Berlin-Duke folur për samitin e prillit të NATO-s, kancerlarja gjermane Angela Merkel theksoi se Shqipëria dhe Kroacia tashmë janë gati për t’u bërë vende anëtare në aleancë, duke i afruar më shumë këto dy vendeve, tashmë me derë të hapur. Për sa i përket konfliktit midis Kroacisë dhe Sllovenisë, Merkel tha se ky nuk do të jetë pengesë për Zagrebin. G

Gjatë fjalës së mbajtur në Parlamentin gjerman, Merkel ka përdorur sot në orën 11 00 në Berlin një citat të kryeministrit shqiptar Sali Berisha, për të ilustruar domethënien e samitit të NATO-s, që do të zhvillohet më datat 3 dhe 4 prill në Kehl të Gjermanisë dhe Strasburg të Francës, sipas Radios Deutsche Welle.

"Jam shumë e interesuar që këtij samiti t'i jepet rëndësia e duhur", tha ajo gjatë deklaratës zyrtare të enjten në Bundestag. "Ndoshta do të na ndihmonte për këtë një citat nga një intervistë që kryeministri i Shqipërisë Sali Berisha i pat dhënë të hënën e kaluar gazetës "Frankfurter Allgemeine Zeitung".

Pyetjes se çfarë do t'i sjellë NATO-ja Shqipërisë, ai iu përgjigj si më poshtë: "Qëllimi i NATO-s është që armiqtë t'i kthejë në miq, kjo do të thotë se është një fitore e madhërishme që një nga vendet më komuniste të botës, tani po bëhet anëtar i Aleancës më perëndimore", përfundoi Merkel citatin e Berishës, që u prit me duartrokitje nga deputetët e fraksionit të saj.

Kancelarja kristdemokrate tha se samiti i NATO-s do të hedhë piketat e para për një koncept të ri strategjik. Në 60-vjetorin e themelimit, Aleancës, - aktualisht 26 anëtarëshe -, do t'i shtohen edhe Shqipëria dhe Kroacia.

start