë bisnesin e vogël e të mesëm të lojërave të fatit dhe madje u lë edhe afat mbyllje të veprimtarisë. Qëllimi kuptohet. Por nuk kuptohet, se përse e ka pranuar kryetarja e Kuvendit Topalli këtë ndryshim të bërë “natën”? Përse e ka pranuar pas skandalit edhe kryeministri Berisha?
Ky nuk është një gabim “njerëzor”, zoti kryeministër, por një mafiozllëk, që mesa duket komandon dhe “timonin” tuaj të lodhur nga paaftësia për të qeverisur, ose nga pranimi, për të qeverisur edhe me skandale të këtyre përmasave.

Genc Ruli falsifikon projektligjin

Genc Ruli falsifikon projektligjin

Genc Ruli falsifikon projektligjin :: Komentet